Լրահոս

Դեկտեմբեր 02, 2016 11:23

Ստեփան Մարգարյան. «Ընտրություններին պետք է մասնակցել խոշոր միավորներով»

Ստեփան Մարգարյան. «Ընտրություններին պետք է մասնակցել խոշոր միավորներով»

Հարցազրույց «Համախմբում» կուսակցության փոխնախագահ Ստեփան Մարգարյանի հետ

-Ընդդիմադիր տարբեր ուժեր, գործիչներ անդադար խոսում են այն մասին, թե խիստ զբաղված են ներքին քննարկումներով` դաշինքներ են ձեւավորում, մինչդեռ «Համախմբումը» առանձնապես շատ չի խոսում ընդդիմադիր դաշտի համախմբումից, գուցե զգուշանո՞ւմ եք:

-Այնպես չէ, որ չենք խոսում կամ խոսափում ենք, երբ հարկ է լինում, մեր ասելիքը հրապարակում ենք: Մենք էլ այսօր գտնվում ենք քաղաքական ուժերի հետ հանդիպում-քննարկումների փուլում: Թե ո՞ր ուժերի, բնականաբար անուններ տալ չեմ ցանկանա, որովհետեւ երբ մեկի հետ հանդիպում, խոսում ես, մի գավաթ էլ սուրճ խմում, դա արդեն դառնում է քաղաքական եզրահանգումների առարկա, ընդ որում` հաճախ իրականությունից շատ հեռու:

Սա է պատճառը, որ գերադասում ենք դաշինքների մասին դեռ չխոսել եւ խոսել միայն այն պահին, երբ քաղաքական որոշ ուժերի հետ կհամընկնեն մեր մոտեցումները, դիրքորոշումները, երբ պայմանավորվածությունները կլինեն հստակ, այդ ժամանակ հանդես կգանք քաղաքական հայտարարությամբ: Կարծում եմ, դա երկար չի տեւի, ու լրատվական դաշտին երկար սպասել չենք տա:

-Իսկ վերլուծելով իրավիճակը, ի՞նչ եք կարծում, նախընտրական ինչպիսի՞ դաշինքներ կարող են ստեղծվել, որոնք զերծ կմնան նախկին ձախողումներից, նախկին սխալները կրկնելուց:

-Դաշինքները, ինչպես ցույց է տալիս մեր պատմությունը, շատ հաճախ քանդվում են: Պատճառները որքան էլ տարբեր են, բայց ուշադիր հետեւելիս համոզվում ես, որ դրանցում կա բոլորին բնորոշ ընդհանուր պատճառ: Դա այն է, որ մեզանում նման միավորումները ստեղծվում են «դաշինք` դաշինքի համար» սկզբունքի հիման վրա, երբ ասում են` եկեք միասին լինենք, որպեսզի դրանով ուժեղ լինենք:

Նման դաշինքները տեւական լինել չեն կարող, շատ արագ քանդվում են: Քանդվել են, որովհետեւ հասարակությունն այդպես էլ չի հասկացել, թե քո ուժեղ լինելն ինչի՞ համար էր: Քանդվել են, քանի որ կազմվել են այլ շահերով պայմանավորված: Ուրեմն նախ ցանկացած դաշինք պետք է հստակ ասի, թե ի՞նչ է ուզում, ո՞րն է իր նպատակը: «Համախմբումը» գնում է նման դաշինքի ստեղծման ճանապարհով: Այսինքն` հենց այնպես միանալ այս կամ այն ուժերին, առանց քաղաքական, գաղափարական հենքի` համարում ենք անիմաստ:

Անկեղծ ասեմ, անգամ այդ դեպքում որեւէ մեկն ապահովագրված չէ, որ իրենց ստեղծած դաշինքը կլինի կայուն, բայց համենայն դեպս, նման դաշինքը կլինի ավելի կայուն, քան երբ ասվում է` եկեք բոլորս հենց այնպես միավորվենք, որ կարողանանք ձայների մեծ քանակ հավաքել: Սա կլինի ինքնանպատակ, ու ոչ ոք չի հասկանա, թե ինչո՞ւ եղավ այդ միավորումը: Ի վերջո, մեր հասարակությանը մի բան է հետաքրքրում` ի՞նչ պետք է անեն քաղաքական ուժերը, որպեսզի վերջապես ապրի նորմալ երկրում:

-Ի՞նչ կասեք դաշինքների ստեղծումը աշխարհաքաղաքական վեկտորով պայմանավորելու մասին, չե՞ք կարծում, որ վտանգավոր երեւույթ է հասարակությանը, քաղաքական ուժերին արեւմտամետների ու ռուսամետների բաժանելու այդ մոլուցքը։

-Ես այդ բաժանումը համարում եմ արհեստական: Գուցե քաղաքական կառույցներում կա նման մտածողություն, երբեմն ասում են` սա արեւմտամետ է, սա ռուսամետ, բայց մեր հասարակության մեջ իսպառ բացակայում է այդ դիսկուրսը, որովհետեւ հասարակությունը ամենեւին բաժանված չէ արեւմտամետների ու ռուսամետների:

-Դաշինքային համախմբում ասվածը մեր ժողովուրդն այսպես է պատկերացնում. ամեն մի քաղաքական ուժ պետք է ներկայացնի իր օրակարգը երկրի ապագային առնչվող հարցերում` սկսած Արցախյան խնդրից, մինչեւ տնտեսական: Եվ դա հրապարակի, որպեսզի ե՛ւ քաղաքական դաշտում պարզ լինի, թե ով ով է, ե՛ւ հասարակությունը հասկանա, թե ում է իր ձայնը տալու: Կգնա՞ «Համախմբումը» այս ուղիով:

- Այո, համաձայն եմ ձեր դիտարկմանը, որ մեր հասարակությունը հենց սա՛ է ուզում, միայն այդ կերպ պարզ կլինի` ո՞վ ես, ի՞նչ ուժ կամ դաշինք ես: Եթե գործող իշխանության հետ տարբեր հարցերում համակարծիք չես, ուրեմն պետք է քո այլընտրանքը ներկայացնես:

Եվ այսօր, երբ մենք հանդիպում, խոսում ենք այս կամ այն քաղաքական ուժի ներկայացուցիչների հետ, փորձում ենք հստակեցնել մեզ համար կարեւոր հարցերի պատասխանները: Քանի որ դաշինքի կազմման դեպքում այդ հարցերից կազմված փաթեթը պետք է դառնա դաշինքի նախընտրական ծրագիր: Դա հետո կներկայացվի հանրությանը, որպեսզի վերջինս էլ իմանա, թե ի՞նչ ենք ուզում անել, ինչո՞ւ ենք միավորվել:

Աղբյուրը` «Haymedia.am»

Print Friendly and PDF

Այս խորագրի վերջին նյութերը

Հրդեհ է բռնկվել Ոսկեհասկ գյուղի տներից մեկի բակում գտնվող մարագում և ավտոտնակում

Հրդեհ է բռնկվել Ոսկեհասկ գյուղի տներից մեկի բակում գտնվող մարագում և ավտոտնակում

Հուլիս 22, 2017 18:06 Այրվել են տանիքը, անասնակեր և շինարարական փայտ:
Ջունո և Յուպիտեր մոլորակները

Ջունո և Յուպիտեր մոլորակները

Հուլիս 22, 2017 17:50 Ներկայացնում է ՆԱՍԱ-ն։
Բերման ենթարկվեց «Զվարթնոց» օդնավակայանից

Բերման ենթարկվեց «Զվարթնոց» օդնավակայանից

Հուլիս 22, 2017 17:30 Հետախուզվում էր պաշտոնեական լիազորությունները չարաշահելու մեղադրանքով:
Ռուսաստանի 5 ամենամատչելի հանգստավայրերը (լուսանկար)

Ռուսաստանի 5 ամենամատչելի հանգստավայրերը (լուսանկար)

Հուլիս 22, 2017 17:13 Կարելի է հաճելի ժամանակ անցկացնել՝ գրպանին մեծ հարված չհասցնելով։
Դրամապանակի գողություն՝ թիվ 42 երթուղու միկրոավտոբուսում

Դրամապանակի գողություն՝ թիվ 42 երթուղու միկրոավտոբուսում

Հուլիս 22, 2017 16:52 Բերման են ենթարկել 1988 թ. ծնված Գոռ Պ.-ին:
Կիևյան կամրջի մոտ այրվել է 1500 քմ խոտածածկ տարածք

Կիևյան կամրջի մոտ այրվել է 1500 քմ խոտածածկ տարածք

Հուլիս 22, 2017 16:36 Արզնիի ամառանոցների տարածքում՝ մոտ 80 հա բուսածածկույթ, Նուռնուսի ամառանոցներում՝ 2000 քմ:
Հայ ձյուդոիստը դարձել է Սուրդլիմպիկ խաղերի արծաթե մեդալակիր

Հայ ձյուդոիստը դարձել է Սուրդլիմպիկ խաղերի արծաթե մեդալակիր

Հուլիս 22, 2017 15:45 Լսողության խնդիրներ ունեցողների մարզական մրցումներում։
Հսկայական իշամեղուները երեխաների են խայթել Տոկիոյի արվարձանում

Հսկայական իշամեղուները երեխաների են խայթել Տոկիոյի արվարձանում

Հուլիս 22, 2017 15:19 Ավելի քան 20 նախադպրոցական երեխա տեղափոխվել է հիվանդանոց։
Ոչ մարտական կորուստ Տերտերի շրջանի զորամասերից մեկում

Ոչ մարտական կորուստ Տերտերի շրջանի զորամասերից մեկում

Հուլիս 22, 2017 14:53 Ընտանիքի անդամներին չեն ասել մահվան հանգամանքները։
ՃՏՊ Վերին Ախտա գյուղի կամրջի մոտ․ ավտոմեքենան կամրջից ընկել է ձորակը

ՃՏՊ Վերին Ախտա գյուղի կամրջի մոտ․ ավտոմեքենան կամրջից ընկել է ձորակը

Հուլիս 22, 2017 14:19 Դուրս է եկել ճանապարհի երթևեկելի հատվածից։
Ադրբեջանի բանակի վիրավոր զինծառայողներից մեկը մահացել է

Ադրբեջանի բանակի վիրավոր զինծառայողներից մեկը մահացել է

Հուլիս 22, 2017 14:13 Շուրջ մեկ շաբաթ մահամերձ վիճակում էր։
Երևան-Սևան ճանապարհին մեքենան բախվել է գովազդային վահանակին․ վարորդը զոհվել է

Երևան-Սևան ճանապարհին մեքենան բախվել է գովազդային վահանակին․ վարորդը զոհվել է

Հուլիս 22, 2017 14:07 «Սուրբ Գրիգոր Լուսավորիչ» ԲԿ է տեղափոխվել մահացած:
Հակառակորդը գնդակոծել է սահմանամերձ Բարեկամավանը

Հակառակորդը գնդակոծել է սահմանամերձ Բարեկամավանը

Հուլիս 22, 2017 13:40 «10 րոպե ընդմիջում էին ու նորից կրակում»։
7 օր առաջնագծում

7 օր առաջնագծում

Հուլիս 22, 2017 13:36 Իրադրությունը հարաբերական հանգիստ է եղել:
Սևանա լճի Դրախտ լողափի մոտակա ճանապարհին բախվել են «ГАЗель»-ը և «Ford Tranzit»-ը․ ուղևորը հոսպիտալացվել է

Սևանա լճի Դրախտ լողափի մոտակա ճանապարհին բախվել են «ГАЗель»-ը և «Ford Tranzit»-ը․ ուղևորը հոսպիտալացվել է

Հուլիս 22, 2017 13:33 Բժիշկները տուժածի առողջական վիճակը գնահատել են կայուն ծանր:
Երևան-Գյումրի ճանապարհին «ՎԱԶ-2102»-ը բախվել է բետոնե արգելապատնեշին․ կա տուժած

Երևան-Գյումրի ճանապարհին «ՎԱԶ-2102»-ը բախվել է բետոնե արգելապատնեշին․ կա տուժած

Հուլիս 22, 2017 12:59 Ուղևորը մարմնական վնասվածքներով հոսպիտալացվել է Թալինի ԲԿ: