Հարցազրույց

Դեկտեմբեր 21, 2016 16:00

Բաբկեն Մարգարյանը՝ Լևոն Տեր–Պետրոսյանի ելույթի և Սեյրան Օհանյանի հայտարարության մասին

Բաբկեն Մարգարյանը՝ Լևոն Տեր–Պետրոսյանի ելույթի և Սեյրան Օհանյանի հայտարարության մասին

Հարցազրույց «Ազատամարտիկների դաշինքի» վարչության անդամ Բաբկեն Մարգարյանի հետ.

–Ինչպե՞ս կգնահատեք ՀԱԿ–ի համագումարում Լևոն Տեր–Պետրոսյանի ելույթը, մասնավորապես Լեռնայի Ղարաբաղի հիմնախնդրի լուծման փուլային տարբերակի՝ տարածքները զիջելու, միջանկյալ կարգավիճակ տալու և խաղաղապահներ տեղակայելու վերաբերյալ նրա տեսակետը։

–Հայ ժողովուրդը մոտ 700 տարի չի ունեցել հաղթանակ։ Մենք ունեցել ենք Սարդարապատ, Ապարան, Բաշ–Ապարան, մենք ընդհանրապես թուրքերին մի կերպ ենք դուրս շպրտել մեր երկրի սրտից և մի թիզ գրավված հող չենք ունեցել։ Արցախյան պատերազմի ժամանակ մենք Արցախն ենք հետ բերել՝ իր տարածքներով հանդերձ, և ոչ ոք իրավունք չունի հազարավոր զոհերի արյան գնով ձեռք բերած հաղթանակը հենց էնպես նվիրել ազերներին։ Ընդհանրապես, այդ դիրքորոշումը ես գնահատում են բացասական և անընդունելի։ Մենք իրավունք չունենք մի թիզ հող զիջել ազերներին։ Մենք այդ հողերի համար արյուն ենք թափել և արյան գնով պահելու ենք դրանք մինչև վերջ։ Եթե մտածում են վաղվա ապագայի մասին, թող երկրի սոցիալ–տնտեսական վիճակը փոխեն, բարելավեն երկրի զարգացումը, արտագաղթ չլինի, և այդ ժամանակ մենք ավելի ուժեղ կլինենք և ավելի հեշտ կպաշտպանենք մեր տարածքները։ Մենք պետք է վստահենք ինքներս մեզ, մեր հայ ժողովրդին մեր վաղվա պայքարի ճանապարհին։ Մենք ինքներս պետք է մեզ պաշտպանենք։ Ես չեմ ընդունում այդ տեսակետը, քանի որ չեմ վստահում և՛ այդ խաղաղապահ ուժերին, և՛ մնացած այլ բաներին։ Մեր հույսը պետք է դնենք մեր և մեր ժողովրդի վրա։

–Պրն Մարգարյա՛ն, պաշտպանության նախկին նախարար Սեյրան Օհանյանը հայտարարությամբ հանդես եկավ և նշեց, որ պատրաստվում է ակտիվորեն մասնակցել քաղաքական ու, մասնավորապես, ընտրական գործընթացներին։ Ինչպե՞ս կմեկնաբանեք նրա այդ որոշումը։

–Ես հանդիպել եմ ՀՀ նախկին պաշտպանության նախարար, մեծարգո գեներալ Սեյրան Օհանյանի հետ։ Նա համեստ, գրագետ տեսակի մեջ մտնող մի եզակի անձնավորություն է, և ես շատ եմ հարգում նրան։ Բնականաբար, և՛ ողջունում եմ իրեն, և՛ այն հանգամանքը, որ չընդունեց իրեն առաջարկվող բարձրաստիճան պաշտոնները, և բռնեց այնպիսի մի ուղի, երբ համախմբելով, մեծ և հզոր համախմբում ստեղծելով՝ մենք կազատվենք այսօրվա քրեաօլիգարխիկ թալանչի համակարգից։ Եթե մենք դրան հասնենք, ապա կեցցե՛ն իրենք, կեցցե՛նք մենք, կեցցե՛ ժողովուրդը։ Իսկ այս վիճակից չազատվելով՝ կնշանակի, որ շարունակելու ենք գտնվել ճորտատիրական համակարգում։ Ուրիշ ճանապարհ չունենք մենք. պետք է համախմբվենք, այդ պատճառով էլ ես աջակցում եմ Սեյրան Օհանյանին և նրա կողքին կանգնած եմ։ Նրա մուտքը քաղաքական դաշտ միայն դրական լիցք է տալու։

–ՀՀ նախկին պաշտպանության նախարարը նաև նշել էր, որ սկսել է խորհրդակցություններ վարել մի շարք քաղաքական ուժերի և այլ հայտնի գործիչների հետ` նպատակ ունենալով ձևավորել համախոհների թիմ։ Դուք, փաստորեն, այդ թիմում ձեզ տեսնում եք։

–Մենք միանշանակ նրան սատարելու ենք։ Ես իմ անունից ասում եմ՝ եթե ձևավորվի այդ թիմը, լինելու եմ նրա կողքին և գնալու եմ մինչև վերջ։ Պաշտպանելու ենք ընտրական համակարգի արդարությունը և անելու ենք ամեն ինչ, որպեսզի ժողովուրդը հասնի իր վերջնական հաղթանակին։ Ուրիշ ճանապարհ և ելք չկան։

Հարցազրույցը վարեց Նելլի Ավագյանը

Print Friendly and PDF

Այս խորագրի վերջին նյութերը

Մխիթարյան. «Ինչու՞ չենք կարող ես և Օզիլը խաղալ իրար հետ» (տեսանյութ)

Մխիթարյան. «Ինչու՞ չենք կարող ես և Օզիլը խաղալ իրար հետ» (տեսանյութ)

Փետրվարի 22, 2018 20:27 «Ես պարզապես հաճույք եմ ստանում Մեսութի հետ խաղալուց»:
Երվանդ Բոզոյան. ԱՄՆ-ն տնտեսական պատերազմ է անում Ռուսաստանի դեմ

Երվանդ Բոզոյան. ԱՄՆ-ն տնտեսական պատերազմ է անում Ռուսաստանի դեմ

Փետրվարի 22, 2018 18:13 Բավական վտանգավոր պրոցեսի մեջ են հայտնվել երկու կողմերն էլ:
Ավետիս Քալաշյան. «Առանցքային այս վկայի ցուցմունքից կարող ենք եզրակացնել, որ սա ընդամենը «պոդստավկա» է»

Ավետիս Քալաշյան. «Առանցքային այս վկայի ցուցմունքից կարող ենք եզրակացնել, որ սա ընդամենը «պոդստավկա» է»

Փետրվարի 16, 2018 20:05 «Ինձ թվում է՝ հաջորդ նիստը կլինի վերջինը, իսկ դրանից հետո կսպասենք Վերաքննիչ դատարանի որոշմանը»։
Որքանով է ճիշտ Մխիթարյանի վերաբերյալ տեղեկատվությունը Վիքիպեդիայում (տեսանյութ)

Որքանով է ճիշտ Մխիթարյանի վերաբերյալ տեղեկատվությունը Վիքիպեդիայում (տեսանյութ)

Փետրվարի 09, 2018 21:00 Ճի՞շտ է, որ ձեր մանկության երազանքն իրավաբան դառնալն էր:
Վիկ Դարչինյան. «Բռնցքամարտիկի կարիերաս կավարտեմ»

Վիկ Դարչինյան. «Բռնցքամարտիկի կարիերաս կավարտեմ»

Փետրվարի 07, 2018 14:11 «Պատրաստ եմ մենամարտել միայն չեմպիոնական գոտու համար»։
Ակնկալում ենք՝ Փալոնեի օրինագիծը նոր ազդակ կհաղորդի Արցախի և ԱՄՆ-ի միջև հարաբերությունների զարգացմանը. ԱՀ ԱԳՆ

Ակնկալում ենք՝ Փալոնեի օրինագիծը նոր ազդակ կհաղորդի Արցախի և ԱՄՆ-ի միջև հարաբերությունների զարգացմանը. ԱՀ ԱԳՆ

Հունվար 19, 2018 12:03 Ողջունում են «ԱՄՆ-Արցախ. այցելություններ և շփումներ» օրինագիծը։
Էդ. Նալբանդյան․ «Բաքուն հետ է կանգնել բազմաթիվ պայմանավորվածություններից»

Էդ. Նալբանդյան․ «Բաքուն հետ է կանգնել բազմաթիվ պայմանավորվածություններից»

Դեկտեմբեր 19, 2017 22:08 Այն, ինչ առաջարկվել է համանախագահների կողմից և ինչին սատարում է Հայաստանը, մերժվում է Ադրբեջանի կողմից։
Ստեփան Դանիելյան․ «Միայն ֆորս-մաժորային իրավիճակներում պարզ կլինի»

Ստեփան Դանիելյան․ «Միայն ֆորս-մաժորային իրավիճակներում պարզ կլինի»

Դեկտեմբեր 19, 2017 21:47 Նոր կառավարման ձևի պայմաններում արդյոք հնարավոր կլինի՞ կայությունը պահպանել, թե ոչ:
Կնեսետի փոխխոսնակը վստահ է, որ Իսրայելը Հայոց ցեղասպանության վերաբերյալ ի վերջո կարտահայտի իր դիրքորոշումը

Կնեսետի փոխխոսնակը վստահ է, որ Իսրայելը Հայոց ցեղասպանության վերաբերյալ ի վերջո կարտահայտի իր դիրքորոշումը

Նոյեմբեր 29, 2017 10:42 «Ես գիտեմ, թե որն է հայ ազգի ողբերգությունը»,-ասել է Թալի Պլոսկովը։
Անդրանիկ Թևանյան․ «Դատարանը Բաբայանի գործով քաղաքական որոշումը դակեց» (տեսանյութ)

Անդրանիկ Թևանյան․ «Դատարանը Բաբայանի գործով քաղաքական որոշումը դակեց» (տեսանյութ)

Նոյեմբեր 28, 2017 12:33 «Նման դատավարություն Սամվել Բաբայանի դեմ եղել էր Բաքվում»,-հիշեցրել է քաղաքագետը։
Ավետիք Իշխանյան. «Սամվել Բաբայանի դեմ գործ են սարքել» (տեսանյութ)

Ավետիք Իշխանյան. «Սամվել Բաբայանի դեմ գործ են սարքել» (տեսանյութ)

Նոյեմբեր 20, 2017 20:41 Սա նրան մեկուսացնելու ձև էր։
Արթուր Պետրոսյան. «Կարծում եմ՝ ճիշտ ուղու վրա ենք» (տեսանյութ)

Արթուր Պետրոսյան. «Կարծում եմ՝ ճիշտ ուղու վրա ենք» (տեսանյութ)

Նոյեմբեր 14, 2017 11:27 Տղաները լավ են կատարում իրենց գործը խաղադաշտում։