Խմբագրական

Դեկտեմբեր 21, 2016 01:40

Ինչի մասին են «լռում» Սերժ Սարգսյանը և Լևոն Տեր-Պետրոսյանը

Ինչի մասին են «լռում» Սերժ Սարգսյանը և Լևոն Տեր-Պետրոսյանը

ՀԱԿ առաջնորդ Լևոն Տեր-Պետրոսյանն իր վերջին ելույթում նոր բան չի ասել: ՀՀ առաջին նախագահը հայ կղերապահպանողական (քիրվայական) մտածողության դասական ներկայացուցիչ է, և այլ բան նրանից պետք չէ սպասել:

Նորություն կունենայինք այն դեպքում, երբ Տեր-Պետրոսյանը բացվեր մինչև վերջ և հայտարարեր, որ Ղարաբաղը պետք է թողնել Ադրբեջանի կազմում, որպեսզի կարողանանք փրկել Հայաստանը («Զիջում ես մասը, մյուս մասը կարողանում ես պահպանել»): Սա՛ է նրա իրական մոտեցումը Ղարաբաղի հարցում, ինչը ոչ թե դավաճանության, այլ մտածողության հետևանք է: Մարդն այդպես է մտածում և համոզված է, որ ճիշտ է: «Ղարաբաղ» կոմիտեի անդամ եղած և ղարաբաղյան շարժման ալիքի վրա իշխանության եկած Տեր-Պետրոսյանը, փաստորեն, «Ղարաբաղը տանք, որ լավ ապրենք» կարգախոսն է առաջ քաշում:

Մի կողմ թողնելով հարցի բարոյական կողմը՝ նկատենք, որ Տեր-Պետրոսյանն առայժմ լռում է և ուղիղ ու ամբողջական չի ասում իր մտքինը, բայց եթե մարդիկ մտածելու կարողություն ունեն, ապա ուղիղ խոսքի հնչեցումը պարտադիր չէ:

Իսկ այն, որ ղարաբաղյան հակամարտության կարգավորման տերպետրոսյանական բանաձևի համաձայն՝ Ղարաբաղը պետք է լինի Ադրբեջանի կազմում, աներկբա է:

Դատե՛ք ինքներդ: Սերժ Սարգսյանն իր «Ֆուտբոլային» դիվանագիտության շրջանակներում Կազանում համաձայնել էր Ադրբեջանին զիջել ազատագրված 7 շրջանները՝ Ղարաբաղի միջանկյալ կարգավիճակի դիմաց (այդ մասին նա մի քանի անգամ հրապարակավ հայտարարել է, վերջին անգամ՝ Կիսելյովին տված հարցազրույցում):

Ինչ վերաբերում է ղարաբաղցիների անվտանգությանը և Ղարաբաղի վերջնական կարգավիճակին, ապա ըստ Սարգսյանի՝ անվտանգության երաշխիքը խաղաղապահներն են, իսկ Ղարաբաղի վերջնական կարգավիճակը կորոշվի 5, 10 կամ 500 տարի հետո՝ Ղարաբաղի ժողովրդի կամարտահայտության միջոցով:

Ապրիլյան չորսօրյա մարտերից հետո Սարգսյանը նաև անկեղծացել էր, որ Ալիևը Կազանում վիժեցրել է համաձայնությունը՝ առաջ քաշելով նոր պահանջներ, ինչին Հայաստանը չէր կարող համաձայնել:

Սարգսյանն անկեղծացել է, բայց լռել է այն մասին, թե ինչ նոր պահանջներ էր առաջ քաշել Ալիևը: Այդ լռությունը, սակայն, այնքան խոսուն է, որ հեշտությամբ կարելի է այն «վերծանել»: Ըստ այդմ՝ Ալիևը չի համաձայնել վերցնել ազատագրված 7 շրջանները, քանզի պահանջում է ոչ թե 7, այլ 12 շրջան, այսինքն՝ ամբողջ Ղարաբաղը: Այդ մասին Ադրբեջանի նախագահը բազմիցս է հայտարարել: Դա՛ է նրա պատկերացրած «փոխզիջումը»:

Բացի այդ՝ Տեր-Պետրոսյանի կողմից «ռացիոնալ մտածող պետական գործիչ» որակմանն արժանացած Ալիևը, դատելով վերջինիս ելույթներից ու պաշտոնական Բաքվի վարած քաղաքականությունից, դեմ է Ղարաբաղին միջանկյալ կարգավիճակ տալուն, դեմ է խաղաղապահների մուտքին և կողմ է միայն որոշակի ինքնավարության կարգավիճակով Ղարաբաղն Ադրբեջանի կազմում տեսնելուն:

Սերժ Սարգսյանը շատ լավ հասկանում էր, որ չի կարող բավարարել Ալիևի լրացուցիչ պահանջները, և դա է պատճառը, որ 2011թ. Կազանում մերժել է նրան: Այլ հարց է, որ Կազանից հետո Հայաստանի ու Ադրբեջանի նախագահները տարբեր կերպ են տեսել իրենց հետագա անելիքները. Ալիևը պատրաստվել է պատերազմի, իսկ Սարգսյանը՝ վերարտադրության:

Հիմա Տեր-Պետրոսյանն ասում է, թե եկեք սատարենք Սերժ Սարգսյանին, որպեսզի նա գնա մինչև վերջ և արագ լուծի Ղարաբաղի հարցը, այլապես Հայաստանը զարգանալու հնարավորություն չի ունենա ու կդատարկվի (ստացվում է, որ Հայաստանի զարգացման բանալիները գտնվում են Բաքվում ու նաև՝ Անկարայում):

Եթե Ալիևը չի համաձայնում վերցնել 7 շրջանը, որը պատրաստ է հանձնել Սարգսյանը, ու այդքանից հետո հայկական կողմից հնչում են տեսակետներ, թե բա՝ եկեք գնանք Ադրբեջանին ընդառաջ ու փոխզիջումային տարբերակ գտնենք, ապա դա նշանակում է, որ նման «փոխզիջման» կողմնակիցները Ղարաբաղը պատրաստ են տեսնել Ադրբեջանի կազմում, որպեսզի պահեն մասը (Հայաստանը):

Այդ «փոխզիջողականները» մի բան չեն հասկացել, չեն հասկանում ու հազիվ թե հետագայում հասկանան, որ Հայաստանի գոյության, ՀՀ քաղաքացիների անվտանգության ապահովման և մեր երկրի զարգացման բանալիները գտնվում են Երևանում ու Ստեփանակերտում: Հետևաբար, Ստեփանակերտը հանձնելով՝ «փոխզիջելու» ես նաև Երևանը, այսինքն՝ Հայաստանը:

Հայաստանակենտրոն բոլոր ուժերի խնդիրը պետք է լինի մեր հանրությանն արժանապատիվ խաղաղության ճանապարհով տանելը: Առաջիկա ԱԺ ընտրությունները հարմար առիթ են մեր երկրում որակապես նոր իշխանություն ձևավորելու և դրական փոփոխությունների հասնելու համար:

Ղարաբաղը ոչ թե բեռ է, այլ հնարավորություն իրապես անկախ, մրցունակ և զարգացող Հայաստան ունենալու համար:

Հայաստանի ու Ղարաբաղի սահմաններն անառիկ կարող են պահել և ՀՀ ու ԼՂՀ քաղաքացիների անվտանգությունն ապահովել միայն մեր զինվորներն ու սպաները: Հակառակորդին խաղաղություն կարող ենք պարտադրել միայն մենք՝ ունենալով արդիական բանակ, դինամիկ աճող տնտեսություն և արժանապատիվ քաղաքացի: Հակառակ տեսակետն ունեցողները թող միանան «Բաքվի խաղաղության պլատֆորմին»:

7or.am

Այս խորագրի վերջին նյութերը

Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը:
Ադրբեջանական ագրեսիան ու հայկական խաղաղասիրությունը

Ադրբեջանական ագրեսիան ու հայկական խաղաղասիրությունը

Նոյեմբեր 07, 2018 14:21 Փաշինյանի վարչապետ դառնալուց հետո Երևանի դիրքորոշումը Ղարաբաղի հարցում դարձավ հակասական ու էկլեկտիկ (ծայրահեղ խաղաղասիրականից մինչև ռազմատենչ):