Այսօր կայացած ՀԱՄԱԽՄԲՈՒՄ կուսակցության երիտասարդական միության հիմնադիր համագումարում ՀԱՄԱԽՄԲՈՒՄ կուսակցության Ախուրյանի տարածքային կազմակերպութան խորհրդի նախագահ Լևոն Իգիթյանի ելույթը

-Ողջո՛ւյն, հարգելի՛ թիմակիցներ,

Ուրախ եմ այսօր այս դահլիճում տեսնել այսքան հայ երիտասարդի:

Մերօրյա քաղաքական դաշտում շատ կարևոր է երիտասարդության դերը, այդ իսկ պատճառով ուզում եմ շնորհավորել երիտասարդական միությանը և մեզ բոլորիս հիմնադիր համագումարի կայացման կապակցությամբ. վստահ եմ՝ մեր երիտասարդները կարդարացնեն բոլորիս սպասելիքները:

Սիրելի՛ երիտասարդներ, ներկայիս ծանր տնտեսական ու քաղաքական իրավիճակում, երբ երկիրը կանգնած է խոր ճգնաժամի առաջ, միակ լուծելի ճանապարհն իշխանափոխությունն է, իսկ իշխանափոխության կարելի է հասնել միասնության և համախմբման շնորհիվ:

Պետք է թոթափել Հանրապետականի ծանր բեռը և ապրել բարեկեցիկ երկրում. հայը չպետք է ապրի նման ծայրահեղ պայմաններում, սա մեր հայ ազգին վայել ապրելակերպ չէ:

Եվ եթե դուք այսօր այստեղ եք, նշանակում է, որ մեր հաղթանակի ճանապարհին շատ մոտ ենք, և միասին ենք հաղթելու:

Ես շատ ուրախ եմ, որ կուսակցությունում կան բազմաթիվ երիտասարդ, բայց արդեն կայացած ու լուրջ մարդիկ, և մենք հասնելու ենք նրան, որ մեր ազգն ապրի բարեկեցիկ ու արժանապատիվ:

Եվս մեկ անգամ շնորհավորում եմ բոլորիս:

7or.am