Մեկնաբանություն

Դեկտեմբեր 27, 2016 12:40

Սեյրան Օհանյանը բարձրացնում է դրոշակը

Սեյրան Օհանյանը բարձրացնում է դրոշակը

2008-ի նախագահական ընտրությունների քարոզարշավի փուլում Սերժ Սարգսյանը, անդրադառնալով Լևոն Տեր-Պետրոսյանի այն հայտարարությանը, թե ինքն ընդամենը երեք տարով է ուզում նախագահ դառնալ, կարծիք հայտնեց, ըստ որի՝ ՀՀ առաջին նախագահին այդ երեք տարին պետք է Ղարաբաղը ծախելու համար:

Ճակատագրի հեգնանքով՝ 2008-ից երեք տարի անց՝ 2011-ին, Կազանում Սարգսյանն ընդհուպ մոտեցել է ղարաբաղյան հակամարտության կարգավորման տերպետրոսյանական տխրահռչակ փուլային տարբերակին, այսինքն՝ իր իսկ ձևակերպմամբ՝ «Ղարաբաղը ծախելուն»:

2011-ին Ալիևը չէր համաձայնել Սարգսյանի միակողմանի զիջումներին, քանզի պահանջում է ոչ թե 7, այլ 12 շրջան, այսինքն՝ ամբողջ Ղարաբաղը:

Հիմա Լևոն Տեր-Պետրոսյանը կոչ է անում Սերժ Սարգսյանին գնալ մինչև վերջ և բավարարել «ռացիոնալ մտածող պետական գործիչ» Ալիևի պահանջները: ՀԱԿ առաջնորդը, միևնույն ժամանակ, հայտ է ներկայացնում քիրվայական կոդի շրջանակներում դառնալ Սերժ Սարգսյանի հենարանը, քանզի, ինչպես ճիշտ է նա նկատում, հակամարտության լուծման քիրվայական տարբերակն իշխանական շրջանակներում պաշտպանող չկա: Ասել է թե՝ Սերժ Սարգսյանը մենակ է մնացել:

Տեր-Պետրոսյանը փաստացի բարձրացնում է քիրվայական կամ որ նույնն է՝ կապիտուլյացիայի դրոշակն ու այն ծածանում Սերժ Սարգսյանի գլխավերևում: Վերջինս պետական կառավարման առումով սկզբունքներ չունի և երկու տիպի կոալիցիոն հուշագիր է ստորագրել՝ մեկը ՀՅԴ–ի հետ հրապարակավ, իսկ մյուսը՝ «ներազգային միասնության» շրջանակներում Տեր–Պետրոսյանի հետ: Կախված իրավիճակից՝ նա կարող է ընկնել «հայրենասիրության» և քիրվայականության գիրկը։

ՀՀԿ ղեկավարը կարող է մի կողմից ծովից ծով Հայաստանի մասին հիշել և ծաղիկներ դնել Վուդրո Վիլսոնի գերեզմանին, իսկ մյուս կողմից Կազանում համաձայնել «Լճից լիճ Հայաստան» ծրագրին: Նա կարող է մի կողմից Գյուլի խաթեր անջատել Ծիծեռնակաբերդի լույսերը և Հայոց ցեղասպանության հարցն առևտրի առարկա դարձնող հայ-թուրքական արձանագրություններ ստորագրել, իսկ մյուս կողմից Ծիծեռնակաբերդում սրտաճմլիկ ելույթներ ունենալ:

Սարգսյանը, ի տարբերություն Տեր-Պետրոսյանի, դոկտրինյոր չէ: Նրա համար կարևորն իշխանական աթոռը պահելն է: ՀՀԿ ղեկավարը հիմա հայտնվել է քիրվայական տիրույթում՝ իր իսկ վարած ներքին ու արտաքին քաղաքականության հետևանքով: Այս ամենի արդյունքում սուպերմարգինալ քիրվայական կոդը մղվել է առաջին պլան և դարձել հանրային քննարկման առարկա: Ասել է թե՝ հայաստանակենտրոն ու պետականակենտրոն մոտեցումը, որը պետք է լիներ իշխանական և ոչիշխանական հատվածների միակ ռազմավարական գիծը՝ մարտավարական տարբերություններով հանդերձ, մնացել է անտեր։ Ինչպես որ անտեր են մնացել մեր հաղթանակն ու անկախության գաղափարը։

Քաղաքական պայքարի հայտ ներկայացրած Սեյրան Օհանյանն իր տեսակետը ղարաբաղյան հակամարտության վերաբերյալ ներկայացնելով՝ փաստացի բարձրացրեց պետականակենտրոնության և հայաստանակենտրոնության դրոշակը: Այդ դրոշակի տակ կարող են համախմբվել ինչպես ոչիշխանական դաշտի, այնպես էլ իշխանության ներսում գտնվող առողջ հատվածները, որոնք ճնշող մեծամասնություն են կազմում։

Կորյուն Մանուկյան

Հ.Գ.։ Օհանյանն իր ֆեյսբուքյան էջում անդրադառնալով ղարաբաղյան հակամարտությանը՝ մասնավորապես, նշել էր. «Արցախի հարցը ոչ թե խոչընդոտ է զարգացող ու անվտանգ հայոց պետականություն ունենալու ճանապարհին, այլ ճիշտ հակառակը։ Տեսակետը, թե Հայաստանը չի կարող զարգանալ առանց ղարաբաղյան խնդրի շուտափույթ լուծման, ֆունդամենտալ սխալ է կամ անկեղծ մոլորության հետևանք»։

Սերժ Սարգսյանի քաղաքական ու գաղափարական հենարանը դառնալու հայտ ներկայացրած Լևոն Տեր–Պետրոսյանին այդ գրառումը հնարավորություն էր տվել ինքնադրսևորվելու և Բ26–ի մոտ աչքի ընկնելու։ Սա դիմել էր դեմագոգիային, թե բա՝ եթե Օհանյանը կարծում է, որ Ղարաբաղի հարցը խոչընդոտ չէ Հայաստանի զարգացման ճանապարհին, ապա, ըստ նրա, ստացվում է, որ դա մի բարեբախտություն է, որն ընկել է հայ ժողովրդի գլխին։ Տեր–Պետրոսյանն իր այս եզրահանգումից հետո միանում է ստեփանսաֆարյանների ու սերժական մյուս հաճախորդների բանակին և հայտարարում, որ Օհանյանը քաղաքականության մեջ անելիք չունի (Սերժ Սարգսյանն ունիկալ հատկություն ունի. նա կարողանում է մի ամանի մեջ եփել իրար «փչացնող» շրջանակներին՝ ամեն մեկին իր ֆունկցիան տալով)։

Ցանկացած բանական էակի և, առավել ևս, հայոց լեզվին ու նվազագույն տրամաբանությանը տիրապետող մեկի համար էլ պարզ է, որ եթե գրվում է, որ «Արցախի հարցը ոչ թե խոչընդոտ է զարգացող ու անվտանգ հայոց պետականություն ունենալու ճանապարհին, այլ ճիշտ հակառակը», ապա դա նշանակում է, որ այդ տողերի հեղինակը չի ասում, թե ինչ լավ է, որ ղարաբաղյան հակամարտությունը կա, այլ ասում է, որ Արցախի հարցի առկայությունը խոչընդոտ չէ Հայաստանի զարգացման ճանապարհին։

Պարզ է, որ շատ լավ կլիներ, եթե մենք չունենայինք այդ հակամարտությունը, ՀՀ–ն ու ԼՂՀ–ն անվտանգության խնդիրներ չունենային, Ադրբեջանի ու Թուրքիայի հետ ունենայինք բաց սահմաններ, տարածաշրջանում գտնված լիներ տևական խաղաղության ու բարիդրացիականության բանաձևը, բայց քանի որ հիմա այլ վիճակ է, ուստի չպետք է մոխիր լցնել գլխներիս, բայղուշություն անել և հայտարարել, թե մեր փրկությունը հանձնվելու մեջ է, և մինչև չհանձնվենք, Սերգո ջանը լավ չի ապրի (ի դեպ, Սերգո ջանը լավ էլ ապրում է՝ իր փայը փախցնելով իշխանական կերակրատաշտակից)։ Բայց դե, Սերժ Սարգսյանին սատար կանգնող և Ալիևին քծնող մարգինալներն ուրիշ պատկերացումներ ունեն և այլ խնդիր են լուծում։ Հատկապես որ նախորդի համեմատ փոխվել էր ՀԱԿ համագումարի տեղեկատվական (և ոչ միայն տեղեկատվական) հովանավորը։

Երբ քաղաքական գերեզմանոցից են հայտարարում, թե ում քաղաքական կարիերան ինչպես և երբ է ավարտվելու, պարզապես ծիծաղդ է գալիս։

Հ.Գ.–2։ Որոշ «անկախ» լրատվամիջոցներ Սեյրան Օհանյանի գրառումը ներկայացրել էին որպես պատասխան Լևոն Տեր–Պետրոսյանին։ Այդպիսով փորձ է արվում Սեյրան Օհանյանին իջեցնել Տեր–Պետրոսյանի հետ բանավեճի հարթություն։

Հաշվի առնելով այն մոտեցումը, որը որդեգրել է պաշտպանության նախկին նախարարը, կարող ենք վստահաբար պնդել, որ Ղարաբաղի հարցով նրա մոտեցումները ոչ թե պատասխան էին Լևոն Տեր–Պետրոսյանին կամ տերպետրոսյանական պատկերացումների տիրույթում գործող Սերժ Սարգսյանին, այլ «մեսիջ»՝ ուղղված նախ և առաջ հանրությանը, որին փորձում են կեղծ մոլորության մեջ գցել, թե, իբր, Ղարաբաղն է մեղավոր, որ Հայաստանում թալան է, կոռուպցիա, անարդարություն և այլն։

Օհանյանի գրառման գլխավոր մեխն այն էր, որ Ղարաբաղի հարցը պետք չէ մանիպուլյացիաների առարկա դարձնել և Հայաստանում տիրող իրավիճակը հիմնավորել այդ հակամարտությամբ, որից պետք է շուտափույթ ու ամեն գնով ազատվել՝ հակառակորդից խաղաղություն մուրալու և կապիտուլյացիայի գնալու միջոցով։

Ըստ Օհանյանի՝ հակամարտության կարգավորման բանալին գտնվում է Երևանում ու Ստեփանակերտւմ։ Ասել է թե՝ պետք է ուշադրությունը կենտրոնացնել ներքին կյանքում դրական փոփոխությունների վրա, այլ ոչ թե կեղծ օրակարգեր առաջ քաշել։ Ներսում իրավիճակը փոխելով է միայն հնարավոր զարգացող Հայաստան ունենալ և մեր օգտին լուծել Ղարաբաղի հարցը։

Print Friendly and PDF

Այս խորագրի վերջին նյութերը

«Գովազդային» դադար (տեսանյութ)

«Գովազդային» դադար (տեսանյութ)

Մայիս 06, 2018 10:19 Մինչ հեղափոխական գործընթացում «գովազդային» ընդմիջում է հայտարարված ...
ՀՀԿ-ի գերեզմանափորը

ՀՀԿ-ի գերեզմանափորը

Մայիս 04, 2018 12:50 Սերժ Սարգսյանի մուտքը ՀՀԿ նշանավորվել էր պետական ապարատի ու կիսաքրեական տարրերի «ամուսնությամբ»:
Հասնել ՀՀԿ-ի հեռացմանն ու ՀՀԿ-իզմի վերացմանը

Հասնել ՀՀԿ-ի հեռացմանն ու ՀՀԿ-իզմի վերացմանը

Ապրիլ 30, 2018 11:15 ՀՀԿ-ականները դարձան գլխավոր ծաղրածուներ կամ էլ՝ «Նա անփոխարինելի է» նախադասությունը կրկնող թութակներ:
Հեղափոխական տրամաբանություն

Հեղափոխական տրամաբանություն

Ապրիլ 25, 2018 11:10 Հեղափոխության հաղթանակը ենթադրում է ոչ միայն Սերժ Սարգսյանի, այլ նաև նրա ողջ շրջապատի, այսինքն՝ ՀՀԿ-ի, շմայսերի, սաքուլիկների, գագիկհարությունյանների և մյուս օդիոզ ու «թթված» դեմքերի հեռացում:
Մեկ քայլանի կոմբինացիան ավարտվեց. ՀՀԿ-ն կքվեարկի՞ Նիկոլի օգտին

Մեկ քայլանի կոմբինացիան ավարտվեց. ՀՀԿ-ն կքվեարկի՞ Նիկոլի օգտին

Ապրիլ 24, 2018 11:05 Սերժը գնաց, բայց ՀՀԿ-ն մնաց: Մնաց նաև ապագա իշխանության կոնֆիգուրացիայի հարցը:
Ո՞ր տարբերակը կընտրի Սերժ Սարգսյանը

Ո՞ր տարբերակը կընտրի Սերժ Սարգսյանը

Ապրիլ 23, 2018 15:30 Սերժ Սարգսյանը պետք է հասկանա, որ չհեռանալու տարբերակ չունի: Նա ԴԵՌ ունի ընտրության հնարավորություն՝ հեռանալու ձևի ընտրության հնարավորություն:
Ո՞րն է լինելու հանգուցալուծումը

Ո՞րն է լինելու հանգուցալուծումը

Ապրիլ 21, 2018 15:35 Փաշինյանի ու Սարգսյանի պահանջներն ու նպատակները փոխբացառող են: Չկա հատման կետ: Երկուսն էլ կապիտուլյացիա են առաջարկում դիմացինին:
Սերժ Սարգսյանի ակամա ինքնախոստովանությունը (տեսանյութ)

Սերժ Սարգսյանի ակամա ինքնախոստովանությունը (տեսանյութ)

Ապրիլ 19, 2018 13:25 Սերժ Սարգսյանի խոսքի արժեքը զրոյացել է իր իսկ նախաձեռնությամբ: Բոլոր այն խոստումները, որոնք նա տվել է` իրականացել են հակառակ նշանով:
Կարեն Կարապետյանը չփոխեց, բայց փոխվեց (տեսանյութ)

Կարեն Կարապետյանը չփոխեց, բայց փոխվեց (տեսանյութ)

Ապրիլ 19, 2018 10:00 Ժիլետի և թմբուկի կարիք «լուսավոր» հաճախորդ Էդմոն Մարուքյանի սիրելի Սերժ Սարգսյանն այլևս չունի:
Էդմոնն ու Արամը արդարացրին Սերժ Սարգսյանի հույսերը, բայց ...

Էդմոնն ու Արամը արդարացրին Սերժ Սարգսյանի հույսերը, բայց ...

Ապրիլ 18, 2018 13:05 Երեկ Սերժ Սարգսյանին հաջողվեց կրկեսի վերածել խորհրդարանը (և ոչ միայն երեկ): Ամեն մեկն իր դերակատարումն ուներ:
Սերժ Սարգսյանի պյուռոսյան հաղթանակը

Սերժ Սարգսյանի պյուռոսյան հաղթանակը

Ապրիլ 18, 2018 11:10 Հիմա ՀՀԿ ղեկավարը շատ ավելի վատ հանրային ընկալում ունի, քան նույնիսկ 2008-ի մարտ 1-ի դեպքերից հետո: «Քա՛յլ արա, մերժի՛ր Սերժին»-ը այլևս դարձել է ազգային գաղափար:
Փնտրվում է ՀՀ նախագահ

Փնտրվում է ՀՀ նախագահ

Ապրիլ 15, 2018 19:15 Արմեն Սարգսյանը Էդմոն Մարուքյանի, Արամ Զավենիչի, Շարմազանովի, Բ26-ի հին ու նոր հաճախարդների և մյուս ՀՀԿ-ականների պես անդամագրված է «Մի՛ մերժիր Սերժին, SNICKERS-ի՛ր» նախաձեռնությանը:
«Հասնել և անցնել Ադրբեջանին»

«Հասնել և անցնել Ադրբեջանին»

Ապրիլ 12, 2018 12:15 Քանի՞ մարդ կմնա Հայաստանում ադրբեջանական բարքերի տոտալ տարածման պարագայում:
«Լուսավոր» հաճախորդների կարգախոսը՝ «Մի՛ մերժիր Սերժին»

«Լուսավոր» հաճախորդների կարգախոսը՝ «Մի՛ մերժիր Սերժին»

Ապրիլ 12, 2018 10:30 Հաշվի առնելով այն հանգամանքը, որ Բ26-ի ձեռքի տակ այլևս ուրիշ բան չկա՝ «լուսավոր» հաճախորդներին օգտագործելու են բազմակի անգամ ու առանձնակի դաժանությամբ:
Հովիկ Աբրահամյանի ու Կարեն Կարապետյանի ճակատագրերը

Հովիկ Աբրահամյանի ու Կարեն Կարապետյանի ճակատագրերը

Ապրիլ 11, 2018 15:20 Տարբեր են նրանց հետագծերը, սակայն նույնը՝ վարչապետությունից հեռացման ճանապարհը:
Սերժ Սարգսյանը հայտնվում է «առաջին գծում»

Սերժ Սարգսյանը հայտնվում է «առաջին գծում»

Ապրիլ 11, 2018 11:35 Մենք հիմա վտանգավոր փուլ ենք մտնում: Վտանգավոր ինչպես անձամբ Սերժ Սարգսյանի, այնպես էլ Հայաստանի համար:
Կարեն Կարապետյանը գնաց ամենավատ տարբերակով. ափսո՞ս էր տղան

Կարեն Կարապետյանը գնաց ամենավատ տարբերակով. ափսո՞ս էր տղան

Ապրիլ 10, 2018 12:15 Կարեն Կարապետյանը փաստացի կրկնեց Շարմազանովի ու մյուս օդիոզների ձևակերպումը, ըստ որի՝ Սերժ Սարգսյանն անփոխարինելի է:
Մեծ թատրոնը, «ֆեյք» նախագահը և Սերժ Սարգսյանի վրեժը

Մեծ թատրոնը, «ֆեյք» նախագահը և Սերժ Սարգսյանի վրեժը

Ապրիլ 10, 2018 10:50 Սերժ Սարգսյանի համար հոգեհարազատ է ամեն ապաքաղաքականը՝ «հավելումով», որ քաղաքականությամբ պետք է միայն ինքը զբաղվի:
Ինչպես Սերժ Սարգսյանը սրբացավ Գեղամյանի համար (տեսանյութ)

Ինչպես Սերժ Սարգսյանը սրբացավ Գեղամյանի համար (տեսանյութ)

Ապրիլ 09, 2018 19:50 Ֆեյք նախագահ նշանակված Արմեն Սարգսյանի երդման շոուից հետո երբեմնի ընդդիմադիր, շատ թունդ ընդդիմադիր Արտաշես Գեղամյանը հայտարարել է, որ այս օրը սուրբ է:
Մեգախոստումների և մեգաձախողումների 10-ամյակ

Մեգախոստումների և մեգաձախողումների 10-ամյակ

Ապրիլ 09, 2018 11:05 2030-ի և 2040-ի մասով Սերժ Սարգսյանի ասածները պետք է ընկալել որպես լրջագույն մարտահրավերներ: Կդիմանա՞ Հայաստանը: