Ժամանակակից Թուրքիայի Կարսի նահանգի հայկական Անի այցելած թուրք ուսանողները միջազգային GSM թվային բջջային տեխնոլոգիաներից «Բարով եք եկել Հայաստան» հաղորդագրությունն են ստացել, ինչը մեծ իրարանցում է առաջացրել նրանց դասախոսների շրջանում:

«Միլլեթի» փոխանցմամբ՝ այդ մասին հայտնել է Էրզրումի Աթաթուրքի անվան համալսարանի գրականության և պատմության ֆակուլտետի դասախոս, «Ցեղասպանության չհիմնավորված մեղադրանքների դեմ պայքարի» միության նախագահ Սավաշ Էյիլմեզը.

«Այս օպերատորը պատմական Անի քաղաքը ներառել է Հայաստանի սահմաններ և, այդպիսով, իրականացրել հայերի երազանքը: Մենք տարիներ շարունակ պայքարում ենք, որպեսզի պատմենք աշխարհին, թե ինչ անարդարության ենք ենթարկվում Հայկական խնդրի հարցում։ Մեր երկրում նման իրավիճակի հանդիպելը մեզ շատ տխրեցրել և զարմացրել է»։

Դասախոսը հավելել է, որ Էրզրումի փաստաբանների գրասենյակի հետ պատրաստվում են բողոք ներկայացնել դատախազություն։

7or.am