«Նաիրիտ» գործարանի նախկին աշխատակիցներն այսօր նորից գործարանի վերագործարկման պահանջով հավաքվել էին Կառավարության շենքի մոտ։

Համակարգող խմբից Կարինե Շահվերդյանի խոսքով՝ գործարար Աշոտ Գրիգորյանը, որը հետաքրքրված էր «Նաիրիտի» վերագործարկմամբ և պատրաստ էր ներդրումներ անել, հոկտեմբերի 6-ին հանդիպել է Կառավարության ղեկավար կազմի հետ, որտեղից նրան խորհուրդ չեն տվել մտնել «Նաիրիտի» լծի տակ, ինչն էլ առաջացրել է նաիրիտցիների զայրույթը։

Գործադիրից ոչ ոք չի ընդունել ցոցարարներին, և նաիրիտցիները որոշել են շարժվել դեպի Տնտեսական զարգացման և ներդրումների նախարարություն՝ հարցեր ուղղելու նախարարին, քանի որ նախորդ շաբաթ իրենց հավաստիացրել էին, որ կտեղեկացնեն՝ ինչ քայլեր է ձեռնարկում Կառավարությունը «Նաիրիտը» վերագործարկելու համար։ Նախարար Սուրեն Կարայանն առաջարկել է մի քանի հոգով բարձրանալ իր աշխատասենյակ։

7or.am