Համաձայն Պենտագոնի զեկույցի՝ ԱՄՆ–ի նոր USS Gerald R. Ford (CVN-78) ավիակիրը սպառազինություն ընդունելը կրկին հետաձգվում է։ Այս մասին փոխանցում է CNN հեռուստաալիքը։

«Չնայած այն սպասումներին, որ ավիակիրը սեպտեմբեր ամսին կմիանա նավատորմին, այն դեռևս պատրաստ չէ մարտի»,–ասվում է հաղորդագրության մեջ։

Զեկույցում հաղորդվում է, որ ավիակիրը խնդիրներ է ունենում, երբ ինքնաթիռները վերջինիս տախտակամածից թռիչք և վայրէջք են կատարում, թերություններ կան նաև օդային երթևեկության, նավի ինքնապաշտպանության համակարգերի և սպառազինության մատակարարման հետ կապված։

«Եթե այս խնդիրները չլուծվեն, նրանք էականորեն կսահմանափակեն CVN-78 հնարավորությունները մարտական գործողություններ վարելու հարցում»,– զեկույցում նշել է Պենտագոնի օպերատիվ փորձարկման տնօրեն Մայքլ Գիլմորը։

ԱՄՆ Ռազմածովային ուժերի ներկայացուցիչը հաղորդել է հեռուստաալիքին, որ նավը կարող է սպառազինություն ընդունվել 2017թ. սկզբում։

7or.am