Կառավարության այսօրվա նիստից հետո ԱԺ աշխատակազմի ղեկավար Հրայր Թովմասյանը լրագրողներին ասել է, որ հաջորդ շաբաթ Ընտրական օրենսգրքի նախագիծը որոշակի հրապարակայնություն կստանա: Դրանից հետո նոր կսկսվի նախագծի քննարկումը քաղաքական ուժերի հետ։ Մինչ այդ չի քննարկվել, քանի որ, Հրայր Թովմասյանի խոսքով, կիսատ եփած ճաշը լավ չի, որ հրամցվի։

Այդ նախագծով, սակայն, սահմանված չի լինելու ընտրություններից հետո ընտրողների ցուցակները հրապարակելու դրույթը։

–Սահմանադրական դատարանի որոշմամբ արգելվել է դրանց հպարակումը: Այդ ճանապարհով գնացած երկրները բախվել են այլ խնդրի, երբ քվեարկության չմասնակցածներն են որոշակի հետապնդումների ենթարկվել: Հետևաբար, որոշ ստանդարտներով քվեարկությանը մասնակցելը ևս համարվում է գաղտնի,–ասել է Հ.Թովմասյանը։

Վերջինը նաև հավելել է, որ 1999 թվականին ամբողջությամբ մենակ է գրել օրենսգիրքը. «Մի քանի բան կա, որ դրա ժամանակ շատով լինելն էդքան էլ լավ չի. մեկ ձվածեղ ուտելուց, մեկ էլ օրենք գրելուց»:

7or.am