Քաղաքական

Հունվար 11, 2017 13:47

ԼՀԿ–ն, ԲՀԿ–ն և ՀՎԿ–ն ստորագրել են Վանաձորի ավագանու լիազորությունները վաղաժամկետ դադարեցնելու առաջարկը

ԼՀԿ–ն, ԲՀԿ–ն և ՀՎԿ–ն  ստորագրել են Վանաձորի ավագանու լիազորությունները վաղաժամկետ դադարեցնելու առաջարկը

Քիչ առաջ «Լուսավոր Հայաստան», «Բարգավաճ Հայաստան» և «Հայկական վերածնունդ» կուսակցությունների ղեկավարության կողմից ստորագրվել է Վանաձոր քաղաքի ավագանու լիազորությունները վաղաժամկետ դադարեցնելու վերաբերյալ կառավարությանն ուղղված առաջարկը: Փաստաթուղթը կրում է ինչպես իրավական, այնպես էլ քաղաքական բնույթ և հիմնավորումներ:

Իրավական մասով հիմնավորվում է, որ խախտվում են տեղական ինքնակառավարման վերաբերյալ սահմանադրական նորմերը՝ մասնավորապես Վանաձոր համայնքի տեղական ինքնակառավարման իրավունքն ու հնարավորությունը, ինչպես նաև ավագանու աշնանային նստաշրջանը չկայանալու արդյունքում կառավարությունը «Տեղական ինքնակառավարման մասին» ՀՀ օրենքով սահմանված կարգով լիազորված է վաղաժամկետ դադարեցնելու համայնքի ավագանու լիազորություններն ու միաժամանակ նշանակել նոր ընտրություն:

Ինչ վերաբերում է քաղաքական մասին, ապա այստեղ կարևոր է, որ ստեղծված իրավիճակն առաջացել է ոչ թե որևէ ժամանակավոր խնդրի պատճառով, որի չլուծված լինելը խոչընդոտել է նիստերի գումարմանը, այլ այն պայմանավորված է քաղաքական հայացքների և սկզբունքների խորը տարբերությամբ, որն ակնհայտ է, որ չի կարող շտկվել նաև առաջիկա 3 ամիսների ընթացքում։ Այսպիսով՝ կառավարությանն առաջարկվում է վաղաժամկետ դադարեցնել Վանաձոր քաղաքի գործող ավագանու լիազորությունները և նշանակել ավագանու արտահերթ ընտրություններ:

«Լուսավոր Հայաստան» կուսակցության լրատվական ծառայություն

11 հունվարի 2017թ.

Հայաստանի Հանրապետության վարչապետ ԿԱՐԵՆ ԿԱՐԱՊԵՏՅԱՆԻՆ

Հարգելի՛ պարոն Կարապետյան,

Հայաստանի Հանրապետության Սահմանադրության (այսուհետ՝ «Սահմանադրություն») 9-րդ հոդվածի ուժով՝ Հայաստանի Հանրապետությունում երաշխավորվում է տեղական ինքնակառավարումը` որպես ժողովրդավարության էական հիմքերից մեկը: Սահմանադրության 179-րդ հոդվածի 1-ին մասով՝ տեղական ինքնակառավարումը տեղական ինքնակառավարման մարմինների իրավունքն ու կարողությունն է՝ համայնքի բնակիչների շահերից ելնելով, Սահմանադրությանը և օրենքներին համապատասխան, սեփական պատասխանատվությամբ լուծելու համայնքային նշանակության հանրային հարցերը: «Տեղական ինքնակառավարման մասին» Հայաստանի Հանրապետության 2002 թվականի մայիսի 07-ի ՀՕ-337 օրենքի (այսուհետ՝ «Օրենք») 69-րդ հոդվածի 1-ին մասի 1-ին կետի համաձայն՝ Հայաստանի Հանրապետության կառավարությունը կարող է վաղաժամկետ դադարեցնել ավագանու լիազորությունները, եթե հերթական նստաշրջանի ընթացքում ավագանու նիստերը երեք ամսից ավելի չեն գումարվում (միևնույն կարգավորումն է նախատեսվում նաև նախկին խմբագրությամբ օրենքի 21.1-ին հոդվածի 1-ին մասի 1-ին կետով): Նույն հոդվածի 3-րդ կետի համաձայն՝ ավագանու լիազորությունները վաղաժամկետ դադարեցնելու մասին որոշման հետ միաժամանակ Հայաստանի Հանրապետության կառավարությունը նշանակում է ավագանու արտահերթ ընտրություններ (նախկին խմբագրությամբ՝ 21.1-ին հոդվածի 3-րդ մաս): Ըստ Օրենքի 62-րդ հոդվածի 1-ին մասի՝ ավագանու հերթական նստաշրջանները գումարվում են փետրվարի երկրորդ երեքշաբթի օրվանից մինչև հունիսի վերջին չորեքշաբթին և սեպտեմբերի երկրորդ երեքշաբթի օրվանից մինչև դեկտեմբերի վերջին չորեքշաբթին: Նստաշրջանի ընթացքում յուրաքանչյուր ամիս հրավիրվում է ավագանու առնվազն մեկ նիստ: Տվյալ պարագայում Վանաձոր քաղաքում 2016 թվականի հոկտեմբերի 10-ին կայացած համայնքի ղեկավարի ընտրությունից ի վեր որևէ անգամ ավագանու ինչպես հերթական, այնպես էլ արտահերթ նիստ չի գումարվել, քանի որ համայնքի ղեկավարը վայելում է 33 ավագանու անդամներից միայն 15-ի վստահությունը՝ «Հանրապետական» (13) և «Հայ Հեղափոխական Դաշնակցություն» (2) խմբակցություններից: Այսինքն, համայնքի ղեկավարը չունի քաղաքական մեծամասնություն, ինչն անհրաժեշտ նախապայման է Երևան, Գյումրի և Վանաձոր քաղաքներում տեղական ինքնակառավարման գործող օրենքով սահմանված առանձնահատկություններից ելնելով։ Այսպիսով, քաղաքական մեծամասնություն չունեցող քաղաքապետն անհամատեղելի է ավագանու մեծամասնության հետ և ըստ այդմ փաստացի անգործունակ, ինչի հետևանքով պարբերաբար՝ առնվազն ամիսը 1 անգամ խախտվում է Օրենքի 62-րդ հոդվածի 1-ին մասը, ինչպես նաև համայնքի տեղական ինքնակառավարման իրավունքը՝ իր հետ բերելով միայն բացասական հետևանքներ: Փաստն այն է, որ ստեղծված իրավիճակն առաջացել է ոչ թե որևէ ժամանակավոր խնդրի պատճառով, որի չլուծված լինելը խոչընդոտել է նիստերի գումարմանը, այլ պայմանավորված է քաղաքական հայացքներով և սկզբունքներով, որոնք չեն կարող վերանայվել նաև առաջիկա 3 ամիսների ընթացքում։ Կառավարման ստեղծված ճգնաժամային իրավիճակը հանգուցալուծելու երկու տարբերակ կա՝ առաջին ելքը համայնքի ղեկավարի հրաժարականն է, սակայն վերջինս հայտարարում է, որ հրաժարական չի տալու։ Միակ լուծումը մնում է կառավարության կողմից ավագանու լիազորությունների վաղաժամկետ դադարեցումը: Հաշվի առնելով վերոշարադրյալը և հիմք ընդունելով Սահմանադրության 2-րդ և 9-րդ հոդվածները՝ Հայաստանի Հանրապետության կառավարությանն առաջարկում ենք իրականացնել «Տեղական ինքնակառավարման մասին» Հայաստանի Հանրապետության օրենքի 69-րդ հոդվածի 1-ին մասի 1-ին կետով և 3-րդ մասով իրեն վերապահված լիազորությունները, մասնավորապես՝ վաղաժամկետ դադարեցնել Վանաձոր քաղաքի գործող ավագանու լիազորությունները և միաժամանակ նշանակել ավագանու արտահերթ ընտրություններ:

«Լուսավոր Հայաստան» կուսակցության խորհրդի նախագահ ԷԴՄՈՆ ՄԱՐՈւՔՅԱՆ

«Բարգավաճ Հայաստան» կուսակցության նախագահ ՆԱԻՐԱ ԶՈՀՐԱԲՅԱՆ

«Հայկական վերածնունդ» կուսակցության փոխնախագահ ՄՀԵՐ ՇԱՀԳԵԼԴՅԱՆ

Print Friendly and PDF

Այս խորագրի վերջին նյութերը

Թիլերսոնը շնորհավորել է Հայաստանի անկախության 26-ամյակը

Թիլերսոնը շնորհավորել է Հայաստանի անկախության 26-ամյակը

Սեպտեմբեր 22, 2017 13:49 Հանձնառու ենք Հայաստանում ժողովրդավարության առաջընթացին։
Էդվարդ Նալբանդյանը հանդիպել է Սերգեյ Լավրովի հետ

Էդվարդ Նալբանդյանը հանդիպել է Սերգեյ Լավրովի հետ

Սեպտեմբեր 22, 2017 13:20 Անդրադարձել են հայ-ռուսական հարաբերությունների օրակարգային հարցերի։
Հայաստանի արտգործնախարարը հանդիպել է ԱՄՆ պետքարտուղարի տեղակալին (տեսանյութ)

Հայաստանի արտգործնախարարը հանդիպել է ԱՄՆ պետքարտուղարի տեղակալին (տեսանյութ)

Սեպտեմբեր 21, 2017 17:36 Մտքեր են փոխանակվել տարածաշրջանային խնդիրների շուրջ։
Վլադիմիր Պուտինը շնորհավորել է Սերժ Սարգսյանին

Վլադիմիր Պուտինը շնորհավորել է Սերժ Սարգսյանին

Սեպտեմբեր 21, 2017 13:26 Հայաստանի անկախության տոնի առթիվ։
Լեռնային Ղարաբաղը պետք է բանակցությունների սեղանի շուրջ վերադառնա. Կարեն Միրզոյան

Լեռնային Ղարաբաղը պետք է բանակցությունների սեղանի շուրջ վերադառնա. Կարեն Միրզոյան

Սեպտեմբեր 21, 2017 11:55 Կոչ է արել Էդվարդ Նալբանդյանի հայտարարություններից հեռու գնացող եզրակացություններ չանել:
Հայաստանի Հանրապետությունը 26 տարեկան է

Հայաստանի Հանրապետությունը 26 տարեկան է

Սեպտեմբեր 21, 2017 07:11 ՀՀ ԳԽ որոշմամբ՝ 1991թ. հանրաքվե անցկացվեց ԽՍՀՄ կազմից դուրս գալու և անկախ պետականություն հաստատելու մասին։
ՀՀ ԱԳՆ․ Նյու Յորքում նախատեսված է Էդվարդ Նալբանդյանի հանդիպումը Էլմար Մամեդյարովի հետ

ՀՀ ԱԳՆ․ Նյու Յորքում նախատեսված է Էդվարդ Նալբանդյանի հանդիպումը Էլմար Մամեդյարովի հետ

Սեպտեմբեր 20, 2017 10:08 ՀՀ ԱԳ նախարարը կհանդիպի նաև ԵԱՀԿ Մինսկի խմբի համանախագահներին։
Ոչ մեկը ոչ մեկին տարածք չի տալիս. Շավարշ Քոչարյանը մեկնաբանել է Նալբանդյանի հայտարարությունը

Ոչ մեկը ոչ մեկին տարածք չի տալիս. Շավարշ Քոչարյանը մեկնաբանել է Նալբանդյանի հայտարարությունը

Սեպտեմբեր 19, 2017 22:26 Ներկայացրել է այն, ինչ-որ բազմիցս հրապարակվել է։
Նալբանդյանն ու Մամեդյարովը կհանդիպեն սեպտեմբերի 23-ին՝ Նյու Յորքում․ «Ինտերֆաքս»

Նալբանդյանն ու Մամեդյարովը կհանդիպեն սեպտեմբերի 23-ին՝ Նյու Յորքում․ «Ինտերֆաքս»

Սեպտեմբեր 19, 2017 22:14 Սարգսյանի և Ալիևի հնարավոր հանդիպման մասին տեղեկություններ չկան:
Անդրիաս Ղուկասյանի գործով այսօրվա դատական նիստը հետաձգվեց

Անդրիաս Ղուկասյանի գործով այսօրվա դատական նիստը հետաձգվեց

Սեպտեմբեր 19, 2017 15:33 Պաշտպանները չէին ներկայացել դատարան:
Բերման են ենթարկվել Կարո Եղնուկյանի կինն ու դուստրերը

Բերման են ենթարկվել Կարո Եղնուկյանի կինն ու դուստրերը

Սեպտեմբեր 19, 2017 12:18 Հանրապետության հրապարակից։
Սփյուռքահայերից ոմանք անիրագործելի են համարում «4 միլիոնանոց Հայաստան» ծրագիրը

Սփյուռքահայերից ոմանք անիրագործելի են համարում «4 միլիոնանոց Հայաստան» ծրագիրը

Սեպտեմբեր 19, 2017 09:33 Հավակնոտ ծրագրերից առաջ նախ պետք է մտածել սոցիալ-տնտեսական իրավիճակը բարելավելու մասին։
Արամ առաջին․ Հայաստանը պարպվում է, իսկ Սփյուռքը՝ մաշվում

Արամ առաջին․ Հայաստանը պարպվում է, իսկ Սփյուռքը՝ մաշվում

Սեպտեմբեր 19, 2017 00:28 Այս վտանգալից իրականության դիմաց պատահական նախաձեռնությունները չեն կարող մեր տագնապները լուծել և վերքերը դարմանել։
Սերժ Սարգսյանն աշխատանքային այցով մեկնել է ԱՄՆ

Սերժ Սարգսյանն աշխատանքային այցով մեկնել է ԱՄՆ

Սեպտեմբեր 18, 2017 22:42 Կմասնակցի ՄԱԿ-ի Գլխավոր ասամբլեայի 72-րդ նստաշրջանին: