Պակիստանի իշխանությունները չեն կարող հաստատել ծայրահեղական «Թալիբան» շարժման առաջնորդի՝ մոլլա Ահթար Մանսուրի մահը, քանի դեռ չի անցկացվել ԴՆԹ թեսթ։ Այս մասին, «Reuters»–ի փոխանցմամբ, հայտարարել է երկրի ՆԳՆ ղեկավար Չաուդհրի Ալի Խանը։

«Պակիստանի կառավարությունը չի կարող բացահայտել այդ տվյալները առանց գիտական և օրինական հիմնավորման»,–ասել է նա։

Նրա խոսքով՝ ներկայումս սպանվածի ԴՆԹ–ի նմուշներն ուղարկվել են համեմատության Մանսուրի հարազատի տրամադրած տվյալների հետ։ Նախարարը նաև հրաժարվել է բացահայտել հարազատի ինքնությունը։

Ավելի վաղ հաղորդվել էր, որ ԱՄՆ դեսպանը կանչվել է Պակիստանի ԱԳՆ՝ «Թալիբանի» առաջնորդին հասցված ավիահարվածի համար։

7or.am