20.04.2024 ● 17:53
20.04.2024 ● 17:49
20.04.2024 ● 17:35
20.04.2024 ● 17:32
20.04.2024 ● 17:30
20.04.2024 ● 17:18
20.04.2024 ● 17:12
20.04.2024 ● 14:30
20.04.2024 ● 13:33
20.04.2024 ● 11:35
20.04.2024 ● 10:32
20.04.2024 ● 09:59
20.04.2024 ● 09:45
20.04.2024 ● 09:30
Փոքր ու միջին ձեռնարկատիրության անմխիթար վիճակը՝ թվերով (լուսանկար)
Սա ևս մեկ անգամ ապացուցում է, որ Կառավարության քայլերը ոչ միայն արդյունավետ չէին, այլ ուղղակի վնասում էին գործարարներին: Հիշո՞ւմ եք՝ ինչպես էին մեզ և այդ գործարարներին համոզում, թե իրենք «լավ բան են անում», ձեռներեցներն էլ չեն հասկանում ու դրա համար են բողոքում: Դե տեսեք այդ ձեր «բարեփոխումների» արդյունքը: Հազիվ թե այս հարաբերակցությունը փոխվել է այն պատճառով, որ այդ ձեռնարկատերերը Կառավարության միջամտության արդյունքում կայծակնային արագությամբ հարստացել են ու դարձել խոշոր գործարար:
Սա ցույց է տալիս, որ «հեծանիվ հորինել» պետք չէ: Հարկային մախինացիաներով, շրջանառության հարկի շեմը փոքրացնելով ու գործարարին ճնշելով փոքր ու միջին բիզնեսի զարգացմանը չես նպաստի: Իսկ այս ոլորտի զարգացումը Հայաստանի տնտեսության համար կենսական նշանակություն ունի. այն պետք է դառնա մեր տնտեսության դարբնոցը: Այդ ձեռնարկատերերին պետք է աշխատելու, զարգանալու հնարավորություն տալ, այլ ոչ թե նրանց ուսերին բարդել բյուջեն լցնելու և դրա միջոցով հարստանալու բեռը:
Քաղաքակիրթ աշխարհում ՓՄՁ-ի մասնաբաժինը հասնում է 40-50 տոկոսի ,և այդ ձեռներեցները վայելում են պետության իրական աջակցությունը: Նույն Եվրոպայում 40 մլն եվրո շրջանառություն ունեցող տնտեսվարող սուբյեկտը փոքր ձեռնարկատեր է համարվում և օգտվում է համապատասխան արտոնություններից: Իսկ մեզ մոտ այնպիսի սահմանափակումներ են դրած, որ ամսական մի քանի հազար եվրո եկամուտ ունեցողին հարկում են՝ ինչպես «օլիգարխի»: Այս մոտեցումը պետք է փոխվի: Չի կարելի նման ձևով ճնշել մարդկանց, որոնք քաղաքակիրթ աշխարհում պետության հենասյունն են համարվում: