Քաղաքական

Դեկտեմբեր 30, 2016 21:37

Սեյրան Օհանյանի ամանորյա ուղերձը (տեսանյութ)

Սեյրան Օհանյանի ամանորյա ուղերձը (տեսանյութ)

ՀՀ ՊՆ նախկին նախարար Սեյրան Օհանյանը ֆեյսբուքյան իր էջում ամանորյա ուղերձ է հղել, որում ասվում է․

Սիրելի՛ հայրենակիցներ, մարտական, զինակից և գաղափարակից ընկերներ

Ավարտին է մոտենում 2016 թվականը՝ լի դժվարին փորձություններով և ծանր դառնություների գնով ձեռք բերված թանկ հաղթանակներով: Վտանգի պահին մենք ականատես եղանք համազգային միավորման ու վերելքի և բռունցք դարձած գոտեպնդվելով՝ անառիկ պահեցինք այն հողը, որ քանիցս ներկվել է մեր մարտական ընկերների, մեր որդիների տաք արյունով:

Ազատամարտի առաջին օրից մինչև այսօր հանուն հայրենիքի նահատակված քա՛ջ հայորդիներ, մտովի թվարկելով և սրտումս ունենալով ձեր անունները՝ խոնարհվում եմ ձեր պայծառ հիշատակի առաջ: Մենք պատասխանատվություն ենք կրում ձեր կյանքով փրկագնված ամեն մի թիզ հողի համար: Այսօր սահմանին կանգնած ձեր ընկերները շարունակում են ձեր սրբազան գործը:

Սիրելի՛ զինակից ընկերներ՝ սահմանին կանգնած սպաներ ու զինվորներ, մեր բոլորի սրտերը, հույզերը, մտքերը ձեզ հետ են: Ու թեև դուք չեք բարձրաձայնում ձեր խիզախության, ամենօրյա սխրանքների մասին, սակայն ես լավ գիտեմ՝ ինչպիսի դժվարությամբ, բայց նաև շատ բարձր պատասխանատվությամբ եք կատարում ձեր ծառայությունը՝ լուռ և հպարտ պահպանելով մեր Հայրենիքի անառիկությունը, հսկելով մեր ընտանիքների, ծնողների և երեխաների անվտանգությունը:

Օրեր անց մենք կթևակոխենք 2017 թվական: Ինձ համար սպասելիքները և ծրագրերը հստակորեն ուրվագծված են: Հայաստանի տնտեսությունը կարիք ունի արմատական բարեփոխումների, քաղաքական հարաբերությունները՝ որակական նոր մակարդակի բարձրացման և կառուցողական վերադասավորումների, անվտանգության համակարգը՝ առավել հզորացման: Այս ամենին զուգահեռ՝ արդարության առավելագույնս հաստատումը վստահության ալիք կառաջացնի մեր հասարակության շրջանում:

Մի քանի ամիս հետո տեղի են ունենալու խորհրդարանական ընտրություններ, որոնց դերն ու նշանակությունը մեծապես տարբերվում են նախորդ ընտրություններից. մեզ սպասվում են նախագահականին հավասարազոր ընտրություններ, որոնց արդյունքում ձևավորվելու է ինչպես օրենսդիր, այնպես էլ գործադիր իշխանությունը:

Կարևոր է գիտակցել, որ յուրաքանչյուրիս քվեից է կախված մեր պետության հետագա ընթացքը: Յուրաքանչյուրիս քվեից է կախված՝ կզարգանա՞ տնտեսությունը, թե կշարունակի դոփել նույն տեղում, կվերականգնվի՞ արդարությունը, մեր հայրենակիցների ընտանքիները կմնա՞ն Հայրենիքում, թե կբռնեն արտագաղթի ճանապարհը: Եվ ի վերջո, հակառակորդը կգնա՞ ռազմական արկածախնդրության, թե կընտրի խաղաղ կարգավորման ճանապարհը:

Եկել է իրական գործողությունների, իրական արդյունքների և ձեռքբերումների ժամանակը: Պետք են նոր լուծումներ, նոր համարձակ քայլեր: Մենք հապաղելու ժամանակ և իրավունք չունենք: Հզոր և արարող ժողովուրդ լինելով՝ 10-միլիոնանոց համաշխարհային հայկական հանրությունը պետք է ունենա միասնական նպատակներ, և ողջ հայության համատեղ ուժերով զարգացնի Հայաստանն ու Արցախը:

Սիրելի՛ հայրենակիցներ, եկե՛ք Ամանորի գիշերը, երբ կղողանջեն ժամացույցի զանգերը՝ ավետելով նոր տարվա սկիզբը, բոլորս Հայաստանում, Արցախում և Սփյուռքում բաժակ բարձրացնենք մեր ստեղծագործող և հողը շենացնող ժողովրդի համար, մեր հերոսական բանակի համար: Մաղթենք, որ գալիք տարում հայ ժողովուրդը ընթանա համազգային երազանքների իրականացման ճանապարհով՝ ավելի հզոր ու անառիկ դարձնելով մեր պապենական ամրոցները՝ Հայաստանն ու Արցախը:

Թող սերը, ջերմությունը, խաղաղ արարումի բերկրանքը չլքեն մեզ: Եվ հավատով տոկուն լինենք՝ պատրաստ միասին կերտելու մեր անվտանգ, զարգացող և հզոր հայրենիքը:

Շնորհավոր Ամանոր և Սուրբ Ծնունդ

Print Friendly and PDF

Այս խորագրի վերջին նյութերը

Կայացել է Հայաստանի և Ադրբեջանի արտգործնախարարների հանդիպումը

Կայացել է Հայաստանի և Ադրբեջանի արտգործնախարարների հանդիպումը

Սեպտեմբեր 24, 2017 08:50 Քննարկվել են առաջիկայում Սերժ Սարգսյանի և Իլհամ Ալիևի հանդիպման կազմակերպման հետ կապված հարցեր։
Աղմկահարույց զարգացումներ․ դատարանում փլուզվում է «Իգլա»-ի «կարված» գործը (տեսանյութ)

Աղմկահարույց զարգացումներ․ դատարանում փլուզվում է «Իգլա»-ի «կարված» գործը (տեսանյութ)

Սեպտեմբեր 23, 2017 21:29 Աշոտ Շուշանյանը հայտարարել է՝ իր նախաքննական ցուցմունքը գրել է քննիչի ճնշումներով ու թելադրանքով։
Այսօր Սամվել Բաբայանի գործով դատական նիստն է շարունակվել

Այսօր Սամվել Բաբայանի գործով դատական նիստն է շարունակվել

Սեպտեմբեր 23, 2017 15:48 Հարցաքննվել են գործով անցնող վկաները։
Սերժ Սարգսյանը շնորհավորական հեռագիր է հղել Շուշան Պետրոսյանին

Սերժ Սարգսյանը շնորհավորական հեռագիր է հղել Շուշան Պետրոսյանին

Սեպտեմբեր 23, 2017 10:31 Ծննդյան տարեդարձի առթիվ։
Էդվարդ Նալբանդյանը հանդիպել է Մինսկի խմբի համանախագահների հետ

Էդվարդ Նալբանդյանը հանդիպել է Մինսկի խմբի համանախագահների հետ

Սեպտեմբեր 23, 2017 10:02 Հանդիպմանը ներկա է եղել նաև Կասպշիկը:
Միայն ժողովրդավար Թուրքիան կարող է ճանաչել Ցեղասպանությունը. Գարո Փայլան

Միայն ժողովրդավար Թուրքիան կարող է ճանաչել Ցեղասպանությունը. Գարո Փայլան

Սեպտեմբեր 22, 2017 15:30 Ձայն բարձրացնում են միայն ազգայնականները։
Թիլերսոնը շնորհավորել է Հայաստանի անկախության 26-ամյակը

Թիլերսոնը շնորհավորել է Հայաստանի անկախության 26-ամյակը

Սեպտեմբեր 22, 2017 13:49 Հանձնառու ենք Հայաստանում ժողովրդավարության առաջընթացին։
Էդվարդ Նալբանդյանը հանդիպել է Սերգեյ Լավրովի հետ

Էդվարդ Նալբանդյանը հանդիպել է Սերգեյ Լավրովի հետ

Սեպտեմբեր 22, 2017 13:20 Անդրադարձել են հայ-ռուսական հարաբերությունների օրակարգային հարցերի։
Հայաստանի արտգործնախարարը հանդիպել է ԱՄՆ պետքարտուղարի տեղակալին (տեսանյութ)

Հայաստանի արտգործնախարարը հանդիպել է ԱՄՆ պետքարտուղարի տեղակալին (տեսանյութ)

Սեպտեմբեր 21, 2017 17:36 Մտքեր են փոխանակվել տարածաշրջանային խնդիրների շուրջ։
Վլադիմիր Պուտինը շնորհավորել է Սերժ Սարգսյանին

Վլադիմիր Պուտինը շնորհավորել է Սերժ Սարգսյանին

Սեպտեմբեր 21, 2017 13:26 Հայաստանի անկախության տոնի առթիվ։
Լեռնային Ղարաբաղը պետք է բանակցությունների սեղանի շուրջ վերադառնա. Կարեն Միրզոյան

Լեռնային Ղարաբաղը պետք է բանակցությունների սեղանի շուրջ վերադառնա. Կարեն Միրզոյան

Սեպտեմբեր 21, 2017 11:55 Կոչ է արել Էդվարդ Նալբանդյանի հայտարարություններից հեռու գնացող եզրակացություններ չանել:
Հայաստանի Հանրապետությունը 26 տարեկան է

Հայաստանի Հանրապետությունը 26 տարեկան է

Սեպտեմբեր 21, 2017 07:11 ՀՀ ԳԽ որոշմամբ՝ 1991թ. հանրաքվե անցկացվեց ԽՍՀՄ կազմից դուրս գալու և անկախ պետականություն հաստատելու մասին։
ՀՀ ԱԳՆ․ Նյու Յորքում նախատեսված է Էդվարդ Նալբանդյանի հանդիպումը Էլմար Մամեդյարովի հետ

ՀՀ ԱԳՆ․ Նյու Յորքում նախատեսված է Էդվարդ Նալբանդյանի հանդիպումը Էլմար Մամեդյարովի հետ

Սեպտեմբեր 20, 2017 10:08 ՀՀ ԱԳ նախարարը կհանդիպի նաև ԵԱՀԿ Մինսկի խմբի համանախագահներին։
Ոչ մեկը ոչ մեկին տարածք չի տալիս. Շավարշ Քոչարյանը մեկնաբանել է Նալբանդյանի հայտարարությունը

Ոչ մեկը ոչ մեկին տարածք չի տալիս. Շավարշ Քոչարյանը մեկնաբանել է Նալբանդյանի հայտարարությունը

Սեպտեմբեր 19, 2017 22:26 Ներկայացրել է այն, ինչ-որ բազմիցս հրապարակվել է։
Նալբանդյանն ու Մամեդյարովը կհանդիպեն սեպտեմբերի 23-ին՝ Նյու Յորքում․ «Ինտերֆաքս»

Նալբանդյանն ու Մամեդյարովը կհանդիպեն սեպտեմբերի 23-ին՝ Նյու Յորքում․ «Ինտերֆաքս»

Սեպտեմբեր 19, 2017 22:14 Սարգսյանի և Ալիևի հնարավոր հանդիպման մասին տեղեկություններ չկան: