Եվրոպական հանձնաժողովի նախագահ Ժան–Քլոդ Յունքերը հայտարարել է, որ Եվրամիությունն անհապաղ որոշում կընդունի Թուրքիայի՝ ԵՄ–ին անդամակցելու հարցով բանակցությունների դադարեցման մասին այն դեպքում, եթե Անկարան վերականգնի մահապատիժը։ Այս մասին հաղորդում է «Reuters»–ը։

Հիշեցնենք՝ Թուրքիան հրաժարվել է մահապատժից 2004թ.՝ Եվրամիությանն անդամակցելու նորմերին համապատասխանելու նպատակով։ Երկրում զինված հեղաշրջման անհաջող փորձից հետո Թուրքիայի ղեկավար Էրդողանը մտածում է վերականգնել մահապատիժը՝ հեղաշրջման կազմակերպիչների դեմ կիրառելու նպատակով։

Նշենք, որ ավելի վաղ էլ նման հայտարարություն էր արել ԵՄ արտաքին քաղաքականության և անվտանգության հարցերով գերագույն հանձնակատար Ֆեդերիկա Մոգերինին։

7or.am