Ուշագրավ բացահայտում են արել Դանիայի Վիբորգ քաղաքի մոտակայքում պեղումներ իրականացնող գիտնականները, ովքեր ուսումնասիրել են վիկինգների բնակվելու վայրերը:

Ինչպես տեղեկացնում է «Вести.ru»-ն, ուսումնասիրելով լեգենդար մարդկանց արտաթորանքը, գիտնականները եկել են այն եզրակացության, որ վիկինգների օրգանիզմում մեծ թվով «Trichuris trichiura», «Fasciola hepatica» և «Ascaris» տեսակի մակաբույծներ էին ապրում, ինչը պայմանավորված էր կենդանիներին մոտ ապրելով և նրանց միսն օգտագործելով: Արդյունքում՝ վիկինգների օրգանիզմում հատուկ մեխանիզմներ էին ձևավորվել, որոնք պաշտպանում էին նրանց մակաբույծների վնասակար ազդեցությունից և տարատեսակ հիվանդություններից:

Պաշտպանական գենետիկական փոփոխությունները Սկանդինավիայի հնագույն բնակիչների մարմիններում դարձել էին անշրջելի և, հետևաբար, ժառանգական, ինչը երկար ժամանակ դրական երևույթ էր համարվում: Սակայն այժմ գիտնականները եկել են այն եզրակացության, որ հենց այդ փոփոխությունների պատճառով է, որ վիկինգների ժառանգորդներն ավելի հակված են թոքերի հետ կապված հիվանդություններին, քան այլ ժողովուրդները:

7or.am