Աշխարհ

05.02.2016 21:15


Էրդողանի քաղաքականությունը Թուրքիան «էրոզիայի» է տանում

Էրդողանի քաղաքականությունը Թուրքիան «էրոզիայի» է տանում

Թուրքիայի նախագահ Ռեջեփ Թայիփ Էրդողանի քաղաքականությունը Թուրքիան աստիճանական «էրոզիայի» է տանում։ Այս մասին գրում է բրիտանական «Independent»-ը։

Ըստ պարբերականի՝ հարևանների հետ լարված հարաբերությունների և ներքին խնդիրների պատճառը Թուրքիայի իշխանությունների սխալ հաշվարկներն էին, և դրանք էլ այդ երկիրը փլուզման են հասցնում:

Նշվում է, որ մինչև 2002 թվականը, երբ իշխանության եկավ Էրդողանի «Արդարություն և զարգացում» կուսակցությունը, Թուրքիան հետևում էր Քեմալ Աթաթուրքի կտակին՝ «Խաղաղություն տանը, խաղաղություն սահմաններից դուրս»։ Նշվում է, որ այդ ժամանակ երկիրը ՆԱՏՕ-ի հարգված անդամ էր՝ ԵՄ անդամակցության հեռանկարներով:

Սակայն «Արդարություն և զարգացում» կուսակցության իշխանության գալով՝ երկրում իրավիճակը փոխվեց, և Թուրքիան գժտվեց իր հարևանների հետ։

Աղբյուրն ընդգծում է՝ Թուրքիան իրենից վանեց անգամ Ռուսաստանին՝ Սիրիայում խոցելով ռուսական Սու-24 ինքնաթիռը։

Բացի այդ, Էրդողանը քաղաքացիական պատերազմ հրահրեց քրդերի հետ, որը «սպառնում է փլուզել Աթաթուրքի ու նրա կողմնակիցների ստեղծած Թուրքիան»:

Պարբերականն անդրադարձել է նաև քաղաքական հետապնդումներին՝ նշելով, որ Էրդողանը չի հանդուրժում այլախոհության ցանկացած դրսևորում՝ քննադատներին ու քաղաքական հակառակորդներին անվանելով դավաճաններ ու ահաբեկիչներ։

7or.am

Այս խորագրի վերջին նյութերը