Լրահոս

Նոյեմբեր 10, 2016 15:34

Արդի մարտահրավերներն ստիպում են խորացնել հայ-ռուսական հարաբերությունները

Արդի մարտահրավերներն ստիպում են խորացնել հայ-ռուսական հարաբերությունները

Հայաստանում տեղակայվելիք հայ-ռուսական միասնական զորախմբի մասին Vesti.am-ը զրուցել է քաղաքագետ Երվանդ Բոզոյանի հետ:

-Պարո՛ն Բոզոյան, հաստատվում են այն լուրերը, որ Հայաստանում հայ-ռուսական համատեղ զորախումբ է ձևավորվում: Հայկական լրատվամիջոցներում նաև որոշակի լուրեր սպրդեցին, որ համատեղ զորախումբը ձևավորվելու է ՀՀ ԶՈւ 4-րդ բանակային կորպուսի՝ Սյունիքում և Վայոց ձորում տեղակայված կորպուսի բազայի վրա: Ի՞նչ եք կարծում, ինչո՞վ է սա պայմանավորված:

-Կարծում եմ, որ դրանք պայմանավորված են արդի մարտահրավերներով: Այն մարտահրավերները, որոնք կան Միջին Արևելքում, պահանջում են, որպեսզի համագործակցությունն ավելի խորացվի: Ըստ էության, այդպիսի միտում կա նաև միջինասիական ուղղությամբ. Ռուսաստանը փորձելու է նույն բանն անել Տաջիկստանի հետ համատեղ: Գիտենք, որ Անդրկովկասյան ուղղությամբ ՀԱՊԿ-ի անդամը միայն Հայաստանն է, և այդ իմաստով, Ռուսաստանը փորձելու է ավելի խոր ինտեգրացիոն պրոցեսներ տանել ռազմական համագործակցության ոլորտում:

-Կարծիք կա, որ Սիրիայից և Իրաքից «Իսլամական պետության» գրոհայինների դուրս գալուն զուգահեռ հնարավոր է, որ Նախիջևանը ԻՊ հենակետ դառնա: Այս բանակային միավորման տեղակայումն էլ, կարծես թե, համընկնում է հայ-ադրբեջանական սահմանագծի այն հատվածին, որը սահմանակից է Նախիջևանի հետ: Ինչ եք կարծում՝ Նախիջևանը կդառնա՞ այդպիսի հենակետ և Ռուսաստանն այդ ուղղությամբ հակաքայլե՞ր է ձեռնարկում:

-Ես անհեթեթություն եմ համարում այդ վարկածը: Նախիջևանն առանձին անկլավ չէ, այն Ադրբեջանի բաղկացուցիչ մասն է, որի վրա մեծ ազդեցություն ունի նաև Թուրքիան: Իսկ ծայրահեղ իսլամական շրջանակները, ըստ էության, որոշակի վարկանիշ չունեն ո՛չ Թուրքիայում, ո՛չ Իրանում: Այսինքն, Նախիջևանը չի դառնա իսլամիստների հենակետ: Դա իրականության հետ որևէ կապ չունի:

-Շրջանառվում է նաև մեկ այլ վարկած, ըստ որի՝ ղարաբաղյան հակամարտության կարգավորման գործընթացի շրջանակներում Ռուսաստանին չի հաջողվում խաղաղպահներ տեղակայել արցախա-ադրբեջանական սահմանագծում, այդ իսկ պատճառով էլ ՌԴ-ն փորձում է իր ուժերը հզորացնել եթե ոչ խաղաղպահների, գոնե միասնական զորամիավորման ձևով: Այս վարկածին ինչպե՞ս եք վերաբերվում:

-Կարծում եմ, որ դա էլ իրականության հետ կապ չունի, որովհետև խաղաղապահների առաքելությունը այլ է, իսկ այդպիսի զորախմբի ձևավորումը բոլորովին այլ տրամաբանություն ունի: Խաղաղապահ ուժերը նախ մեծաթիվ չեն լինում, դրանք այլ առաքելություն են ունենում: Խաղաղապահ զորքերն իրենց քաղաքականությամբ՝ դիվանագիտական առումով տարածաշրջանում շեշտակիորեն մեծացնում են իրենց դերը, մինչդեռ Հայաստան-Ռուսաստան համատեղ խմբավորման հետ կապված այստեղ շեշտակի մեծացնելու կամ փոքրացնելու հարց չկա: Դա ուղղակիորեն ինտեգրացիայի խորացման այլ ուղի է, որը կապված է սպառնալիքների հետ: Թե որքանո՞վ են այդ սպառնալիքները իրական, այս պահի դրությամբ չեմ կարող գնահատական տալ: Կարծում եմ, որ զորախմբի ստեղծման ազդակներն ավելի շատ գալիս են Մոսկվայից, որովհետև նրանք են մտածում, որ պոտենցիալ սպառնալիքներ կարող են լինել: Ռուս-թուրքական հարաբերությունների վատթարացման ժամանակ ռուս փորձագետները լուրջ մտավախություն ունեին, որ միջինարևելյան խնդիրը և ռուս-թուրքական հակասությունը կարող է տեղափոխվել Անդրկովկաս: Այդ մտավախությունից ելնելով էլ առաջ էր եկել այս գաղափարը, բայց ռուս-թուրքական հարաբերությունների բարելավումից հետո այդ մտավախությունը վերացավ: Սակայն, կարծում եմ՝ պրոցեսը, միտումը, որ այն ժամանակ նախանշված էր՝ շարունակվում է:

-Միասնական զորախմբի ստեղծումը չի՞ հակասում կամ չի՞ խաչվում Հայաստանի ինքնիշխանության հետ:

-Գիտեք, դա շատ հարաբերական հասկացողություն է: Եթե այդպես նայենք, ուրեմն ՀԱՊԿ-ն էլ է հակասում, ռազմաբազայի տեղադրումն էլ է հակասում ինքնիշխանությանը: Այդ բոլորը որոշակի հարթություններ են, որոնք կապված են Հայաստան պետության կայունության և ուժեղացման հետ: Եթե Հայաստանը ուժեղ է, կայուն է, եթե իր հարաբերություններն այնքան բազմավեկտոր են, որ կարողանում է ոչ ռազմական ճանապարհով ապահովել իր անվտանգությունը, ապա, բնականաբար, դրանք կարող են հակասել: Բայց եթե Հայաստանը դեռևս չունի այդ համարժեք ուժը, հզորությունը, կարծում եմ, որ այստեղ այլ հարթություն կա, որը քննարկելու խնդիր է:

Աղբյուրը՝ Vesti.am

Print Friendly and PDF

Այս խորագրի վերջին նյութերը

Գնացքի տակ ընկնելուց հետո տղամարդը կենդանի է մնացել

Գնացքի տակ ընկնելուց հետո տղամարդը կենդանի է մնացել

Հոկտեմբեր 23, 2017 18:34 Դեպքը տեղի է ունեցել Գերմանիայում։
Տղամարդը բռունցքի հարվածներով տապալել է բանանի ծառը

Տղամարդը բռունցքի հարվածներով տապալել է բանանի ծառը

Հոկտեմբեր 23, 2017 17:01 Աճել էր ցանկապատի մոտ։
Թումանյան փողոցի շենքի բնակարաններից մեկում դի է հայտնաբերվել

Թումանյան փողոցի շենքի բնակարաններից մեկում դի է հայտնաբերվել

Հոկտեմբեր 23, 2017 16:43 Ահազանգ է ստացվել, որ տարեց բնակիչը պատշգամբում անօգնական ընկած է։
Էմանուել Մակրոնի շունը Ելիսեյան պալատում միզել է հյուրերի ներկայությամբ

Էմանուել Մակրոնի շունը Ելիսեյան պալատում միզել է հյուրերի ներկայությամբ

Հոկտեմբեր 23, 2017 16:17 Նեմոն իրեն զգացել է այնպես, ինչպես իր բնում։
Գերմանահայ համայնքի ցուցադրած քարտեզը իրարանցում է առաջացրել թուրքական ԶԼՄ-ներում

Գերմանահայ համայնքի ցուցադրած քարտեզը իրարանցում է առաջացրել թուրքական ԶԼՄ-ներում

Հոկտեմբեր 23, 2017 14:19 Ստամբուլի վրա էլ կարմիր խաչ է դրված եղել։
Դավթաշենում դի է հայտնաբերվել

Դավթաշենում դի է հայտնաբերվել

Հոկտեմբեր 23, 2017 14:01 Ննջասենյակի անկողնում:
Կվերականգնվի արդարության սկզբունքը. նախարարը՝ տարկետման իրավունքի վերացման մասին (տեսանյութ)

Կվերականգնվի արդարության սկզբունքը. նախարարը՝ տարկետման իրավունքի վերացման մասին (տեսանյութ)

Հոկտեմբեր 23, 2017 13:35 Փոփոխվում են տարկետման տրամադրման պայմանները։
54-ամյա տղամարդը Թուրքիայում ինքնասպանություն է գործել ուղիղ եթերում (18+)

54-ամյա տղամարդը Թուրքիայում ինքնասպանություն է գործել ուղիղ եթերում (18+)

Հոկտեմբեր 23, 2017 13:09 Վիրավորվել էր առանց իր թույտվության դստերը կնության տալուց։
Ագարակաձոր-Գնիշիկ ճանապարհին ավտովթարից 19-ամյա զինծառայող է զոհվել

Ագարակաձոր-Գնիշիկ ճանապարհին ավտովթարից 19-ամյա զինծառայող է զոհվել

Հոկտեմբեր 23, 2017 12:38 «ՈՒԱԶ»-ը բախվել է ճամփեզրին գտնվող տաղավարին, այնուհետև՝ շրջվել ձորը:
Արմեն Ամիրյանը պատասխանը Վահան Արծրունու մեղադրանքներին

Արմեն Ամիրյանը պատասխանը Վահան Արծրունու մեղադրանքներին

Հոկտեմբեր 23, 2017 12:15 Չկայացած համերգի շուրջ մեկնաբանությունները վերջին օրերին անցել են վիրավորանքի բոլոր սահմանները։
Սանասար Գաբրիելյանը դատարանում հայտարարեց, որ Սամվել Բաբայանը «Իգլա»-ն բերելու հետ կապ չունի (լրացված)

Սանասար Գաբրիելյանը դատարանում հայտարարեց, որ Սամվել Բաբայանը «Իգլա»-ն բերելու հետ կապ չունի (լրացված)

Հոկտեմբեր 23, 2017 11:12 Արմեն Պողոսյանն էլ հայտարարեց, որ Սամվել Բաբայանի հետ կապված իր արտահայտություններն ու ենթադրությունները սխալ են եղել։
ԱՀ ՊՆ․ Ադրբեջանի ԶՈւ-ն հայկական դիրքերի վրա արձակել է ականանետի 5 արկ և «ՍՊԱՅԿ» (տեսանյութ)

ԱՀ ՊՆ․ Ադրբեջանի ԶՈւ-ն հայկական դիրքերի վրա արձակել է ականանետի 5 արկ և «ՍՊԱՅԿ» (տեսանյութ)

Հոկտեմբեր 23, 2017 10:42 Հակամարտ զորքերի շփման գծի հյուսիսարևելյան (Մարտակերտ-Մատաղիս) ուղղությամբ։
«Նոր ռուսական սենսացիաներ»․ «Խոսում է Քսենյա Սոբչակը»․ բացառիկ հարցազրույց (տեսանյութ)

«Նոր ռուսական սենսացիաներ»․ «Խոսում է Քսենյա Սոբչակը»․ բացառիկ հարցազրույց (տեսանյութ)

Հոկտեմբեր 23, 2017 09:49 ՌԴ նախագահի թեկնածուն չի խուսափել բավականին անկեղծորեն խոսել իր անձնական կյանքի ամենանուրբ մանրամասների մասին։
90min.in. Մխիթարյանն էներգիա հաղորդեց կիսապաշտպանությանը, սակայն դա բավական չէր

90min.in. Մխիթարյանն էներգիա հաղորդեց կիսապաշտպանությանը, սակայն դա բավական չէր

Հոկտեմբեր 23, 2017 09:18 Մխիթարյանին տրվել է 6 գնահատականը: