Հայաստանի ազգային հավաքականի գլխավոր մարզիչ Վարուժան Սուքիասյանը հրաժարական է տվել:

ՀՖՖ-ի մամուլի քարտուղարությունից հայտնում են, որ նա այլևս չի գլխավորելու հավաքականը:

Հիշեցնենք, որ Ռումինիայի ընտրանուց պարտություն կրելուց հետո հրավիրված ասուլիսում Սուքիասյանը հայտարարել էր, որ չի պատրաստվում հրաժարական տալ։

-Եթե այս ծանր վիճակը չլիներ, հաստատ հրաժարական կտայի: Եթե ֆեդերացիան պահանջի, անպայման հրաժարական կտամ։Ինձ վրա եմ վերցնում ամբողջ մեղքը: Այս պահին երբեք թիմը չեմ թողնի ծանր վիճակում: Ես այնքան տղամարդկություն ունեմ, որ պետք է պահեմ և դուրս բերեմ այս վիճակից,-ասել էր նա։

Նաև հավելել էր, որ ստեղծված իրավիճակի մեղավորը լրագրողներն են․

-Այս վատ մթնոլորտը, որ տիրում է ձեր (լրագրողների) մեջ, դրանից է, որ ամբողջ թիմը վնասվածքների մեջ է։

Վարուժան Սուքիասյանն ազգային ընտրանին գլխավորում էր 2015թ․ դեկտեմբերից:

7or.am