Ազգային ժողովն առաջին ընթերցմամբ ընդունեց «Ընտրական օրենսգրքում փոփոխություններ և լրացումներ կատարելու մասին» օրենքի նախագիծը և հարակից նախագծերի փաթեթը:

Պա-բա-բա-բա՜մ: Հիմա ի՞նչ է ասում ու ուզում ՀՀԿ-ն: Իշխող կուսակցությունն ասում է, որ ընտրության գնաս լուռ ու մունջ՝ «չեմ տեսել, չեմ լսել» սկզբունքով, և ուզում է, որ ընտրակեղծիք տեսնելու դեպքում լռել, չհրապարակել, եթե չկան ապացույցներ: Այսպես, օրինակ, ասենք, ես գնում եմ ընտրության, տեսնում եմ՝ մեկը մյուսի փոխարեն է ընտրում, կամ մի «փեշ» արդեն ընտրված թերթիկներ են լցնում քվեատուփի մեջ, բայց եթե այդ պահին չունեմ տեսալուսանկարահանող սարք՝ տեսածս երաշխավորելու համար, ուրեմն պետք է ծպտուն չհանել՝ ոչ բողոքել, ոչ էլ ինչ-որ մեկին ասել, որ դա արձանագրի, այլապես քեզ կդատեն:

Հանրապետականի այդ նոր օրենքը դա է պահաջում, եթե չունես ապացույց, բայց գնում դիմում ես ներկայացնում՝ պատմելով տեսածդ ու լսածդ, քեզ կդատեն, ուշադրություն՝ 2-5 տարի ազատազրկման:

Դե ասեք, որ սա պամֆլետի կամ ֆելյետոնի ժանրից չէ: Չէ, ներողություն, սա այս իշխանության այն ժանրն է, որը կոչվում է վերարտադրվե՜լ-վերարտադրվե՜լ մինչև վե՜րջ:

Հիմա հիմքեր են ստեղծում, որ ապրիլին ԱԺ ընտրությունների ժամամանակ մի լա՜վ կեղծեն, որ լա՜վ շատանան՝ գիտակցելով, որ էլ շանս չկա հաղթանակի. պետք է նոր բաներ հորինել՝ վերարտադրության արդիականությունը չկորցնելու համար:

Սաթեն Մանասյանի ֆեյսբուքյան էջից