Կարծիք

08.09.2016 14:44


Հայ ազգը Սերժ Սարգսյանի հրաժարականին է սպասում, ոչ թե վարչապետի

Հայ ազգը Սերժ Սարգսյանի հրաժարականին է սպասում, ոչ թե վարչապետի

Ստեղ են ասել. «Վարչապետին փոխում եք, որ ի՞նչ անեք»: Ամեն տարի կառավարություն ու վարչապետ փոխելով ո՞ւր կհասնենք: Կարծես մեր կյանքը բարեկեցիկ դարձնելու գաղտնիքը վարչապետին շուտ-շուտ փոխելու մեջ է:

Ողջ հայ ազգը Սերժ Սարգսյանի հրաժարականն է պահանջում, իսկ Սերժ Ազատիչը վարչապետին է պաշտոնանկ անում՝ ցույց տալով, թե տեսեք՝ ես էլ բարեփոխումներ եմ ուզում անել: Սա ևս մի «խաբս» է՝ ընտրություններից առաջ ցույց տալու համար, որ Սերժն, իբր, ուզում է մեր կյանքը բարեփոխել: Իսկ մեր կյանքը հիմնովին կբարեփոխվի, եթե Սերժ Սարգսյանը հրաժարական տա, այլ ոչ թե վարչապետն ու ինչ-որ նախարարներ:

Իրականում այնպես չէ, որ վարչապետին փոխելով՝ Սերժ Սարգսյանի ստեղծած բազում խնդիրները կլուծվեն, մեր պրոբլեմները կկրճատվեն, մենք կունենանք աշխատատեղեր, աշխատավարձրերը կբարձրանան, բյուջեն չեն գռփի, հարկային բեռը կթեթևացնեն, անարդարությունը կվերանա…

Այնպես որ, Սերժ Սարգսյանին է պետք փոխել և ընդմիշտ դուրս հանել մեր քաղաքական դաշտից, մեր կյանքից, ոչ թե վարչապետին, քանի որ Սերժ Սարգսյանի պաշտոնավարման 8 տարիներին Կառավարությունը չի ներկայացրել հասարակության պահանջներն ու խնդիրները, քանի որ Սերժ Ազատիչը դա թույլ չի տվել. դե, նրան էլ անձնական գրպանը լցնելու և իր մերձավորներին հարստանալու մեծ հակումն է խանգարել:

Սաթեն Մանասյանի ֆեյսբուքյան էջից

Այս խորագրի վերջին նյութերը