«Համախմբում» կուսակցության փոխնախագահ Ստեփան Մարգարյանը «Ազատության» հետ զրույցում հայտարարեց, որ այժմ աշխատում են միասնական ընդդիմադիր ճակատ ձևավորելու ուղղությամբ:

«Արդեն երևում է, որ արդեն մի քանի դաշինքներ են մասնակցելու, դա արդեն զգացվում է: Ժամանակը շատ դինամիկ է, հնարավորություն կա նաև ավելի լավ համախմբում իրականացնելու: Մենք աշխատում ենք այդ ուղղությամբ, որ դա լինի», - նշեց Մարգարյանը՝ հավելելով՝ նպատակը այն է, որ ընտրությունների ժամանակ հստակ երկու կողմ լինի՝ իշխանություն և միասնական ընդդիմություն։

Պաշտպանության նախկին նախարար Սեյրան Օհանյանը, ըստ Մարգարյանի, այլ ուժերի հետ էլ է բանակցել։ Ղարաբաղի պաշտպանության նախկին նախարար Սամվել Բաբայանը դաշինքում չի լինի, նա քաղաքականությամբ չի ցանկանում զբաղվել։

Ստեփան Մարգարյանը հայտարարեց, որ ողջունում են Գագիկ Ծառուկյանի վերադարձը քաղաքականություն:

Մանրամասները՝ «Ազատություն»–ում։