Երեկվա ՀԱՄԱԽՄԲՈՒՄ կուսակցության վանաձորյան հանրահավաքին բովանդակային ելութներ և կարևոր հարցադրումներ հնչեցին: Բացի այդ, այն, որ մարդիկ իրենց կամքով և ոչ հարկադրաբար այդ խոնավ եղանակին եկել և մինչև վերջ կանգնել էին և կուսակցության անդամների ելույթներն էին լսում և իրենց ներկայությամբ մեծ թիվ էին կազմում, վկայում էր այն մասին, որ այս ուժը կարճ ժամանակում վաստակել է այն վստահությունն ու հարգանքը, որը երբեք չեն ունեցել իշխող կուսակցությունը և այսօրվա շատ այլ «ընդդիմադիր» կուսակցություններ:

Այո՛, մարդկանց վստահությունը հրապարակ քարշ տալով, վախեցնելով կամ փուչիկները պայթեցնելով մեծ ու մանուկների վրա, գումար առաջարկելով չեն ձեռք բերում. ժողովուրդը վստահում է այն ուժին, որի կողքին վստահելի, գաղափարապես ուժեղ ու խելացի մարդիկ են կանգնած:

Սա այն դեպք է, երբ կուսակցությունը հայտարարում է հանրահավաք, մարդիկ իրենց կամքով, առանց պարտադրանքի գալիս են հրապարակ: Թող Հանրապետական կուսակցությունը սա տեսնի և դասեր քաղի:

Սաթեն Մանասյանի ֆեյսբուքյան էջից