Ստեփան Մարգարյան. «Միլիարդավոր գումարներ են հավաքվում, իսկ ապրիլյան դեպքերի հետևանքները վերացնելուն դա չի ուղղվում»
Ազգային ժողովում շարունակում է քննարկվել Կառավարության կողմից ներկայացված «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին», «Զինծառայողների և նրանց ընտանիքի անդամների սոցիալական ապահովության մասին» Հայաստանի Հանրապետության օրենքում լրացումներ և փոփոխություն կատարելու մասին», «Պետական կենսաթոշակների մասին» Հայաստանի Հանրապետության օրենքում լրացումներ կատարելու մասին» ՀՀ օրենքների նախագծերի փաթեթը։
Ազգային ժողովի պատգամավոր, «Համախմբում» կուսակցության փոխնախագահ Ստեփան Մարգարյանը հարց է ուղղել օրենքի նախագծի հարակից զեկուցող ԱԺ Պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանին:
«Տա՛ Աստված՝ հունվարից հետո որևէ դեպք չլինի երկրում, և մենք չունենանք օժանդակության ենթակա զինվոր: Հիմա պատկերացնո՞ւմ եք՝ այդ հաշվեհամարին մի քանի ամիս հետո միլիարդավոր դրամներ են կուտակվում, բայց ապրիլյան պատերազմից հետո մենք ունենք բազմաթիվ հաշմանդամներ, զոհեր, ընտանիքներ, ովքեր այդ գումարից չեն օգտվելու: Սա մի քիչ անհասկանալի է դառնում, թե ինչու: Գիտեմ, որ ասելու եք՝ գումար չկա, չի հերիքում, չի բավարարի, բայց երբ մենք սկսում ենք այսպիսի գործընթաց, ես կարծում եմ՝ պետք է բոլորին ինչ-որ ձևով հասցնենք: Եթե պետության ֆունկցիաները մենք փորձենք դասակարգել ըստ առաջնահերթության, շատ դժվար է, բայց կարծում եմ՝ ամենակարևորների մեջ լինելու է անվտանգության ապահովումը... Կարծում եմ՝ կարելի է գտնել միջոցներ նաև բյուջեից, եթե աշխատենք այդ ուղղությամբ և այս հիմնադրամից: Ինչո՞ւ չենք անդրադառնում ապրիլյան դեպքերին և դրանից առաջ:
Եվ երկրորդ՝ նպատակահարմար է այն մեխանիզմը, որով պատրաստվում ենք անել դա, որովհետև պետությունն, այնուամենայնիվ, ունի ինստիտուտներ՝ նման տիպի ծրագրեր իրականացնելու համար: Այդ ինստիտուտները կան, նախարարություն ունենք, և մեխանիզմներն իրենց ենթակառուցվածքներով ունենք: Նպատակահարմա՞ր է արդյոք ստեղծել բոլորովին նոր կառույց, որը զբաղվելու է նույն այդ գործառույթով, և ինչ-որ իմաստով չի՞ ստվերում արդյոք մինչ այդ գործող պետական մեխանիզմը: Ինչո՞ւ հնարավոր չէր սա բյուջեում անել, ՊՆ-ում կամ այլ նախարարությունում առանձին տողով, առանձին հաշվեհամարով և անել արդեն գոյություն ունեցող կառույցներով»,-հարցադրեց նա:
Ի պատասխան՝ Կորյուն Նահապետյանը նշեց, որ այդ հարցերը քննարկվել են հանձնաժողովում. «Հանգամանորեն թե՛ նախարարը, թե՛ ես՝ հարակից զեկուցողը, պարզաբանել ենք, թե ինչու է պետք այսպիսի հիմնադրամի և այսպիսի ինստիտուցիոնալ կառավարման ստեղծումը: Մենք շատ կարճ ժամանակ անց քննարկելու ենք 2017թ. պետական բյուջեի նախագիծը,և, բնականաբար, նախագծի քննարկման շրջանակներում կտեսնենք, թե ինչ հնարավորություններ ունենք՝ զինծառայողների և նրանց ընտանիքների սոցիալական ապահովության խնդիրները լուծելու համար»,-ասաց Կորյուն Նահապետյանը՝ հավելելով, որ եթե հիմնադրամն ունենա լրացուցիչ գումարներ, կօժանդակվեն նաև մինչ 2017 թ. հունվարի 28-ը տուժածները:
«Մենք գիտենք աշխատողների թվաքանակը. մի քանի ամիս հետո այնտեղ մի քանի միլիարդ գումար է հավաքվելու: Տա՛ Աստված՝ հունվարից հետո ոչինչ չլինի, որևէ դեպք չունենանք, բայց միլիարդավոր գումարներ են հավաքվում, իսկ ապրիլյան դեպքերի հետևանքները վերացնելուն դա չի ուղղվում: Սա արդար չէ. գոնե ապրիլյան դեպքերը կարևոր են»,-արձագանքեց պատգամավորը:
Ստեփան Մարգարյան. «Միլիարդավոր գումարներ են հավաքվում, իսկ ապրիլյան դեպքերի հետևանքները վերացնելուն դա չի ուղղվում»
Ազգային ժողովում շարունակում է քննարկվել Կառավարության կողմից ներկայացված «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին», «Զինծառայողների և նրանց ընտանիքի անդամների սոցիալական ապահովության մասին» Հայաստանի Հանրապետության օրենքում լրացումներ և փոփոխություն կատարելու մասին», «Պետական կենսաթոշակների մասին» Հայաստանի Հանրապետության օրենքում լրացումներ կատարելու մասին» ՀՀ օրենքների նախագծերի փաթեթը։
Ազգային ժողովի պատգամավոր, «Համախմբում» կուսակցության փոխնախագահ Ստեփան Մարգարյանը հարց է ուղղել օրենքի նախագծի հարակից զեկուցող ԱԺ Պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանին:
«Տա՛ Աստված՝ հունվարից հետո որևէ դեպք չլինի երկրում, և մենք չունենանք օժանդակության ենթակա զինվոր: Հիմա պատկերացնո՞ւմ եք՝ այդ հաշվեհամարին մի քանի ամիս հետո միլիարդավոր դրամներ են կուտակվում, բայց ապրիլյան պատերազմից հետո մենք ունենք բազմաթիվ հաշմանդամներ, զոհեր, ընտանիքներ, ովքեր այդ գումարից չեն օգտվելու: Սա մի քիչ անհասկանալի է դառնում, թե ինչու: Գիտեմ, որ ասելու եք՝ գումար չկա, չի հերիքում, չի բավարարի, բայց երբ մենք սկսում ենք այսպիսի գործընթաց, ես կարծում եմ՝ պետք է բոլորին ինչ-որ ձևով հասցնենք: Եթե պետության ֆունկցիաները մենք փորձենք դասակարգել ըստ առաջնահերթության, շատ դժվար է, բայց կարծում եմ՝ ամենակարևորների մեջ լինելու է անվտանգության ապահովումը... Կարծում եմ՝ կարելի է գտնել միջոցներ նաև բյուջեից, եթե աշխատենք այդ ուղղությամբ և այս հիմնադրամից: Ինչո՞ւ չենք անդրադառնում ապրիլյան դեպքերին և դրանից առաջ:
Եվ երկրորդ՝ նպատակահարմար է այն մեխանիզմը, որով պատրաստվում ենք անել դա, որովհետև պետությունն, այնուամենայնիվ, ունի ինստիտուտներ՝ նման տիպի ծրագրեր իրականացնելու համար: Այդ ինստիտուտները կան, նախարարություն ունենք, և մեխանիզմներն իրենց ենթակառուցվածքներով ունենք: Նպատակահարմա՞ր է արդյոք ստեղծել բոլորովին նոր կառույց, որը զբաղվելու է նույն այդ գործառույթով, և ինչ-որ իմաստով չի՞ ստվերում արդյոք մինչ այդ գործող պետական մեխանիզմը: Ինչո՞ւ հնարավոր չէր սա բյուջեում անել, ՊՆ-ում կամ այլ նախարարությունում առանձին տողով, առանձին հաշվեհամարով և անել արդեն գոյություն ունեցող կառույցներով»,-հարցադրեց նա:
Ի պատասխան՝ Կորյուն Նահապետյանը նշեց, որ այդ հարցերը քննարկվել են հանձնաժողովում. «Հանգամանորեն թե՛ նախարարը, թե՛ ես՝ հարակից զեկուցողը, պարզաբանել ենք, թե ինչու է պետք այսպիսի հիմնադրամի և այսպիսի ինստիտուցիոնալ կառավարման ստեղծումը: Մենք շատ կարճ ժամանակ անց քննարկելու ենք 2017թ. պետական բյուջեի նախագիծը, և, բնականաբար, նախագծի քննարկման շրջանակներում կտեսնենք, թե ինչ հնարավորություններ ունենք՝ զինծառայողների և նրանց ընտանիքների սոցիալական ապահովության խնդիրները լուծելու համար»,-ասաց Կորյուն Նահապետյանը՝ հավելելով, որ եթե հիմնադրամն ունենա լրացուցիչ գումարներ, կօժանդակվեն նաև մինչ 2017 թ. հունվարի 28-ը տուժածները:
«Մենք գիտենք աշխատողների թվաքանակը. մի քանի ամիս հետո այնտեղ մի քանի միլիարդ գումար է հավաքվելու: Տա՛ Աստված՝ հունվարից հետո ոչինչ չլինի, որևէ դեպք չունենանք, բայց միլիարդավոր գումարներ են հավաքվում, իսկ ապրիլյան դեպքերի հետևանքները վերացնելուն դա չի ուղղվում: Սա արդար չէ. գոնե ապրիլյան դեպքերը կարևոր են»,-արձագանքեց պատգամավորը:
Աղբյուրը՝ «Zham.am»