«WikiLeaks»–ը հայտնել է, որ ԱՄՆ ԿՀՎ–ն Ֆրանսիայի՝ 2012–ի նախագահական ընտրությունների ժամանակ գաղտնալսել է այդ երկրի քաղաքական գործիչներին։

Գաղտնալսվել են Սոցիալիստական, Հանրապետական կուսակցությունները, «Ազգային ճակատը», ինչպես նաև դրանց առաջնորդներ Ֆրանսուա Օլանդը, Նիկոլա Սարկոզին, Մարին Լե Պենը և այլք։ Այս մասին փոխանցում է «Lenta.ru»–ն։

Ամերիկացիներին հետաքրքրել են կուսակցության ներսում տիրող տրամադրությունները, դրանց ֆինանսավորման աղբյուրները, այդ թվում՝ արտասահմանից, Սարկոզիի վերաբերմունքը մյուս թեկնածուների հանդեպ, ընդդիմադիրների կարծիքն ընթացող քաղաքական գործընթացների վերաբերյալ և այլն։

Լրտեսումը տևել է 10 ամիս և ավարտվել Ֆրանսուա Օլանդի հաղթանակից ու նոր կառավարության ձևավորումից հետո։

7or.am