Լրահոս

Նոյեմբեր 28, 2016 16:14

«Սերժ Սարգսյանը միշտ էլ վերարտադրվելու համար մեխանիզմներ է փորձել ստեղծել»

«Սերժ Սարգսյանը միշտ էլ վերարտադրվելու համար մեխանիզմներ է փորձել ստեղծել»

«NewsBook»-ի զրուցակիցն է «Ազգային համաձայնություն» կուսակցության նախագահ Արամ Հարությունյանը.

–Պարո՛ն Հարությունյան, Սերժ Սարգսյանի հայտարարությունից հետո վարչապետ Կարեն Կարապետյանի դիրքն ուժեղացա՞վ, թե՝ ոչ:

–Կարեն Կարապետյանի դիրքը ոչ միայն չուժեղացավ, այլ ավելի թուլացավ, որովհետև նա ինչ-որ տեղ ազատության աստիճաններ կորցրեց: Եթե այն ժամանակ կարող էր իրեն ավելի ազատ պահել, հիմա ինքը որոշակիորեն շարքային ՀՀԿ-ական է՝ կապ չունի, թե ինչ կարգավիճակ կստանա: Նա դարձավ իրենցից մեկը: Բացի այդ, նշեմ, որ Կարեն Կարապետյանն այդ մասին ավելի շուտ գիտեր, մինչ կհայտարարեր Սերժ Սարգսյանը: Պայմանավորվածությունը եղել է, և չեմ կարծում, որ Կարեն Կարապետյանը եկել էր մի քանի ամսով: Իսկ թե ինչու է հենց Կարեն Կարապետյանի վրա կանգ առել Սերժ Սարգսյանը, որովհետև Կարեն Կարապետյանը ՀՀԿ-ի թիմից չէ: Նա ներսի մարդ չէ, նա թիմ չունի: Ինքը շատ ավելի թույլ կարգավիճակում է, քան օրինակ՝ Հովիկ Աբրահամյանը, որն, ամեն դեպքում, ազդեցություն ուներ ՀՀԿ-ում: Սերժ Սարգսյանը, բնականաբար, չէր թողնելու, որ Հովիկ Աբրահամյանը 2017-ին վարչապետ լինի, որովհետև պարզ չէր՝ 2018-ին ինքը կկարողանա հետ գալ, թե՝ ոչ: Եվ ուստի՝ արեց քայլը՝ բերելով Կարեն Կարապետյանին: Իր համար Կարեն Կարապետյանն անվտանգ է նաև իրավական տեսակետից՝ 2018 թվականից հետո չի կարող վարչապետ լինել, քանի որ վերջին չորս տարիների ընթացքում ՀՀ-ում մշտական բնակություն չի ունեցել: Բացի այդ, նաև թիմ չունի և չի կարող 2018-ին Սերժ Սարգսյանի՝ վարչապետի պաշտոնին հետ վերադառնալու առումով խոչընդոտներ ստեղծել: Սերժ Սարգսյանը Կարեն Կարապետյանին քարտ բլանշ է տվել, բայց մինչև 2018 թվականը: Բայց, ամեն դեպքում, Սերժ Սարգսյանի վախերը դրանով չեն անցնում, ինքը հասկանում է, որ երբ հենվել է սրան-նրան դավաճանած մարդկանց վրա, այդ նույն մարդիկ կարող են հնարավորության դեպքում մեկ անգամ էլ իրեն դավաճանել: Ուղղակի այս պահին թույլ են ու վախեցած, բայց չի բացառվում, որ 2017-ին խորհրդարանում լինեն վերադասավորումներ, և Սերժ Սարգսյանը նույնիսկ հետ գալ չկարողանա: Ես հասկանում եմ, որ անելու են ամեն ինչ ու ազդելու են նաև մյուս կուսակցությունների ցուցակների վրա՝ այդ մարդիկ շատ հեշտ կարող են ծախվել: Ինքը նաև վախից այդ ելույթը ունեցավ. ես կանխատեսում եմ, որ Սերժ Սարգսյանը ՀՀԿ-ի հաջորդ համագումարին չի մասնակցի, ինչպես, օրինակ, Ստալինը չմասնակցեց 20-րդ համագումարին: Սերժ Սարգսյանը հասկանում է, որ հասարակության մեջ վստահություն չունի, գերտերությունները լուրջ չեն ընդունում, իսկ ներսում էլ անընդհատ վախենում է ու ոչ մեկին չի վստահում: Համագումարում ՀՀԿ-ականների 90 տոկոսը կիսաստրուկի կարգավիճակով էին նստած այնտեղ: Համագումարը նման էր կոմունիստական կուսակցությունների համագումարներին և ակնհայտ էր, որ նրանք վախեցած ու կռացած վիճակում էին: Այդ կռացած ու վախեցած մարդիկ միշտ կարող են մի օր հավաքվել,և, համենայն դեպս, ինքը խնդիրներ կունենա:

–Իսկ ի՞նչ եք կարծում՝ հնարավո՞ր է, որ սա իշխանության ընդուման և հանձնման գործընթացի առաջին կետն էր:

–Սերժ Սարգսյանը միշտ էլ վերարտադրվելու համար մեխանիզմներ է փորձել ստեղծել: Իր պրոբլեմը 2018 թվականից հետո վարչապետի աթոռին նստելն է, դրա համար ինքը առաջին հերթին փոխեց Սահմանադրությունը: Բայց, ամեն դեպքում, այդ համակարգն այնպիսին է, որ բումերանգի պես կարող է հարվածել հենց նույն Սերժ Սարգսյանին և ՀՀԿ-ին՝ նկատի ունեմ ռեյտինգային քվեարկությունը: Եվ նա գտավ այն մարդուն, որի դեպքում կկարողանար ստեղծել ֆոն, թե նա Ռուսաստանի մարդն է: Սերժ Սարգսյանն այդ կերպարը ստեղծել է, որովհետև նա նպատակ ունի նաև կուլակաթափ անել օլիգարխներին, իսկ այդ դեպքում միշտ կարող է ասել՝ ես ի՞նչ անեմ՝ Կարեն Կարապետյանի մեջքին Ռուսաստանն է կանգնած, ես անզոր եմ: Բայց պարզ է, որ առանց Սերժ Սարգսյանի՝ Կարեն Կարապետյանը նման կտրուկ քայլերի չէր կարող գնալ: Բացի այդ, ես չեմ կարծում, որ Կարեն Կարապետյանն է Ռուսաստանի թեկնածուն: Ռուսաստանը այս պահին իր վրա այնքան վստահ է, որ չեմ կարծում, թե կցանկանար նշանակել Կարեն Կարապետյանին: Ռուսաստանի մարդ, եթե որպես այդպիսին ասենք, ապա կարող է լինել Ռոբերտ Քոչարյանը կամ գործարար Կարեն Կարապետյանը: Իսկ, ընդհանուր առմամբ, Սերժ Սարգսյանը ոչ մեկին չի ուզում իշխանությունը փոխանցել: Իրեն իշխանությունից դուրս չի պատկերացնում, որովհետև հասկանում է, որ աթոռը կորցնելուց մեկ րոպե հետո ինքը նույնիսկ հնարավոր է է՛լ ՀՀԿ-ի գրասենյակ չկարողանա մտնել: Նա հասկանում է, որ մեծ աշխարհում իր համար այն անկյունը չկա, որտեղ իրեն ապահով կզգա: Ի վերջո, Սերժ Սարգսյանի վրա են մարտի 1-ի 10 զոհերը, ապրիլյան զոհերը, այնպես որ ինքն այլ բան չի պատկերացնում: Սերժ Սարգսյանի կարծիքով՝ իր փրկությունն իշխանության մեջ մինչև վերջ մնալն է, բայց չեմ կարծում, թե 21-րդ դարում դա հնարավոր է:

–Ի՞ նչ եք կարծում՝ Կարեն Կարապետյանը կունենա՞ սեփական ֆրակցիան ՀՀԿ-ի ներսում:

–Չեմ կարծում: Կարող է՝ մի քանի հոգու թողնեն այդ ցուցակի մեջ մտնել, որոնք իր մարդկանցից կլինեն: Կարեն Կարապետյանը քաղաքական գործիչ չի եղել, և իր կաբինետից էլ երևում է, որ իր մարդիկ այն մարդիկ չեն, որոնք քաղաքականության մեջ են եղել: Այդ պատճառով նրա համար շատ դժվար է լինելու: Մի քանի հոգու հնարավոր է Սերժ Սարգսյանը քվոտաներ տա, բայց չեմ կարծում, որ Կարեն Կարապետյանը ՀՀԿ-ի համար սիրված կերպար է: Ուղղակի ՀՀԿ-ում, երբ մեծ մասը կիսավախեցած վիճակում են՝ հարստությունը, մանդատը կորցնելու համար են մտահոգված, դրա համար անում են այնպես, ինչպես ուզում է Սերժ Սարգսյանը: Բայց հոգու խորքում բոլորն էլ ատում են իրեն: Նաև հասկանում են, որ Սերժ Սարգսյանը Կարեն Կարապետյանի միջոցով է հաշվեհարդար տեսնում նաև շատերի հետ:

–Հնարավոր համարո՞ւմ եք, որ Սերժ Սարգսյանն իր խոսքի տերը չլինի, և եթե անգամ ՀՀԿ-ն հաղթի 2017-ի ընտրություններում, բայց, այնուամենայնիվ, Կարեն Կարապետյանը չլինի վարչապետ:

–Շատ հնարավոր է: Սերժ Սարգսյանն ընդամենը Կարեն Կարապետյանի հետ կապված հայտարարեց, որ նա 2017 թվականից հետո վարչապետ է մնալու, որպեսզի այդ հարցը փակված համարեն և ինտրիգներ չառաջանան: Նա հասկանում է, որ շատերին է նեղացնում՝ թեկուզ Կարեն Կարապետյանի ձեռքով և հնարավոր էր, որ խմորումներ լինեին ու 2018-ի համար հավակնորդներ առաջանային: Դրա համար նա այդ հարցը փորձեց փակել: Բայց որ Սերժ Սարգսյանը պատրաստ է յուրաքանչյուրին քցել, դա ակնհայտ է՝ փորձն է այսպես ցույց տվել: Երբ պահը եկավ, զոհաբերեց Տիգրան Սարգսյանին, հետո՝ Հովիկ Աբրահամյանին զոհաբերեց: Ժամանակը ցույց կտա, բայց Կարեն Կարապետյանը ոչնչով չի տարբերվելու, և պահը եթե եկավ, Սերժ Սարգսյանը հանուն իշխանությունը պահելու՝ պատրաստ է նաև զոհաբերել Կարեն Կարապետյանին:

Print Friendly and PDF

Այս խորագրի վերջին նյութերը

Բախումներ են տեղի ունեցել Կիևում՝ Գերագույն ռադայի շենքի մոտ (տեսանյութ)

Բախումներ են տեղի ունեցել Կիևում՝ Գերագույն ռադայի շենքի մոտ (տեսանյութ)

Հունվար 16, 2018 21:46 Տուժել է մեկ ոստիկան, ակցիայի մասնակիցներից մի քանիսը բերման են ենթարկվել։
Էրդողանը Պապի հրավերով կմեկնի Վատիկան

Էրդողանը Պապի հրավերով կմեկնի Վատիկան

Հունվար 16, 2018 21:04 Սա 59 տարվա ընթացքում Թուրքիայի նախագահի մակարդակով Վատիկան կատարվող առաջին այցն է։
Սերժ Սարգսյանը թեյի սեղանի շուրջ հանդիպել է մտավորականների հետ և խոսել ապագա նախագահի մասին

Սերժ Սարգսյանը թեյի սեղանի շուրջ հանդիպել է մտավորականների հետ և խոսել ապագա նախագահի մասին

Հունվար 16, 2018 20:33 Պետք է լինի մարդ, ով երբեք քաղաքականությամբ չի զբաղվել և կուսակցության անդամ չի եղել։
Թուրքիայում ևս 5 լրագրող է դատապարտվել ազատազրկման

Թուրքիայում ևս 5 լրագրող է դատապարտվել ազատազրկման

Հունվար 16, 2018 19:14 Թուրքիայում կա ավելի քան 150 ազատազրկված լրագրող:
Օդի ջերմաստիճանը հունվարի 18-20-ը, այսօրվա համեմատ, աստիճանաբար կբարձրանա 5-7 աստիճանով

Օդի ջերմաստիճանը հունվարի 18-20-ը, այսօրվա համեմատ, աստիճանաբար կբարձրանա 5-7 աստիճանով

Հունվար 16, 2018 18:42 Հնարավոր են թույլ տեղումներ, գիշերները՝ թաց ձյան տեսքով:
Հունվարի 8-11-ը մայրաքաղաքում ծնվել է 256 երեխա

Հունվարի 8-11-ը մայրաքաղաքում ծնվել է 256 երեխա

Հունվար 16, 2018 17:41 146 տղա, 110 աղջիկ:
Ծեծի մեղադրանքով հետախուզվող 65-ամյա կինը հայտնաբերվեց Մաշտոցի պողոտայում

Ծեծի մեղադրանքով հետախուզվող 65-ամյա կինը հայտնաբերվեց Մաշտոցի պողոտայում

Հունվար 16, 2018 17:09 2017թ. դեկտեմբերի 1-ից հետախուզվում էր:
«Դեպի եվրատեսիլ» նախագծի ևս հինգ մասնակիցների երգերն արդեն հասանելի են (տեսանյութ)

«Դեպի եվրատեսիլ» նախագծի ևս հինգ մասնակիցների երգերն արդեն հասանելի են (տեսանյութ)

Հունվար 16, 2018 16:52 Նախագծի հաղթողը կորոշվի ձայների 50/50 հարաբերակցությամբ։
Կարմրուկի բռնկում Ուկրաինայում․ ԱՆ-ն զբոսաշրջիկներին հորդորում է պատվաստվել

Կարմրուկի բռնկում Ուկրաինայում․ ԱՆ-ն զբոսաշրջիկներին հորդորում է պատվաստվել

Հունվար 16, 2018 16:33 Աշխարհում կարմրուկից ամեն օր մահանում է 314, ամեն ժամ՝ 13 մարդ։
Հիտլերի ավտոմեքենան աճուրդի կհանվի ԱՄՆ-ում (տեսանյութ)

Հիտլերի ավտոմեքենան աճուրդի կհանվի ԱՄՆ-ում (տեսանյութ)

Հունվար 16, 2018 15:39 Դրանով նա 1940 թ․ Բեռլինում բացել է շքերթը։
Թուրքիայի արտգործնախարարն անդրադարձել է Հայոց ցեղասպանության հարցին

Թուրքիայի արտգործնախարարն անդրադարձել է Հայոց ցեղասպանության հարցին

Հունվար 16, 2018 15:02 «Ցեղասպանությունը ոչ թե ծանոթագրական, այլ իրավական արտահայտություն է»։
Որոշ ավտոճանապարհների ձյուն է տեղում

Որոշ ավտոճանապարհների ձյուն է տեղում

Հունվար 16, 2018 14:51 Տեղ-տեղ մերկասառույց է:
Այսօր ավտովթարից զոհվածը ՀՀ ԶՈւ ԳՇ պետի տեղակալի որդին էր

Այսօր ավտովթարից զոհվածը ՀՀ ԶՈւ ԳՇ պետի տեղակալի որդին էր

Հունվար 16, 2018 14:21 «Kia Sorento» մակնիշի ավտոմեքենան ընկել էր Գետառ գետը:
19-ամյա Քնարիկ Մայիլյանը որոնվում է որպես անհետ կորած

19-ամյա Քնարիկ Մայիլյանը որոնվում է որպես անհետ կորած

Հունվար 16, 2018 14:17 Ոստիկանության Նոր Նորքի բաժնի կողմից։
Վարորդները գործադուլ են հայտարարել և ճանապարհ փակել

Վարորդները գործադուլ են հայտարարել և ճանապարհ փակել

Հունվար 16, 2018 13:30 Այսօր վաղ առավոտից աշխատանքի դուրս չեն եկել:
Freedom House-ը Հայաստանը ներառել է մասամբ ազատ երկրների շարքում

Freedom House-ը Հայաստանը ներառել է մասամբ ազատ երկրների շարքում

Հունվար 16, 2018 13:18 Մասամբ ազատ է ճանաչվել նաև Արցախը, Ադրբեջանն ու Թուրքիան՝ անազատ: