Խմբագրական

Հունվար 11, 2011 00:19

2010-ի ամփոփումն ըստ իշխանությունների

2010-ի ամփոփումն ըստ իշխանությունների

Յուրաքանչյուր տարվա ավարտին իշխանության մաս կազմող տարբեր տրամաչափի գործիչները, մեկը մյուսից առաջ ընկնելով, ասուլիս ու հարցազրույց են տալիս՝ ներկայացնելով իրենց արածն ու չարածը։ Ավելի ճիշտ՝ խոսում են միայն արածից ու այն հրամցնում որպես խոշոր ձեռքբերում։ Այս տարի էլ այդպես եղավ։ Ուշագրավն այն է, որ իրական արդյունքների մասին խոսելու բան Սերժ Սարգսյանի թիմը գրեթե չուներ, բայց միևնույն է նրանք երկարաշունչ հարցազրույցներ ու ելույթներ էին կազմակերպում, և, ենթադրաբար, իրենք իրենց ասածներին հավատում։

Երկրի արտաքին քաղաքականությունն ամփոփեց Է. Նալբանդյանը, ում խոսքերից պարզ դարձավ, որ  2010-ին հիշատակման է արժանի Հիլարի Քլինթոնի Հայաստանում գիշերելը (ՀՀ վիճակագրությունը, հավանաբար, սույն փաստը գրանցել է որպես զբոսաշրջիկների աճ) և Թուրքիայի կողմից հայ-թուրքական արձանագրությունների վավերացումից հրաժարվելը։ Նալբանդյանն էլի մի քանի բաներ հիշեց ու հիշեցրեց, բայց, մեծ հաշվով, այս երկու կետերի վրա էր  նա առավել ոգևորված կանգ առնում։ Իրո՛ք, ճիշտ էր նախարարը, երբ ասում էր, թե  նայած ով է հիշողը։

Թե որքանով է լուրջ ԱՄՆ պետքարտուղարի գիշերային ներկայությունը Հայաստանում գնահատել որպես  Սերժ Սարգսյանի «նախաձեռնողական» քաղաքականության նվաճում՝ թողնենք իշխանական քարոզչամեքենայի «գլամուրային» երևակայությանը, բայց մի փոքր կանգ առնենք հայ-թուրքական գործընթացի վրա։

Փաստորեն՝ 2009-ի տարավերջին լուրջ հաջողություն էր համարվում Գյուլի Հայաստան ժամանելն ու «ֆուտբոլային» դիվանագիտության բուռն զարգացումը, թմբկահարվում էր հայ-թուրքական արձանագրությունների ստորագրումը, իսկ 2010-ի ավարտին արդեն կարևոր է համարվում այն, որ «ֆուտբոլային» գործընթացը Թուրքիայի ղեկավարության օգնությամբ կասեցվել է, որի արդյունքում Հայաստանի անվտանգությանը սպառնացող վտանգները մասամբ չեզոքացվել են։ Այսինքն իշխանություններն անուղղակիորեն խոստովանում են, որ ՀՀ արտաքին քաղաքականության նախորդ տարվա գլխավոր ձեռքբերումներից համարվող հայ-թուրքական արձանագրությունների չստորագրումն ապահովել են Գյուլն ու Էրդողանը։ Այդ դեպքում հարց է առաջանում, թե հարկատուներս ինչու՞ ենք պահում այս կառավարությանը։ Ինչու՞ են իշխանություններն աշխատավարձ ստանում պետբյուջեի հաշվին, եթե մեր երկրի անվտանգությունն, իրենց ագահության ու ոչ ճկուն քաղաքականության շնորհիվ, ապահովելու են Թուրքիայի ղեկավարները։ Էդ դեպքում ճիշտ չի՞ լինի արդյոք ՀՀ բյուջեից աշխատավարձ տալ Գյուլին ու Էրդողանին, ովքեր այս երկու տարվա ընթացքում ակամայից չեզոքացրեցին ՀՀ նախագահի պաշտոնը վարողի հակապետական նախաձեռնությունները։

Տեսեք. Սերժ Սարգսյանն աշխատավարձ է ստանում (չնայած դրա հույսին չէ) և դրա դիմաց Հայոց ցեղասպանության ուսումնասիրման հանձնաժողով ստեղծելու արձանագրություն ստորագրում Գյուլի հետ (ցեղասպանության հարցը, փաստացի, առևտրի առարկա դարձնում) և «ֆուտբոլային» գործընթացով Ղարաբաղի խնդրի կարգավորման մեջ ներքաշում Թուրքիային՝ սև ամպեր կուտակելով Հայաստանի գլխին,  իսկ թուրքական ղեկավարությունն ընդհակառակը՝ կասեցնել է տալիս նույն այդ «ֆուտբոլային» թամաշան և հետ պտտեցնում Ս. Սարգսյանի նախաձեռնությունները։ Հիմա տվյալ պարագայում ո՞վ է արժանի ՀՀ բյուջեից փող ստանալուն՝ Էրդողա՞նը, թե՞ Սարգսյանը։ Պատասխանն ակնհայտ է։

Ինչ վերաբերում է տնտեսական քաղաքականությանը, ապա տարին ավարտվեց վարչապետի «լավաշ» հարցազրույցների շքահանդեսով։ Տիգրան Սարգսյանին հաջողվեց անհնարինը՝ ժամերով «զրից» անել ու ոչ մի էական բան չասել, այլ խոսել վերացական գաղափարներից։ Բայց դե նրան էլ հասկանալ կարելի է. մարդն ասելիք չունի։ Ի՞նչ ասի։ Ասի որ երկու տարում կրկնապատկեցինք Հայաստանի արտաքին պարտքը,  իսկ 2011–ին նախատեսում ենք եռապատկել այն, բայց տնտեսությունը շարունակում է հետընթացը, իսկ ներգրավված վարկերը փոշիացվել են՝ զրոյական արդյունք ապահովելով տնտեսության մե՞ջ։ Ասի որ գները շարունակ աճում են, իսկ աղքատությունը ավելանում է, բայց ինքը շարունակում է զբաղեցնել գործադիրի ղեկավարի աթոռը, քանի որ օգնում է Սերժ Սարգսյանին «մեկ օլիգարխի տնտեսության» կառուցման գործու՞մ։ Ասի որ բարեհաջող կերպով հաղթահարել է իր ու իր շրջապատի ֆինանսատնտեսական ճգնաժա՞մը։ Ասի որ ժամանակին Հայաստանի պահուստային ոսկին էժան գնով «վաճառել» է, իսկ պահուստային դոլարները 305 դրամով բարեհաջող տեղաբաշխել է «այլոց» բանկերում, ու կապիտալի նախնական կուտակման փուլը ավարտին հասցրել, և «պետության վախճանը» գաղափարը կյանքի՞ կոչել։ Բնականաբար նշված հարցերից վարչապետը չէր խոսի իր «ազատ, բայց պատասխանատու» հարցազրույցներում։ Բայց քանի որ տարին ամփոփել էր պետք՝  օգնության  հասավ «Հայկական աշխարհի» մասին դատարկաբանությունը, ինչն էլ հաճույքով անում էր կղերոկրատիայի ջատագով վարչապետը։

Ի դեպ, որպես նախորդ տարվա տնտեսական նվաճում վարչապետն առանձնացրեց Վիվասելի կողմից 4G համակարգի ներմուծումը Հայաստան։ Լավ, դա Վիվասելն է արել,  որպես մասնավոր կազմակերպություն, բայց ինքն ի՞նչ կապ ունի դրա հետ, ինքն ի՞նչ է արել որպես գործադիրի ղեկավար, ի՞նչ շոշափելի արդյունքների է հասել, որոնք իրենց մաշկի վրա կարող էին զգալ շարքային հայաստանցիները։ 

Իրականությունն այն է, որ վարվող տնտեսական քաղաքականության արդյունքում գերմենաշնորհային տնտեսություն է կառուցվում, որի բացասական դրսևորումներից էր, մասնավորապես, ձվի շուկայում տեղի ունեցածը, իսկ լայն սպառման  ապրանքների շուկայում եթե վատ է վիճակը, ապա 4G–ի մասին թմբկահարելը դառնում է քաղքենիության պես մի բան, մանավանդ որ 4G–ն մեր քաղաքացիների ճնշող մեծամասնությանը ո՛չ հասանելի է, ո՛չ էլ նրանք գիտեն, թե ինչով են այն «ուտում»։

Անշու՛շտ լավ է, որ 4G–ի է ներդրվել Հայաստանում, լավ է, որ վարչապետը ժամանակ ունի անձնական բլոգ վարելու և իր էջում «լավ, ախպոր պես» նախադասությամբ մեկնաբանություններ թողնելու, բայց դրանից զատ կան նաև ուղղակի  պարտականություններ, որոնք սահմանված են երկրի Սահմանադրությամբ, և նա, բլոգից ազատ ժամանակահատվածում, պետք է զբաղվի նաև «մանր» խնդիրներով։ Օրինակ՝ վարչապետը պետք է խոսի ի՛ր անմիջական իրավասության տակ գտնվող խնդիրներից՝ գործազրկությունից, որն ավելացել է, աղքատությունից, որն ավելացել է և գնաճից, որը երկնիշ թվերով է չափվում, ինչպես նաև Տ. Սարգսյանը պետք է անդրադառնա բիզնես միջավայրին, որը վատացել է ու հայկական կապիտալի արտահոսքին, որը մեծացել է։

Ճիշտ է, կոնկրետ գնաճի առավելագույն չափի (մինչև 5,5%) չապահովման մասով ֆորմալ պատասխանատուն Կենտրոնական բանկն է, և գործադիրը իրավական տեսանկյունից այս խնդրի համար մեղավոր չէ, բայց հաշվի առնելով, որ սպառողական ապրանքների թանկացումն առավելապես հարկաբյուջետային, այլ ոչ թե դրամավարկային գործոններով էր պայմանավորված, ուստի՝ գնաճի համար  նախևառաջ պատասխան պետք է տա վարչապետը։ 

Ամփոփենք. արտաքին քաղաքական ոլորտում այս տարվա դրական արդյունքներն, ըստ իշխանական գնահատականների, Գյուլն ու Էրդողանն են ապահովել, իսկ ներքին կյանքում՝ 4G համակարգի ներդրումը մասնավոր կազմակերպության կողմից։ Այդ դեպքում ինչո՞վ են զբաղված ՀՀԿ–ի «ճկուն» ղեկավարն ու «տիրացուն», ովքեր տնօրինում են ՀՀ բյուջետային միջոցներն ու ձգտում են սեփականաշնորհել մասնավոր բիզնեսի ֆինանսական հոսքերը։ Նրանց բան ու գործի անունն ի՞նչ է։

Եթե մեղվի պարսի աշխատանքների հետ համեմատելիս լինեինք  մեր հասարակության գործունեությունը,  ապա կարելի էր «Հայկական աշխարհի» ճարտարապետներին բոռեր անվանել, բայց տվյալ դեպքում իշխանություններին սազական են այն գնահատականները, որոնք տալիս են մեր ժողովրդի բազում ներկայացուցիչներ, բայց որոնք էթիկայի տեսանկյունից այնքան էլ ճիշտ չի լինի հրապարակելը։

Միակ ձեռքբերումը, որն իշխանություններն իրենց ակտիվում կարող են գրանցել անցած տարի ևս՝ դա այն է, որ Սերժ Սարգսյանի թիմը, չնայած բոլոր ձախողումներին ու ապաշնորհ կառավարմանը, Ճագարի կամ կատվի տարում դեռ շարունակում է իշխանական ղեկն իր ձեռքում պահել, բայց խնդիրն այն է, որ այդ ձեռքբերումը բացարձակապես կապ չունի Հայաստանի ու մեր քաղաքացիների մեծամասնության շահերի հետ։ Ճիշտ հակառակը։ Հետևաբար՝ մեր հասարակության ձեռքբերումը պետք է լինի իշխանություններին զրկել իրենց միակ ձեռքբերումից ու ստեղծել տնտեսաքաղաքական նոր համակարգ։

Անդրանիկ Թևանյան  

Այս խորագրի վերջին նյութերը

Նիկոլը ճիշտ չէ, իսկ Սերժ Սարգսյանը սխալվեց

Նիկոլը ճիշտ չէ, իսկ Սերժ Սարգսյանը սխալվեց

Ապրիլ 23, 2019 11:45 Նիկոլը ճիշտ էր 2018թ. ապրիլի 23–ին, բայց սխալվեց վարչապետ դառնալուց հետո:
Փաշինյանը կրկին խոսեց ձևի ու լռեց բովանդակության մասին

Փաշինյանը կրկին խոսեց ձևի ու լռեց բովանդակության մասին

Մարտ 12, 2019 18:40 Նա պառակտել է Հայաստանի հանրությանը, բայց պատրաստ է խաղաղություն քարոզել հարևան երկրում ու քիրվայություն անել ադրբեջանցիների հետ:
Լևոն Տեր-Պետրոսյանի սպասելի նյարդայնացումը

Լևոն Տեր-Պետրոսյանի սպասելի նյարդայնացումը

Մարտ 01, 2019 16:50 Իրականությունն այն է, որ «Մարտի 1»-ը հնարավոր դարձավ ատելության մթնոլորտի արդյունքում:
Չդառնալ «Մարտի 1»-ի վարչապետ

Չդառնալ «Մարտի 1»-ի վարչապետ

Փետրվարի 22, 2019 10:10 96-ի կեղծիքների ու բռնության հետևանք էին 98-ի իշխանափոխությունը, 1999-ի հոկտեմբերի 27-ը ու 2008–ի մարտի 1-ը:
«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

«Մեղավորության կանխավարկածը». Փաշինյանը արմենբաշիական համակարգ է ուզում կառուցել (տեսանյութ)

Փետրվարի 13, 2019 20:53 Դե արի ու այսքանից հետո քննադատիր նրանց, ովքեր Փաշինյանի՝ իշխանության գալու մեջ դրսի ուժերի դավադրություն են տեսնում:
Կենտրոնական բանկի «մեսիջը» կառավարությանն ու հպարտ քաղաքացիներին

Կենտրոնական բանկի «մեսիջը» կառավարությանն ու հպարտ քաղաքացիներին

Փետրվարի 05, 2019 13:05 Որքան էլ ԱՎԾ–ն ուշացրեց տարեկան մակրոցուցանիշների ամփոփումը, միևնույն է, վերջում թվերը հեղափոխական չստացվեցին։
Փաշինյանը՝ Սորոսի ու Բոլթոնի արանքում

Փաշինյանը՝ Սորոսի ու Բոլթոնի արանքում

Փետրվարի 04, 2019 19:00 Բոլթոնի պլանով նախատեսվում է, որ Հայաստանը պետք է զիջումների գնա Արցախի հարցում՝ մինչ այդ պատրաստելով հասարակությանը «խաղաղությանը»:
Փաշինյանը մերժո՞ւմ է Բոլթոնի պլանը

Փաշինյանը մերժո՞ւմ է Բոլթոնի պլանը

Փետրվարի 02, 2019 11:35 Ինչո՞ւ Փաշինյանը մտավ Բոլթոնի պլան և ինչո՞ւ է այժմ փախչում դրանից։
Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Ռ. Քոչարյան, Ս. Բաբայան, Վ. Մանուկյան, Ս. Սարգսյան, Վ. Սարգսյան. տարբեր ճակատագրեր, բայց մեկ ընդհանուր ուղի

Հունվար 28, 2019 16:34 Հիմա կրկին, ինչպես 1998–ին, Հայաստանի ու Արցախի գլխին մութ ամպեր են կուտակվում։
Մեծ խաղի փոքրիկ դետալները

Մեծ խաղի փոքրիկ դետալները

Հունվար 24, 2019 11:55 Գալի՞ս է Փաշինյանի՝ «Պատերա՞զմ, թե՞ խաղաղություն» գրելու ժամանակը։
Ինչպես է Նիկոլ Փաշինյանը նախապատրաստվում խաղաղությանը

Ինչպես է Նիկոլ Փաշինյանը նախապատրաստվում խաղաղությանը

Հունվար 17, 2019 12:20 Փաշինյանը չունի Արցախի խնդրի լուծման հարցում որոշումներ կայացնելու մանդատ, լեգիտիմություն ու անհրաժեշտ պաշար:
Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Փաշինյանը գոհ է գրքերի վաճառքից. ինչո՞ւ են հայերը սկսել շատ կարդալ (տեսանյութ)

Հունվար 09, 2019 14:15 Փաստորեն, եթե Քոչարյանի գրքի վաճառքը սկսվի Հայաստանում, ապա Փաշինյանը կարող է է՛լ ավելի մեծ ռեկորդների մասին խոսել:
Թումանյանի «մեսիջը» հայ ժողովրդին

Թումանյանի «մեսիջը» հայ ժողովրդին

Հունվար 03, 2019 09:55 Դերասանությունը գեղեցիկ է բեմի վրա, ուր խաղում են, բայց այն գարշելի է կյանքի մեջ, ուր ապրում են: Բեմի վրա խաղացողները շնորհքով մարդիկ են, իսկ կյանքում խաղացողները՝ ցածերն ու կեղծավորները:
2018-ը՝ մերժման, իսկ 2019-ը ՝ ԽԵԼՔԻ տարի

2018-ը՝ մերժման, իսկ 2019-ը ՝ ԽԵԼՔԻ տարի

Դեկտեմբեր 31, 2018 21:22 Մեզ մոտ ոչ թե նոր Հայաստանի նոր իշխանություն է ձևավորվել, այլ հին Հայաստանի վերջին իշխանությունը:
Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Փաշինյանի և Ալիևի ասիմետրիկ վարքագիծը. վտանգավոր խաղ է սկսված

Դեկտեմբեր 26, 2018 16:00 Բոլթոնի պլանի կյանքի կոչումն է, որ ոգևորել է Ադրբեջանին ու, ամենայն հավանականությամբ, այդ պլանը դիմադրության չի հանդիպել Հայաստանում:
Ի՞նչ բացահայտեց գաղտնալսումը

Ի՞նչ բացահայտեց գաղտնալսումը

Դեկտեմբեր 06, 2018 14:15 Հասկանո՞ւմ է արդյոք Փաշինյանը, որ շատ ավելի լուրջ խնդիրներ մեր պետության և անձամբ իր համար կառաջանան, եթե նա բացի «Պանդորայի արկղը»:
Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Լեզվի սայթաքում ըստ Ֆրեյդի՞, թե՞ ըստ Փաշինյանի (տեսանյութ)

Նոյեմբեր 27, 2018 14:40 «Նիկոլը Ճիշտ էր, ես սխալվեցի» սարգսյանական ձևակերպումն այլ իմաստ է ստանում:
Ո՞վ կհաղթի ընտրություններում

Ո՞վ կհաղթի ընտրություններում

Նոյեմբեր 22, 2018 17:00 Տիգրան Մուկուչյանը, դեմքի անմեղ հայացքով ու իր բարի աչուկները ճպճպացնելով, մեզ կհաղորդի թվերը այնպես, ինչպես հաղորդում էր նախորդ ընտրությունների ժամանակ:
Օլիգարխիայի երկաթյա կանոնը «Քաղաքացիական պայմանագրում»

Օլիգարխիայի երկաթյա կանոնը «Քաղաքացիական պայմանագրում»

Նոյեմբեր 16, 2018 11:38 ՀՀԿ-ն ու դրա լիդերը ցանկության դեպքում անգամ չէին կարող այնպիսի մոդել ստեղծել, ինչպիսին որ ստեղծում է Նիկոլ Փաշինյանը:
Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Ամբոխի և իշխանության հարաբերությունները. Փաշինյանը կգնա՞ Ռոբեսպիերի ճանապարհով

Նոյեմբեր 09, 2018 15:28 Ո՞վ կդառնա Նիկոլ Փաշինյանի իշխանության գլխավոր հակառակորդը: