Լրահոս

Նոյեմբեր 21, 2016 15:36

Կուրց. «ԼՂ հակամարտության կարգավորման ռազմական ճանապարհ գոյություն չունի»

Կուրց. «ԼՂ հակամարտության կարգավորման ռազմական ճանապարհ գոյություն չունի»

Ավստրիան բացառում է Լեռնային Ղարաբաղի հակամարտության կարգավորումը ռազմական ճանապարհով: «Արմենպրես»-ին տված բացառիկ հարցազրույցում այս մասին հայտարարեց 2017 թվականին ԵԱՀԿ-ում նախագահող Ավստրիայի արտաքին գործերի նախարար Սեբաստիան Կուրցը: Նա ընդգծեց, որ ղարաբաղյան հակամարտության մեջ ներգրավված կողմերը պետք է անեն առավելագույնը` ռազմական նոր դրսևորումները բացառելու նպատակով, քանի որ դրանց կրկնությունը կարող է ճակատագրական լինել: Ներկայացնում ենք «Արմենպրես»-ի բացառիկ հարցազրույցը Սեբաստիան Կուրցի հետ ԵԱՀԿ-ում Ավստրիայի առաջնահերթությունների, Լեռնային Ղարաբաղի հակամարտության և Հայաստան-Ավստրիա հարաբերությունների շուրջ:

-2017 թվականի հունվարից Ավստրիան ստանձնելու է ԵԱՀԿ նախագահությունը: Որո՞նք են լինելու ԵԱՀԿ-ում Ավստրիայի նախագահության առաջնահերթությունները:

-Ես մի սերնդի ներկայացուցիչ եմ, ով, բարեբախտաբար, միայն պատմության գրքերից գիտի, թե ինչ բան է Սառը պատերազմը: Սակայն մեր օրերում մենք ականատեսն ենք լինում սառը պատերազմի բնույթ ունեցող թշնամանքի վերադրսևորման որոշ միտումների, հետևաբար մենք՝ թե՛ Ավստրիայի, թե՛ Կովկասի երիտասարդներս, պետք է տքնաջան աշխատենք ապահով և կայուն Եվրոպայի համար: Մեր նախագահության ընթացքում մեր գլխավոր թեման լինելու է «անվտանգության և վստահության ամրապնդումը»: Կկենտրոնանանք երեք ոլորտների վրա՝ տարածաշրջանային հակամարտություններ, արմատականացում և բռնի ծայրահեղականություն, վստահության վերականգնում: Ոչինչ ցույց չի տալիս միջազգային համակարգի թուլությունը, ինչպես բացահայտ ռազմական թշնամանքն ու տարածաշրջանային հակամարտությունները: Քաղաքացիներն ակնկալում են, որ մենք աշխատենք հանուն խաղաղության, հետևաբար մենք հատուկ ուշադրություն կդարձնենք ԵԱՀԿ տարածաշրջանում գոյություն ունեցող ձգձգված հակամարտություններին: Արմատականացումը և բռնի ծայրահեղականությունն այսուհետ մեր քաղաքացիների համար ամենամեծ մտահոգվելու առարկան են, և մենք հավատում ենք, որ պետք է ակտիվորեն համագործակցենք և կանխենք արմատականությունը դրա վաղ փուլում: Եվ վերջապես, այսօր հիմնական խնդիրներից մեկն էլ վստահության պակասն է: Սա լրջագույն խնդիր է ԵԱՀԿ-ում, սակայն, անշուշտ, ավելի լայն մակարդակում ևս:

-Ձեր ելույթներից մեկում գլոբալ անվտանգությանն ու կայունությանը սպառնացող երեք հիմնական սպառնալիքների մեջ նշել եք ռազմական հակամարտությունների աճը, ծայրահեղականության և ահաբեկչության աճը և պետությունների միջև վստահության մակարդակի նվազումը. որն է լինելու Ավստրիայի դերը այս երեք հիմնական սպառնալիքները հաղթահարելու գործում:

-Ինչպես տեսնում եք, մենք այս հիմնական սպառնալիքները ԵԱՀԿ նախագահության շրջանում վերածել ենք մեր հիմնական առաջնահերթությունների՝ հետևելով գործընկերների խորհրդատվությանը: Ավստրիան՝ որպես չեզոք երկիր, բարիդրացիական հարաբերություններ ունի շատ երկրների և մասնավորապես ԵԱՀԿ-ում 56 մասնակից պետությունների հետ՝ մի կառույց, որին իսկապես հավատում ենք և ցանկանում ենք ուժեղ տեսնել: Եվրոպան կրկին անվտանգ դարձնելու համար մենք պետք է վերադառնանք արմատներին և կենտրոնանանք անվտանգության ու համագործակցության վրա: ԵԱՀԿ-ն դրա կարևորագույն հիմքն է, և ներկա իրադրության պայմաններում, թեև բոլոր 57 մասնակից պետություններն էլսեղանի շուրջ են և որոշումները կայացվում են կոնսենսուսի միջոցով, մարտահրավերները հսկայական են:

Սակայն, եթե գտնվեն միասնական լուծումներ և համաձայնություններ, դրանք հատկապես ամուր և ուժեղ կլինեն: Հետևաբար` մենք կաշխատենք զարգացնել ընդհանուր նպատակները, այլ ոչ թե բաժանարար դիրքորոշումները: Ավստրիան հին ավանդույթ ունի ՝ որպես երկխոսության վայր, և մենք ցանկանում ենք նպաստել անվստահության հաղթահարմանը: Կան մի շարք ծրագրված հստակ իրադարձություններ, և մենք հուսով ենք ստանալ ԵԱՀԿ մասնակից բոլոր պետությունների աջակցությունն այս ուղղությամբ: Վստահության ավելացման և գլոբալ առումով համագործակցության գլուխկոտրուկի լուծմանն ավելի մոտենալը նաև դրականորեն կազդի Հարավային Կովկասում ձգձգված հակամարտությունների վրա:

-Որպես ԵԱՀԿ գործող նախագահ` Լեռնային Ղարաբաղի հակամարտության կարգավորման ի՞նչ հեռանկարներ եք տեսնում:

-Միանշանակ է մի բան. հակամարտության կարգավորման ռազմական ճանապարհ գոյություն չունի, և ներգրավված կողմերը պետք է անեն առավելագույնը՝ համագործակցելու, վստահություն և երկխոսություն հաստատելու համար՝ կենտրոնանալով դիվանագիտության, այլ ոչ ռազմական գործողության վրա: Բռնության ևս մեկ դրսևորում ճակատագրական կլինի, և միջազգային հանրությունը դրան կողմնակից չէ, բոլորը՝ Մոսկվայից մինչև Վաշինգտոն, շատ հստակ դիրքորոշում ունեն այս հարցում: Մի շարք առաջարկներ քանիցս եղել են բանակցային սեղանին, իսկ վերջերս վստահության հաստատման միջոցների մասին որոշ գաղափարներ են ընդունվել, որոնք սպասում են կիրառման:

-Ունենալո՞ւ եք արդյոք որևէ առանձնահատուկ նախաձեռնություն, որը կարող է խթանել ԼՂ հակամարտության կարգավորման բանակցությունների ակտիվացումը:

-Ավստրիան պատրաստ է աջակցել Հայաստանին և Ադրբեջանին հակամարտության խաղաղ կարգավորման փնտրտուքներում: Թերևս չափազանց վաղ է խոսել հստակ նախաձեռնությունների մասին՝ շատ բան կախված է տարածաշրջանում զարգացումներից: Վիեննան այս տարվա մայիսին նախագահական գագաթնաժողովի անցկացման վայրն էր, մենք միշտ պատրաստ ենք կրկին բանակցություններ հյուրընկալել, եթե կա ցանկություն: Մենք Մինսկի խմբի անդամ չենք, սակայն կանենք առավելագույնը՝ աջակցելու Մինսկի գործընթացին: Մենք դա կանենք որպես ԵԱՀԿ նախագահ և որպես մի պետություն, որը շատ լավ հարաբերություններ ունի երկու ներգրավված երկրների հետ:

-Ե՞րբ եք ծրագրում այցելել Հարավային Կովկասի տարածաշրջան:

-ԵԱՀԿ նախագահի պաշտոնում ես, անշուշտ, կայցելեմ Հարավային Կովկաս և կգամ Երևան ու Բաքու: Դա կապված կլինի բանակցային գործընթացի առաջընթացի հետ: 2017 թվականին Ավստրիան նաև կնշի երկու երկրի հետ դիվանագիտական հարաբերությունների հաստատման 25 ամյակը, ինչը լրացուցիչ խթան է՝ առաջիկա տարում ակտիվացնելու դիվանագիտական հարաբերությունները:

-Ինչպե՞ս եք գնահատում Հայաստան-Ավստրիա հարաբերությունների ներկա մակարդակը. ինչպե՞ս է ձեր գնահատմամբ ընթանում քաղաքական երկխոսությունը, ի՞նչ հեռանկարներ կան տնտեսական կապերի ակտիվացման տեսանկյունից:

-Ավստրիայի և Հայաստանի միջև փայլուն հարաբերություններ են: Մենք հաճախակի քաղաքական խորհրդակցություններ ենք ունենում. նախարար Նալբանդյանի հետ իմ վերջին երկկողմ հանդիպումը տեղի ունեցավ սեպտեմբերին ՄԱԿ-ի Գլխավոր ասամբլեայի շրջանակում, իսկ դրանից միայն մի քանի օր անց մեր գլխավոր քարտուղարն ընդլայնված խորհրդակցություններ անցկացրեց Երևանում: Ավստրիան ամբողջությամբ աջակցում է Հայաստանի և Եվրամիության միջև ամենասերտ հնարավոր հարաբերություններին, հետևաբար մենք շատ գոհ ենք այն առաջընթացով, որը գրանցվել է Համընդհանուր համաձայնագրի շուրջ բանակցություններում: Բացի այդ, մենք լիակատար մշակութային համագործակցություն ունենք` հատկապես Երևանի Ֆրանց Վերֆելի անվան ավստրիական գրադարանի միջոցով:

Ավստրիական զարգացման համագործակցության շրջանակում Հայաստանն առաջնահերթություն համարվող երկիր է: Այդ պատճառով էլ 2014 թվականի սեպտեմբերին նախարար Նալբանդյանն ու ես Երևանում բացեցինք Ավստրիական զարգացման գրասենյակը:

Հարցազրույցը Արաքս Կասյանի

Print Friendly and PDF

Այս խորագրի վերջին նյութերը

Սահակաշվիլիի արձագանքը Պուտին-Կարապետյան հեռախոսազրույցին

Սահակաշվիլիի արձագանքը Պուտին-Կարապետյան հեռախոսազրույցին

Ապրիլ 26, 2018 22:53 «Սա ուղիղ մարտահրավեր է հայ ժողովրդին։ Կարծում եմ, Պուտինը պարտություն կկրի, իսկ հայերը կհաղթեն»:
Թաթա Սիմոնյանի երգը՝ նվիրված թավշյա հեղափոխությանը. «Չկա ոչ մի պատնեշ, ոչ մի փշալար» (տեսանյութ)

Թաթա Սիմոնյանի երգը՝ նվիրված թավշյա հեղափոխությանը. «Չկա ոչ մի պատնեշ, ոչ մի փշալար» (տեսանյութ)

Ապրիլ 26, 2018 22:31 Չեմ կարող հանդիսատեսի նման վերաբերվել այն ամենին, ինչ հիմա կատարվում է։
System of a Down խմբից Դարոն Մալաքյանի տեսահոլովակը Հայոց ցեղասպանության թեմայով

System of a Down խմբից Դարոն Մալաքյանի տեսահոլովակը Հայոց ցեղասպանության թեմայով

Ապրիլ 26, 2018 22:20 Այն նկարահանվել է «Lives» երգի հիման վրա:
Հանրապետության հրապարակում հանրահավաքը (տեսանյութ)

Հանրապետության հրապարակում հանրահավաքը (տեսանյութ)

Ապրիլ 26, 2018 21:50 «Ես կամ վարչապետ կընտրվեմ ժողովրդի միջոցով, ժողովրդի պահանջով ու ժողովրդի աջակցությամբ, կամ էլ Հայաստանում ընդհանրապես վարչապետ չի ընտրվի»,-ասել է Փաշինյանը:
Ջիգարխանյանը հոսպիտալացվել է և գտնվում է կոմայի մեջ

Ջիգարխանյանը հոսպիտալացվել է և գտնվում է կոմայի մեջ

Ապրիլ 26, 2018 21:45 «Արմեն Բորիսովիչը ինֆարկտով շտապ տեղափոխվել է մայրաքաղաքային հիվանդանոցներից մեկը»:
Կարեն Կարապետյանը և Վլադիմիր Պուտինը հեռախոսազրույց են ունեցել

Կարեն Կարապետյանը և Վլադիմիր Պուտինը հեռախոսազրույց են ունեցել

Ապրիլ 26, 2018 21:35 Անդրադարձել են Հայաստանի ներքաղաքական իրավիճակին:
Նիկոլ Փաշինյան․ «Օր առաջ քաղբանտարկյալները պետք է ազատ արձակվեն» (տեսանյութ)

Նիկոլ Փաշինյան․ «Օր առաջ քաղբանտարկյալները պետք է ազատ արձակվեն» (տեսանյութ)

Ապրիլ 26, 2018 18:04 «Այդտեղ երկու կարծիք լինել չի կարող»։
Նիկոլ Փաշինյան․ Կայացրել ենք ստրատեգիական որոշումներ (տեսանյութ)

Նիկոլ Փաշինյան․ Կայացրել ենք ստրատեգիական որոշումներ (տեսանյութ)

Ապրիլ 26, 2018 17:23 Գործողությունների 2-րդ փուլի ճանապարհային քարտեզն է հրապարակվելու։
Ոստիկանության հայտարարությունը

Ոստիկանության հայտարարությունը

Ապրիլ 26, 2018 16:10 Կարճվելու են հարուցված վարչական վարույթները:
ՌԴ դեսպանատունը Փաշինյանի  հետ հանդիպմանը կոչ է արել խնդիրը լուծել բացառապես սահմանադրական դաշտում

ՌԴ դեսպանատունը Փաշինյանի հետ հանդիպմանը կոչ է արել խնդիրը լուծել բացառապես սահմանադրական դաշտում

Ապրիլ 26, 2018 14:21 Երկիրը շուտափույթ կերպով կվերադառնա նորմալ ու հանգիստ հունին:
ՀՅԴ նախարարներն ու մարզպետները հրաժարական են ներկայացրել

ՀՅԴ նախարարներն ու մարզպետները հրաժարական են ներկայացրել

Ապրիլ 26, 2018 14:00 Դիմումներն արդեն գրել են։
Արսինե Խանջյանը Երևանում միացել է ցուցարարներին

Արսինե Խանջյանը Երևանում միացել է ցուցարարներին

Ապրիլ 26, 2018 13:24 Ժամանել է Հայաստան:
Արմեն Սարգսյան․ Մենք ապրում ենք Նոր Հայաստանում

Արմեն Սարգսյան․ Մենք ապրում ենք Նոր Հայաստանում

Ապրիլ 26, 2018 13:02 Հայաստանի պատմության մեջ ունենք այլևս նոր էջ:
Հայտնի է ՀՀ վարչապետի ընտրության օրը

Հայտնի է ՀՀ վարչապետի ընտրության օրը

Ապրիլ 26, 2018 12:13 ՀՀ ԱԺ նախագահ Արա Բաբլոյանը հայտարարություն է արել վարչապետի ընտրության անցկացման մասին։
Արմեն Գևորգյանը մեկնել է Մոսկվա

Արմեն Գևորգյանը մեկնել է Մոսկվա

Ապրիլ 26, 2018 11:19 Նա ուղևորվել է միայնակ։