Խմբագրական

Փետրվարի 10, 2011 19:11

Ո՞ր տարբերակով կհեռանա Սերժ Սարգսյանը

Ո՞ր տարբերակով կհեռանա Սերժ Սարգսյանը

Հայաստանի քաղաքական և տնտեսական ներկա գործընթացները ցույց են տալիս, որ Սերժ Սարգսյանը, ըստ էության, պատերազմ է հայտարարել բիզնեսին՝ սկսած փոքրից, վերջացրած խոշորով։

Մարտի 1-ի միջոցով նախագահ դարձածի նպատակն առաջին իսկ օրվանից երկրի ֆինանսատնտեսական բոլոր հոսքերն իր ձեռքում կենտրոնացնելն է եղել, ինչը հանրությանը դեմագոգիկ կերպով մատուցվում էր (է) որպես ստվերային տնտեսության ու անհանդուրժելի երևույթների դեմ պայքար։ Եվ քանի որ խոշոր բիզնեսը որոշակի ռեսուրսներ ունի և իր մաշկի վրա է անմիջապես զգում Հայաստանի թուրքմենբաշիացման կամ ալիևացման  քաղաքականության՝ Սարգսյանի ծրագրերի ազդեցությունը, ուստի Բաղրամյան 26-ի համար այդքան էլ հեշտ չի լինի իր նեոբոլշևիկյան ծրագրերը կյանքի կոչել, եթե, իհարկե, հնարավոր լինի դրանք իրականացնել ընդհանրապես։ Ահա այս ամենն է պատճառը, որ հակասություններ են առաջացել մասնավորապես ՀՀԿ-ԲՀԿ հարաբերություններում, իսկ ավելի ճիշտ՝ ՀՀ գործող նախագահի, վերջինիս նեղ շրջապատի՝  մի կողմից  ու ԲՀԿ-ի միջև՝ մյուս կողմից։

Ինչ վերաբերում է փոքր ու միջին բիզնեսին, ապա այդ շերտը վաղուց իշխանական ճնշումների տակ է և հարմար առիթ է ման գալիս վարչախմբին տապալելու համար։

Բոլորի համար էլ ակնհայտ է, որ Սերժ Սարգսյանը վերջնականապես ձախողվել է և՛ արտաքին, և՛ ներքին քաղաքական ասպարեզներում, ու սրա ելքը ՀՀ-ում համակարգային փոփոխություններն են, ինչը ենթադրում է նաև իշխանափոխություն։ Սարգսյանը, բնականաբար, դիմադրելու է այս ամենին, բայց նրա ագրեսիվ պահվածքը ցույց է տալիս, որ գործ ունենք թույլ բռնապետի հետ, ով, թաքնվելով սրա-նրա հետևում, փորձում է վերջնագրեր ու պահանջներ ներկայացնել իր «գործընկերներին» ու հանրությանը։

 Սարգսյանն այժմ չի էլ թաքցնում, որ գնում է «Մեկ օլիգարխի տնտեսություն» կառուցելու ճանապարհով և այդ շրջանակներում փորձելու է վերարտադրվել։ ՀՀ քաղաքացիներիս պատասխանն այս ամենին պետք է լինի համազգային  կոնսոլիդացիան, համակարգային փոփոխությունների պահանջն ու իշխանափոխությունը։ Այլընտրանք չկա։ Մենք չենք կարող թույլ տալ այս խայտառակ քաղաքականության շարունակելիությունը։ Իսկ թե ո՞ր ճանապարհով հնարավոր կլինի հասնել վերը նշված խնդիրների իրագործմանը՝ պարզ կդառնա մոտ օրերս։ Ինչ-ինչ գործոններ հաշվի առնելով՝ մեզանում չի բացառվում եգիպտական սցենարի կրկնությունը։  

Տեսե՛ք. Եգիպտոսի նախագահ Հոսնի Մուբարաքն ավելի քան երեսուն տարի հետևողականորեն ձևավորում էր այդ տխրահռչակ «մեկ օլիգարխի տնտեսությունը» և մտածում էր, թե կարողանալու է այն հավերժացնել ու դարձնել փոխանցովի, սակայն ինչպես ցույց տվեցին իրադարձությունները, եգիպտացի ժողովրդի համբերության բաժակը լցվեց, և հիմա Մուբարաքն ընդամենը փորձում է իր հետևից մաքրել տնտեսաքաղաքական հետքերը ու ժամանակ ձգելով գլուխը պրծացնել։ Կկարողանա, թե ոչ՝ մոտ օրերս պարզ կդառնա։ Ամեն դեպքում, նա ստիպված էր ժողովրդին խոստանալ, որ ամենաուշը սեպտեմբերին կհեռանա, բայց եգիպտացիները հաղթանակի համն առել են ու դժվար թե թույլ տան Մուբարաքին մինչև սեպտեմբեր  քարշ տալ իր աթոռը։

Մեր պարագայում դժվար է ասել՝ եգիպտական սցենարի կրկնության դեպքում Սերժ Սարգսյանը կկարողանա՞ պաշտոնավարել մինչև 2013թ և կհասցնի՞ արդյոք իրերը հավաքել, թե՞ Չաուշեսկուի տարբերակը կգործի։

Որոշակի հանգամանքներ հաշվի առնելով՝ եգիպտական սցենարի կրկնությունը Հայաստանում այնքան էլ ցանկալի չէ, քանի որ ունենք Ղարաբաղի խնդիր ու չի կարելի բախումներ թույլ տալ, բայց այդ ամենը կանխելու համար Սերժ Սարգսյանը պետք է երկրում մրցակցային ընտրապայքար անցկացնելու երաշխիքներ ստեղծելու և իշխանության անցնցում հանձնումն ապահովելու ուղղությամբ քայլեր կատարի։ Այլապես եգիպտական սցենարից խուսափել հնարավոր չի լինի՝ այդտեղից բխող բոլոր հետևանքներով։

Ժամանա՛կը ցույց կտա, թե ինչպիսի զարգացումներ կլինեն։ Տարբեր պետությունների  բռնատիրական վարչակարգերի պարագլուխների վարքագծի  ուսումնասիրությունը ցույց է տալիս, որ նրանք իրավիճակին հաճախ համարժեք գնահատական չեն տալիս ու հետագայում ծանր կացության մեջ են հայտնվում։ Ճիշտ կգնահատի՞ արդյոք Սարգսյանը ստեղծված իրավիճակը, թե՞ կգնա իր տիպի մարդկանց ուղիով՝ արդեն երկրորդական հարց է։ Գլխավորն այն է, որ մեր հասարակությունը գնա ազգային-դեմոկրատական կամ որ նույնն է՝ բուրժուա-դեմոկրատական փոփոխությունների, իսկ թե այդ ընթացքում ինչ ճակատագրի կարժանանա Սերժ Սարգսյանը, անկեղծ ասած, ինձ այնքան էլ չի հետաքրքրում։ Սարգսյանի ճակատագիրն արդեն սոսկ պատմագրությանը հետաքրքրող հարց է։  Ո՛չ ավելին։

Անդրանիկ Թևանյան

Հ.Գ.։ Ի դեպ, բիզնեսի դեմ պատերազմում ու Սերժ Սարգսյանի թուրքմենբաշիացմանն աջակցելու գործում ներգրավված են նաև ՀՀ առաջին նախագահի շրջապատը ներկայացնող մի շարք դեմքեր՝ «միաբաններ» ու նաև դաշնակցական որոշ գործիչներ։ Բաղրամյան 26–ի դուդուկի տակ են պարում նաև լևոնական կոչված մամուլի  որոշ միջոցներ և «ազատի» համարում ունեցող կայքեր, որոնք նոր են բացվել կամ էլ գործում են դեռևս Արթուր Բաղդասարյանի ԱԺ նախագահ եղած ժամանակներից, բայց դա այլ խոսակցության թեմա է և առավելապես առնչվում է քաղաքական ժողգործիքների տեսությանը։

Մեկ բան ուղղակի հարկ եմ համարում նշել. գալու է նաև ա՛յս հարցերը «ռազբորկա» անելու և հանրությանը ներկայացնելու ժամանակը։ Հետո չասեք, թե բա մենք չենք իմացել ու մեզ չեն զգուշացրել։

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: