Այսօր Խորենացի փողոցում նախատեսված հավաքը տեղափոխվել է Ազատության հրապարակ։ Այս մասին հայտնել են Ալեք Ենիգոմշյանը և Արմենակ Կյուրեղյանը։

Նրանք կոչ են անում քաղաքացիներին հավաքվել Ազատության հրապարակում՝ այս պահից սկսած։

***

Մարդկանց հոծ բազմություն է հավաքվել Ազատության հրապարակում։ Երկար բանավեճերից հետո դեպի Խորենացի փողոց երթ իրականացնելու հարցը դրվեց քվեարկության և գրեթե բացարձակ մեծամասնությամբ ընդունվեց միաձայն։ Այժմ երթի մասնակիցները գնում են Խորենացի փողոց՝ «մի–ա–ցե՛ք» վանկարկելով։

***

Խորենացու փողոցում մեծ թվով ոստիկանական ուժեր են կենտրոնացվում:

***

Այս պահին ցուցարարները հասան Խորենացի փողոց։ Այնտեղ ոստիկանական պատնեշ է տեղակայված։

***

Խորենացի փողոցում բողոքի բազմամարդ ցույցն ավարտվեց։ Քաղաքացիները որոշեցին գնալ տուն և այսօր երեկոյան՝ ժամը 20:00–ին, հավաքվել Ազատության հրապարակում ու կրկին երթով գալ Խորենացի փողոց։

Նշենք, որ ոստիկանները կատարեցին ցուցարարների պահանջներից մեկը՝ հայտարարելով, որ ազատ են արձակել բերման ենթարկված գրեթե բոլոր քաղաքացիներին։

7or.am