Կայացավ Սիրիայի հարցով ՄԱԿ ԱԽ նիստը։ Հիմնական թեման սիրիական Հալեպում տիրող իրավիճակն էր։ Մասնակիցները փորձում էին գտնել հրադադարի ռեժիմը խախտողին, սակայն երկխոսություն այդպես էլ չի կայացել։

Նիստը հրավիրած Ֆրանսիայի, ԱՄՆ–ի և Մեծ Բրիտանիայի ներկայացուցիչները լքել են դահլիճը ՄԱԿ–ում Սիրիայի մշտական ներկայացուցչի՝ Բաշար Ջաֆարիի ելույթի ժամանակ։

Ջաֆարին կիսվել է իր ունեցած տեղեկատվությամբ. «Ահրար աշ Շամի» գրոհայինները ծրագրում են Սիրիայում քիմիական գրոհ իրականացնել և դրանում մեղադրել սիրիական զորքին։ Սակայն արևմտյան երկրների ներկայացուցիչներին դա չի հետաքրքրել։

Ջաֆարին հայտարարել է Դամասկոսի՝ Ժնևում սիրիական ընդդիմության հետ բանակցություններին վերադառնալու պատրաստակամության մասին։

Բացի այդ, սիրիացի դիվանագետը մեղադրել է ԱՄՆ–ին, Մեծ Բրիտանիային և Ֆրանսիային Սիրիայի ճգնաժամի կարգավորման ուղղությամբ իրականացվող ջանքերը տապալելու մեջ։

Մանրամասն՝ «vesti.ru»–ի տեսանյութում։

7or.am