Կարծիք

Հունվար 09, 2017 14:55

«Թասիբ պահող» անթասիբները

«Թասիբ պահող» անթասիբները
Ամանորյա տոներին համացանցում ամենաքննարկված թեման դարձավ այս լուսանկարը, որը հրապարակվել էր «Մարաշլեան ֆոտո ատելիեի» ֆեյսբուքյան էջում և հետագայում հեռացվել էջից ցենզուրայից դուրս ու բացահայտ ռասիստական բնույթ կրող մեկնաբանությունների պատճառով: Այս թեմայով գրվեցին բազում ստատուսներ, հոդվածներ, սակայն այս պատմության մեջ ինձ այլ բան է հետաքրքրում...

Հայ ազգի «թասիբը պահող» ֆեյսբուքյան ռեմբոներն ինչո՞ւ նույն ագրեսիայով և զայրույթով չեն արձագանքում, օրինակ, նրան, որ մեր երկրի արտաքին պարտքն արդեն գրեթե 6 միլիարդ է: Ինչո՞ւ ազգի «թասիբը պահողները» նույն ագրեսիայով չեն ընդունում այն, որ մենք 2016թ.-ին կորցրեցինք 800 հեկտար տարածք, իսկ այդ 800 հեկտար «ամայի և չօգտագործվող» տարածքները պահելու համար իր կյանքը զոհաբերեց 104 զինվոր: Ինչո՞ւ այս թեմաները նման զայրույթ չեն առաջացնում ու չեն վերածվում քայլերի իրական կյանքում, բայց դրա փոխարեն հայուհու նկարն այլ ազգի և այլ ռասսայի ներկայացուցչի հետ նման բուռն արձագանքի է արժանանում:

Հետաքրքիր է, չէ՞, մարդիկ պատրաստ են հանդուրժել այն, որ օրը ցերեկով իրենցից 12 հազար դրամ են քերթում կարմիր գծերի վրա կանգնելու համար, բայց սա չեն հանդուրժում: Մարդիկ հանդուրժում են այն, որ շատերը ճարահատյալ լքում են երկիրը, բայց մեկ լուսանկար չեն հանդուրժում:

Ասեմ, որ այս պատմության մեջ ինձ համար այնքան էլ միանշանակ դրական չեն ընկալվում նաև նրանք, ովքեր լուսանկարի հրապարակումից հետո սկսեցին էնտուզիազմով վիճել նրանց հետ, ովքեր բացասական մեկնաբանություններ էին գրում:

Ժողովո՛ւրդ, իհարկե, լավ է, որ դուք լայնախոհ եք, բայց ինձ թվում է, որ մեր երկրում կան շատ այլ հարցեր, որոնք ավելի կարևոր են, քան մի քանի հիստերիկ ռասիստների մեկնաբանությունները:

Ձեր զգալի մասն իր հերթին պատրաստ է բարի լինել «Ֆեյսբուքում», բայց պատրաստ չէ իրական կյանքում կռիվ տալ այն իրական խնդիրների դեմ, որոնք կան մեր երկրում: Դուք անգամ ձևի համար մեկ միտինգի չեք գա. ձեզանից շատերն ընտրություններին կա՛մ չեն մասնակցի՝ ասելով թե «սաղ արդեն որոշված է», կա՛մ սուսուփուս 10 հազարով ձեր ձայնը կվաճառեք:

Մի կողմից էլ սա հասկանալի է. ընտրակեղծիքների, բյուջեի թալանի դեմ պայքարը լուրջ ու դաժան գործ է, իսկ «Ֆեյսբուքում» ստատուս գրելը լուսանկարի մասին՝ շատ ավելի պարզ ու դյուրին. այստեղ շատ մտածել պետք չի, դրա համար էլ դուք ձեր երկրի խնդիրները թողած՝ լծվել եք «ազգի թասիբը պահելու» հարցի լուծմանը:

Կարծում եմ, որ մենք միանշանակ ունենք ավելի լուրջ խնդիրներ, քան ռասիստներին արձագանքելը, և շատ ավելի լավ կլինի, եթե կենտրոնանանք այդ գործի վրա:
Արմեն Միքայելյանի ֆեյսբուքյան էջից
Print Friendly and PDF

Այս խորագրի վերջին նյութերը

Հայաստանում քաղտեխնոլոգիան ռեկոպալի մակարդակի է

Հայաստանում քաղտեխնոլոգիան ռեկոպալի մակարդակի է

Օգոստոս 21, 2017 14:17 Ինչի՞ համար ես այդպես հիացական օդաներ գրում։
Դրամապանակը գտնողի համար երկու հազար դրամը, ուրեմն, այնքա՜ն մեծ գումար է

Դրամապանակը գտնողի համար երկու հազար դրամը, ուրեմն, այնքա՜ն մեծ գումար է

Օգոստոս 21, 2017 08:47 Չի ցանկացել վարորդին ասել իր գտած «գանձի» մասին:
Մեր երկիրը նմանվել է այն տանը, որի անհեռատես ու փնթի տանտերերը ոչ ադեկվատ ծախսեր են արել

Մեր երկիրը նմանվել է այն տանը, որի անհեռատես ու փնթի տանտերերը ոչ ադեկվատ ծախսեր են արել

Օգոստոս 19, 2017 00:05 Առանց հաշվելու ընտանեկան բյուջեի հնարավորությունները։
«Սաղ պարերը պարել էինք, մնացել էր Շանդա-լոլոն»

«Սաղ պարերը պարել էինք, մնացել էր Շանդա-լոլոն»

Օգոստոս 19, 2017 00:00 Բա էս ամենը կրկես չի, ի՞նչ է...
Հիմա էլ նոր արգումենտ են մտածել, որը հնից ավելի անհեթեթ է

Հիմա էլ նոր արգումենտ են մտածել, որը հնից ավելի անհեթեթ է

Օգոստոս 18, 2017 08:24 ՀՀԿ-ականների մտքերն ու գոյություն ունեցող փաստերը՝ խոր հակասության մեջ:
ՀՀ պետական պարտքը մարտից այս կողմ

ՀՀ պետական պարտքը մարտից այս կողմ

Օգոստոս 18, 2017 00:22 4 ամսում 200 մլն դոլարից ավելի պարտք է ավելացել:
Հեչ լավ չստացվեց․ հիմա հրատապ է դարձել անտառների անունները փոխելը

Հեչ լավ չստացվեց․ հիմա հրատապ է դարձել անտառների անունները փոխելը

Օգոստոս 17, 2017 09:15 «Անծառ անտառ», «Սև մոխիր անտառ», «Պաժար-բլուր»։
Արարատը մեր լեռն է արտահայտությունից հետո կարելի է միայն լացել

Արարատը մեր լեռն է արտահայտությունից հետո կարելի է միայն լացել

Օգոստոս 16, 2017 15:19 Որպես անզորության արտահայտություն։
Այս կրակի «հիմքերը» նոր չեն դրվել, այլ տարիներ առաջ

Այս կրակի «հիմքերը» նոր չեն դրվել, այլ տարիներ առաջ

Օգոստոս 16, 2017 15:06 Չէր կարող չանդրադառնալ Հայաստանի կլիմայի վրա:
Ցուցարար ջրելու համար ջրցան կա, բայց կրակ հանգցնելու համար չկա

Ցուցարար ջրելու համար ջրցան կա, բայց կրակ հանգցնելու համար չկա

Օգոստոս 16, 2017 00:31 Ոստիկանների զենքն ու զինամթերքը գերժամանակակից է։
Հայաստանում կենդանիներն ավելի բիթի են, քան մարդիկ

Հայաստանում կենդանիներն ավելի բիթի են, քան մարդիկ

Օգոստոս 16, 2017 00:00 Այլապես իրենց ավելի հավասար համարող «կենդանիները» կփախչեին։
Մենք ապրում ենք մարդկության պատմության ամենահետաքրքիր ժամանակաշրջանը

Մենք ապրում ենք մարդկության պատմության ամենահետաքրքիր ժամանակաշրջանը

Օգոստոս 15, 2017 00:09 Այսքան մեծ հնարավորություններ չեն եղել։
Երևի, ռազմահայրենասիրական «տրանսի» մեջ հայտնվելու հրահանգ դեռ չեն ստացել

Երևի, ռազմահայրենասիրական «տրանսի» մեջ հայտնվելու հրահանգ դեռ չեն ստացել

Օգոստոս 15, 2017 00:00 Որ վազեն դեպի «Խոսրովի արգելոց» ու սելֆի անեն։
Եթե մի բան կարելի էր անել երեք օր առաջ, ինչո՞ւ է արվում երեք օր ուշացումով

Եթե մի բան կարելի էր անել երեք օր առաջ, ինչո՞ւ է արվում երեք օր ուշացումով

Օգոստոս 14, 2017 17:36 Ամոթ բան չկա նման դեպքերում օգնության դիմել:
Աշխարհի ամենատոտալիտար դիկտատուրան Հյուսիսային Կորեայում է

Աշխարհի ամենատոտալիտար դիկտատուրան Հյուսիսային Կորեայում է

Օգոստոս 14, 2017 00:02 Այնտեղ ֆորմալ պետական կառավարման ձևը պառլամենտական է։
Էդ «չենջդ» ցույց ես տալիս, որ ի՞նչ

Էդ «չենջդ» ցույց ես տալիս, որ ի՞նչ

Օգոստոս 14, 2017 00:00 Գովազդվող բարեգործությունը ցուցք է, սնափառության դրևորում։
Ձեր, միայն ձե՛ր որսատեղն է, էդ էլ չեք կարողանում փրկե՞լ

Ձեր, միայն ձե՛ր որսատեղն է, էդ էլ չեք կարողանում փրկե՞լ

Օգոստոս 13, 2017 17:46 Կա՞ մի խնդիր, որն ի վիճակի եք լուծել։
Իրենց քաղաքական չկայացվածությունը գաղափարական կեղծ շղարշով են թաքցնում

Իրենց քաղաքական չկայացվածությունը գաղափարական կեղծ շղարշով են թաքցնում

Օգոստոս 13, 2017 00:00 Սովետական Հայաստանը ոսկե շրջաններից է եղել։
Սովետի ժամանակ մի տարածված պատմություն կար

Սովետի ժամանակ մի տարածված պատմություն կար

Օգոստոս 12, 2017 14:56 Տեսնո՞ւմ եք՝ որքա՜ն ազատ, ժողովրդավարական երկրում եք ապրում: