Աշխարհ

09.11.2010 11:13


Արա Պապյան. «Ալիևի հայտարարությունն ապուշություն է...»

Արա Պապյան. «Ալիևի հայտարարությունն ապուշություն է...»

Ադրբեջանի նախագահ Իլհամ Ալիևը օրերս հերթական անգամ սադրիչ և ցինիկ հայտարարություններ էր արել։

«7օր»-ի՝ «Կարո՞ղ է պետությունը նման հայտարարությունների համար դատի տալ» հարցին ի պատասխան՝ «Մոդուս Վիվենդի» կենտրոնի նախագահ Արա Պապյանն ասել է.

 -Ո՛չ, չի կարող դատի տալ, այսինքն պատժել օրենքով: Որևէ անձի դատի տալու համար նրա կատարած գործողությունը պետք որակվի որպես հանցագործություն: Տվյալ հայտարարությունը ապուշություն է, իսկ ապուշությունը դեռևս հանցագործություն չէ։

Նա նաև նշել է, որ եթե խոսում ենք զուտ միջազգային իրավունքի տեսանկյունից, ապա գոնե վերջին հինգ հարյուր տարվա ընթացքում Հարավային Կովկասը եղել է կա՛մ Թուրքիա, կա՛մ Պարսկաստան, կա՛մ Ռուսաստան: Այսինքն, այդ երկրների տիտղոսներն են համապատասան միջազգային պայմանգրերով ճանաչված եղել այդ տարածքի վրա: Միայն 1920թ. է Հայաստանի   տիտղոսն ամրագրվել պատմական Հայաստանի մի մասի վրա՝ պատմական Հայաստանի, այլ ոչ թե «պատմական հողերի»:

-Ալիևի ասածը քոչվոր խաշնարածին բնորոշ արտահայտություն է, քանի որ նրա համար չկա հայրենիք, այլ կա միայն արոտավայր: Տվյալ դեպքում մեր ԱԳՆ-ն պիտի եռանախագահների և ՄԱԿ-ի Անվտանգության խորհրդի ուշադրությունը հրավիրի Ալիևի հայտարարությունների վրա՝ դրանք որակելով որպես սադրանք, որը սպառնում է տարածաշրջանի խաղաղությանը և անվտանգությանը,-ընդգծել է Ա. Պապյանը։

7or.am

Այս խորագրի վերջին նյութերը