Խմբագրական

Ապրիլ 13, 2016 13:40

Սամվել Բաբայանի նամակն ու «գառների» լռությունը

Սամվել Բաբայանի նամակն ու «գառների» լռությունը

Երեկ մենք մասնակիորեն հրապարակեցինք 2013-ի հունիսի 26-ին Սերժ Սարգսյանին ուղարկված ԼՂՀ պաշտպանության նախկին նախարար և ԼՂՀ ՊԲ նախկին հրամանատար Սամվել Բաբայանի նամակը:

Սամվել Բաբայանի նամակը «պայթեցրել է» համացանցը: Տասնյակ հազարավոր մարդիկ են այն ընթերցել, ինչը բնական է: Բայց «գառները» լուռ են: Քլիքոմաններն անգամ չփորձեցին մոտ գալ նամակին, քանզի, պատկերավոր ասած, «վերևից» տոկը կխփեր: Նամակը լռության մատնելու հարցում իրոք որ «ներազգային համախմբման» ականատես եղանք:

Եվ քանի՞ կոպեկ արժեն այն լալահառաչ հայտարարությունները և շոուները, թե պետք է պաշտպանել հայ զինվորի կյանքը: Բա մարդը էն գլխից հայ զինվորին պաշտպանելու միջոց է առաջարկել, ինչո՞ւ եք բերաններդ ջուր առել:

Ուշագրավ է, որ Բ26-ին կից լրատվամիջոցներն ու հիմա սրանց հետ «ներազգային համախմբման» ռեժիմի մեջ գտնվող շրջանակները «չնկատեցին» այդ նամակը և չանդրադարձան դրա բովանդակությանը՝ շարունակելով ռազմահայրենասիրական ու դեմագոգիկ ճառեր արտասանել «համախմբման» թեմայով:

Լռում են նաև նրանք, ովքեր ի պաշտոնե պետք է պատասխան տան: Դա, ի դեպ, շատ աղմկոտ ու պերճախոս լռություն է, ինչի բացատրությունը դժվար չէ տալ:

Ինչ վերաբերում է Սամվել Բաբայանի նամակում ներկայացված կանխատեսումներին, գնահատականներին, վերլուծություններին, եզրակացություններին և առաջարկներին, ապա դրանք մի շարք հարցեր են առաջացնում: Հարցեր, որոնց անձամբ Սերժ Սարգսյանը պետք է պատասխան տա, քանզի ինքն է ՀՀ գերագույն գլխավոր հրամանատարի պաշտոնը զբաղեցնում, և ինքն է մեր երկրի ու քաղաքացիների անվտանգության ապահովման համար պատասխանատու թիվ մեկ պաշտոնյան:

Չորսօրյա պատերազմից հետո ութ տասնյակի չափ զոհ ունենք ու բազմաթիվ վիրավորներ: Այդ ինչպե՞ս ստացվեց, որ մենք այսքան զոհ տվեցինք ու նաև որոշ դիրքեր հանձնեցինք:

Բա մեզ ասում էիք, թե աչք փակեք ընտրակեղծիքների, թալանի, գանձագողության, քաղաքական դաշտի անապատացման ու այլ բացասական երևույթների վրա, քանզի ամեն ինչ հանուն Ղարաբաղի համար ենք անում, ու ամեն ինչ «OK» է:

Այդ ինչո՞ւ հիմա հայտարարվեց, որ 80-ականների զենքով ենք կռվում: Իսկ ի՞նչ է արվել, որ այդպես չլինի:

Բաբայանը երեք տարի առաջ է, փաստորեն, զգուշացրել, որ մեր բանակի մարտավարական պատրաստվածությունը մնացել է քսաներորդ դարի մակարդակին: Բա ինչո՞ւ հետևություններ չեն արվել: Իսկ եթե Բաբայանը սխալվել է մեր պատրաստվածության հարցում, ապա ինչո՞ւ այսպես ստացվեց, ու միայն մերոնց կյանքի գնով կարողացանք կանգնեցնել ոչ այնքան լայնամասշտաբ ադրբեջանական բլից-կրիգը:

Ինչո՞ւ են հիմա տղերքը բողոքում, որ մարտի ժամանակ որոշ «ավտոմատներ» չեն կրակել, քանզի հնամաշ են եղել: Այս բնույթի այլ հարցեր էլ կան, որոնք, հասկանալի պատճառներով, չենք հնչեցնում, բայց դա չի նշանակում, որ հարցերը լռությամբ կարելի է փակել:

Բանակին չես կարող մեղադրել: Մեր զինվորներն ու սպաները արել են հնարավորն ու անհնարինը, բայց չի կարելի մարդկային ռեսուրսի վրա թողնել ամեն ինչ:

Ինչո՞ւ Սերժ Սարգսյանը չի արձագանքել Սամվել Բաբայանի նամակին ու համապատասխան քայլեր չի ձեռնարկել: Իրեն փոխանցված անհրաժեշտ զենքերի ու տեխնիկայի ցուցակի համաձայն գնումներ արվե՞լ են, թե՞ ոչ: Բնականաբար, չեն արվել, այլապես նույնիսկ ճնճղուկը չէր կարողանա թռչել մեր տղաների գլխավերևով, էլ ուր մնաց՝ անօդաչու սարքերը դառնային երկնքից իջնող մահաբեր մահակներ:

Այդ ինչպե՞ս է, որ Հայաստանի փողոցները գերժամանակակից տեխնիկայով են հագեցած, որպեսզի քերթեն վարորդներին, այդ ինչպե՞ս է, որ «Գեբելսյան» քարոզչամեքենան գերժամանակակից տեխնիկայով է համալրված, որպեսզի արմանբաբաջանյանները կարողանան «մուտիլովկաներով» զբաղվել, իսկ ահա իսրայելական անօդաչու թռչող սարքերի դեմ մերոնց որպես կենդանի վահան էիք կանգնեցրել: Անօդաչուի դեմ Բ26-ը որոշել է դեմ տալ հայ զինվորի ոգի՞ն:

Այդ ինչպե՞ս է ստացվում, որ հիմա ռազմահայրենասիրական քարոզ է իրականացվում, ու համախմբման կոչեր են հնչեցվում, իսկ ահա Սամվել Բաբայանի նամակը չնկատելու են տալիս պրոֆեսիոնալ հայրենասերները:

Բաբայանը, փաստորեն, տարիներ առաջ է զգուշացրել, թե ինչ է սպասվում, և առաջարկել լուծումներ, որպեսզի կամ հնարավոր լինի թույլ չտալ հակառակորդի լկտիացում, կամ էլ, եթե, այդուհանդերձ, լինի հարձակում, ապա մենք կարողանանք խուսափել մարդկային կորուստներից (3-4 անգամ) ու հաջող հակահարձակման հնարավորություն ունենանք, այլ ոչ թե գլուխ գովենք, որ մի երկու-երեք հարյուր մետր ենք ընդամենը հանձնել: Եվ սա դեռ լայմանասշտաբ հարձակում չէր: Բա որ լիներ, ի՞նչ էինք ասելու: Ասելուն էինք, որ հայ զինվորի ոգին բարձր է, ու ընդամենը մի երկու-երեք հազար մե՞տր ենք հանձնել: Էլ չեմ ասում այն մասին, թե այդ դեպքում ինչ քանակի զոհերի մասին կարող էր խոսք գնալ:

Զոհերի համար ո՞վ պետք է պատասխան տա: Բա մեզ ասում էիք, թե ԵՏՄ մտանք, որ անվտանգությունն ապահովվի: Հարց է առաջանում՝ ինչո՞ւ չեք կարողանում ռուսների հետ նորմալ բանակցել ու համապատասխան զենք գնել, այն էլ՝ Ադրբեջանի համեմատ զգալիորեն էժան գներով, քանզի, որպես ՀԱՊԿ անդամ, Հայաստանը կարող է ՌԴ ներքին գներով զենք ու տեխնիկա ձեռք բերել:

Նախորդ պատերազմի ժամանակ Վազգեն Սարգսյանը կարողացավ լեզու գտնել ՌԴ պաշտպանության նախարար Գրաչովի հետ ու լուծել մատակարարումների հարցը: Հիմա, փաստորեն, այդպիսի մեկը չկա մեր պետական կառավարման համակարգում: Չկա, քանզի նման խնդիր, մեծ հաշվով, չի էլ դրվում: Կարևորը Սահմանադրությունը փոխելն ու վերարտադրության թեմայով մտահոգվելն է, մեկ էլ հաճախորդների ցուցակը, «էջմիածնական միաբանների» հիացական բացականչությունների ներքո, վերաթարմացնելը:

Մենք սահմանի վրա զոհեր ունեցանք ու դիրք հանձնեցինք, քանզի թիկունքում խայտառակ մակարդակի թալան է, անարդյունավետ կառավարում և դիլետանտիզմ:

Եթե, իրոք, խնդիր է դրված համախմբում ապահովել, օբյեկտիվորեն վերլուծել տեղի ունեցածը և համապատասխան քայլեր ձեռնարկել, ապա պետք է արձագանք լինի Բաբայանի նամակի թեմայով, հասարակական-քաղաքական լայն շրջանակները պետք է հարցադրումներ հնչեցնեին ու պատասխան պահանջեին, բայց առայժմ կա «գառների» լռություն: Բայց դա արդեն նշանակություն չունի: Կարևորը, որ հանրությունն արձանագրեց, թե ինչն ինչոց է, ու իր հետևություններն անպայման անելու է:

Պատերազմը բացեց բոլորի աչքերը: Հիմա է երևում, թե ով ով է եղել նախորդ պատերազմի ժամանակ, ով ով է հիմա, ով է կեղծ պաթոսով խոսում հայրենասիրությունից, ով է սելֆիներ անում դիրքերից՝ օգտվելով հարաբերական հրադադարից, և ով է տեսախցիկների առաջ «ազատամարտիկություն» անում, ով է կամուֆլյաժ-փարթի անում, ով է հանձնում հարավարևելյան դիրքերը, ով է մասնագիտությամբ «ազատամարտիկ», իսկ ով՝ շոումեն:

Սերժ Սարգսյանի հենարան հանդիսացող Մանվելն ու Լիսկան դեռ Բաքուն չե՞ն գրավել: Ոչինչ, դեռ կհասցնեն գրավել: Հիմա Լիսկայի Զարզանդին հերոսական մարտերի համար պարգևատրելու ժամանակն է: Մեկ էլ լուրջ թեմաներով լուռ մնալու ժամանակն է:

Բայց Բաբայանի նամակն այն հարցը չէ, որ լռության մատնվի:

Եվ այսպես, Սարգսյանը զգուշացված է եղել: Հարց՝ ի՞նչ է արել նա դրանից հետո: Այդ ինչպե՞ս ստացվեց, որ Մատաղիսի ու Թալիշի ժողովուրդը մի կերպ փախավ, մինչև որ տղաներն իրենց կյանքն էին դնում առաջապահ դիրքերում:

Մատաղիսում զոհված կապիտան Հովսեփ Կիրակոսյանն ապրիլի 2-ի առավոտյան մի կերպ կապվել է Մատաղիսում բնակվող իր ընտանիքի հետ, կնոջը կոչ է արել երկու փոքրիկ երեխաների հետ շտապ հեռանալ գյուղից, քանզի հասկացել է, որ չեն կարողանալու պահել դիրքերը: Հովսեփը չի լքել դիրքերը, մնացել է զինվորների հետ ու զոհվել է: Նրա կինը առավոտ շուտ երեխաներին մի կերպ գրկած (2 և 3 տարեկան տղաներ են) գնդակոծությունների տակ հասել է Մարտակերտ: Նույնն արել են նաև մյուս մատաղիսցիները:

Սա միայն մի զոհվածի պատմություն է, որը ցույց է տալիս շատ բան ու առաջացնում շատ հարցեր:

Սարգսյանը Բաբայանի նամակին չի արձագանքել (երևի, պետք է գրեր՝ Սե՛րժ, չե՞ս կարծում, որ արժե հանդիպել, քանի որ դա երկուսիս համար էլ կարող է լավ լինել), բայց ի՞նչ է արել Բաբայանի ասածների առումով: Եթե արել է ինչ–որ բան, ապա ինչո՞ւ այսպես ստացվեց:

Սրանք հարցեր են, որոնց պատասխանները պետք է հնչեն, այլ ոչ թե «հայրենասիրական» ու «համախմբման» թամաշայի օգնությամբ լռեցվեն: Միևնույն է՝ թեման տաք ենք պահելու, և ծածկադմփոց թույլ չենք տալու:

7or.am

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: