Մեքսիկայի իշխանությունները ձերբակալել են «Բելթրան Լեյվա» թմրակարտելի վարձու մարդասպանների առաջնորդներից մեկին։ Հանցագործը, ում ազգանունը չի հստակեցվում, հայտնի է «Ռուս» մականունով։ Համաձայն «Excelsior»–ի հաղորդագրության՝ նրան ձերբակալել են Ակապուլկո հանգստավայրում։

Ռուսին մեղադրում են անձի դեմ ուղղված հանցագործությունների և կազմակերպված հանցավոր գործունեությանը մասնակցելու մեջ։ Նրա հետ իրավապահ մարմինների ձեռքն է ընկել ևս 5 մարդ, այդ թվում՝ 2 կին։ Ձերբակալվածների մոտից առգրավվել են թմրադեղեր և զենք։ Այս մասին փոխանցում է РИА «Новости»–ն։

«Բելթրան Լեյվա» թմրակարտելի վարձու մարդասպանների նախկին առաջնորդ և մեքսիկական խոշոր նարկոբարոններից մեկը՝ Էդգար Վալդեսը, ով հայտնի էր «Բարբի» մականունով, ձերբակալվել է 2010թ. ամռանը և 2015թ. արտահանձնվել ԱՄՆ–ին։

7or.am