Այսօր լրագրողների հետ հանդիպմանն անդրադարձ է կատարվել «Նաիրիտի» վերագործարկմանը և դրա հարցերով զբաղվող նորաստեղծ հանձնաժողովի կազմի վերաբերյալ մտահոգություններին:

-2010թ. գործարանի աշխատանքների կանգ առնելուց հետո մենք բազմաթիվ հանդիպումներ ենք ունեցել, անգամ մինչև նախագահի աշխատակազմ, նախարարի, վարչապետի, փոխնախարարի, փոխվարչապետի հետ, և մեզ հայտնել են, որ ամեն ինչ արվում է գործարանի վերագործարկման համար: Առ այսօր ոչ մի քայլ չի ձեռնարկվել,-ասել է գործարանի նախկին աշխատակից Արագեղեցիկ Կարեյանը:

Քիմիկ-ինժեներ Անահիտ Մանուկյանն էլ նշել է, որ գործարանը որևէ միջադեպի կամ վթարի պատճառով չի կանգնեցրել իր աշխատանքները, այլ ինչ-որ մեկի կամքով:

–Ինչ-որ մեկի ցանկությամբ աշխատող գործարանը հոսանքազրկվել է և դադարեցրել իր գործունեությունը: Մինչ օրս ոչ մեկը դրա համար պատասխան չի տվել,-ասել է Անահիտ Մանուկյանը:

Մանրամասն՝ «vesti.am»–ում