Քաղաքական

23.07.2016 20:03


Վիտալի Բալասանյան. «Սեֆիլյանը և տղաների մեծամասնությունը հրաժարվել են Սերժ Սարգսյանի հրաժարականից»

Վիտալի Բալասանյան. «Սեֆիլյանը և տղաների մեծամասնությունը հրաժարվել են Սերժ Սարգսյանի հրաժարականից»

ԼՂՀ ԱԺ պատգամավոր Վիտալի Բալասանյանը «Սասնա ծռեր» խմբին զգուշացրել է, որ ովքեր զենք կկիրառեն, կկրեն համապատասխան պատիժը։ Այս մասին Վիտալի Բալասանյանը հայտնել է ՊՊԾ գնդի տարածքում հավաքված լրագրողների հետ զրույցում։

–Անվերջ չի շարունակվելու, այսօր, վաղը պետք է զենքերը վայր դնեն,-նշել է Բալասանյանը և հավելել, որ զենքով հեղաշրջումն անընդունելի է համարում։

Բալասանյանի կարծիքով՝ իրենք այժմ հասել են մի կարևոր կետի, որ այս պահի դրությամբ իրավիճակը խաղաղ է թե՛ իրավապահ մարմինների կողմից, թե՛ տղաների։

–Սա հենց հաջողության գրավականն է: Համոզված եմ, թե՛ իշխանությունները, թե՛ մեր զինված խումբը կպահպանեն անդորրը և քաղաքակիրթ ձևով լուծում կտան բոլոր հարցերին»,-ասել է նա։

Ասուլիսի ընթացքում Բալասանյանը հետևյալ հայտարարույունն է արել.

-Ժիրայր Սեֆիլյանը և այն տղաների մեծամասնությունը, որոնք գտնվում են մեր կողքին, հրաժարվել են Սերժ Սարգսյանի հրաժարականից, սակայն պահանջում են նախկինում և այս օրերի ընթացքում ձերբակալվածների ազատ արձակումը։

7or.am

Այս խորագրի վերջին նյութերը