ՌԴ Սանկտ Պետերբուրգում սկսվող սպիտակ գիշերներն ամեն չորրորդ բնակչի մոտ անքնություն ու ընկճախտ են առաջացրել։ Այս մասին «Լայֆ»–ի հետ զրույցում հայտարարարել է Հոգեբանության և սեքսոլոգիայի ինստիտուտի ռեկտոր Լև Շեգլովը։

«Քաղաքում վաղուց բնակվողներն արդեն սովոր են սպիտակ գիշերներին։ Սակայն մոտ մեկ քառորդն անքնությունից ու անհանգստության զգացումից է տառապում։ Նամանավանդ դա վերաբերում է քաղաք նոր եկածներին, քանի որ նրանց օրգանիզմը վերակառուցվում է», – պարզաբանել է գիտնականը։

Սպիտակ գիշերները Սանկտ Պետերբուրգում սկսվում են ամռանը և տևում մոտ 40 օր։ Ռուսաստանի զբոսաշրջային միությունից նշում են, որ հենց այդ ժամանակ է նկատվում զբոսաշրջիկների հոսքերի աճ, ինչը, սակայն, ավելի շատ կապված է տաք եղանակի հետ։

7or.am