Քաղաքական

10.11.2016 16:05


«Եթե Թրամփը ռադիկալ փոփոխություններ անի երկրի ներսում, չի կարող դրանք չանել նաև երկրից դուրս». Ե. Բոզոյան

«Եթե Թրամփը ռադիկալ փոփոխություններ անի երկրի ներսում, չի կարող դրանք չանել նաև երկրից դուրս». Ե. Բոզոյան

Նոյեմբերի 8-ին Ամերիկայի Միացյալ Նահանգներում կայացել են նախագահական ընտրություններ, որտեղ հաղթել է հանրապետական Դոնալդ Թրամփը: Նրա հաղթանակից հետո քաղաքագիտական և փորձագիտական շրջանակներում սկսեց շրջանառվել հետևյալ թեզը. Թրամփի նախագահության ընթացքում ԱՄՆ արտաքին քաղաքականությունը լուրջ փոփոխությունների չի ենթարկվի, հիմնական փոփոխությունները կլինեն Միացյալ Նահանգների ներքին կյանքում: Այդ տեսակետի հետ, սակայն, համամիտ չէ քաղաքագետ Երվանդ Բոզոյանը: Ըստ նրա՝ եթե Թրամփը ռադիկալ փոփոխություններ անի երկրի ներսում, չի կարող դրանք չանել նաև երկրից դուրս: Այդ մասին նա ասել է Vesti.am հետ զրուցում:

-Թրամփը էլիտաներից տաբերվող մարդ է իր մտածողությամբ, պահվածքով և գործելաոճով: Կարծում եմ, որ իսկապես հիմնական փոփոխությունները կանցկացնի Միացյալ Նահանգներում, բայց ցանկացած երկրի արտաքին քաղաքականություն ներքին քաղաքականության տրամաբանական շարունակությունն է,- նշել է Բոզոյանը:

Նրա կարծիքով, Դոնալդ Թրամփի՝ նախագահ դառնալուց հետո միջազգային լարվածությունը կթուլանա և Ռուսաստանի հետ հարաբերությունները կբարելավվեն:

Աղբյուրը՝ Vesti.am

Այս խորագրի վերջին նյութերը