«Rio Tinto» ավստրալա–բրիտանական կոնցեռնի աշխատակիցները հազվագյուտ մանուշակագույն ալմաստ են գտել։ «Life»–ի փոխանցմամբ՝ թանկարժեք քարը հայտնաբերվել է Արևմտյան Ավստրալիայի Արգայլ հանքավայրում։

Ուշագրավ է, որ հենց այնտեղից են արդյունահանում մանուշակագույն ալմաստների 90%–ը։ 2,83 կարատ քաշով քարը, հայտնի «Մանուշակագույն Արգայլ» անունով, կդառնա «Argyle pink diamonds»–ի ամենամյա աճուրդի կենտրոնական իրը։

Ենթադրվում է, որ գնորդներն ալմաստի կարատի դիմաց պատրաստ կլինեն 1–2 մլն դոլար վճարել։

7or.am