Լրահոս

Մարտ 16, 2017 22:15

Արեգնազ Մանուկյան. «Իսկ ո՞ւմ համար է քաղաքականությունը, եթե ոչ կնոջ»

Արեգնազ Մանուկյան. «Իսկ ո՞ւմ համար է քաղաքականությունը, եթե ոչ կնոջ»

Նախկինում լրագրող, այժմ՝ «Համախմբում» կուսակցության անդամ և մամուլի խոսնակ Արեգնազ Մանուկյանը հայտնի է իր երկարամյա լրագրողական գործունեությամբ նախ հեռուստաընկերությունում, իսկ այնուհետ նաև համացանցային լրատվամիջոցներում: Վերջին երկու տարիների ընթացքում Արեգնազ Մանուկյանը համատեղել է լրագրությունը քաղաքական գործունեության հետ և առաջիկայում՝ հաշվի առնելով այն փաստը, որ ներկայացված է «Օհանյան–Րաֆֆի–Օսկանյան» դաշինքի համապետական ցուցակի 13-րդ հորիզոնականում, հնարավոր է՝ շարունակի քաղաքական կարիերան նաև օրենսդիր մարմնում:

Լրագրողի երկար ճանապարհ եք անցել, ինչո՞ւ եք ուզում Ձեր գործունեությունը շարունակել որպես պատգամավոր:

–Պատգամավոր դառնալը երբեք իմ նպատակը չի եղել։ Երբևէ չեմ էլ մտածել, որ կարող եմ հեռանալ իմ սիրած մասնագիտությունից և այլ ուղի ընտրել։ Սակայն, երկրում ստեղծված ծայրաստիճան մտահոգիչ իրավիճակը, առավել ևս, երբ գործի բերումով թերություններն ամբողջապես հենց «ներսից» էի տեսնում, չէր կարող ինձ անտարբեր թողնել։ Անկեղծ եմ ասում՝ շատ դժվար եմ կայացրել որոշումս՝ հրաժարվել լրագրողի աշխատանքից և մտնել քաղաքականություն։ Բայց տարիների փորձը ցույց տվեց, որ խնդիրները միայն լուսաբանելով և դրանք վեր հանելով՝ այդպես էլ լուծում չեն ստանում։ Որոշեցի փորձել այլ ուղի, որը առավել մեծ հնարավորություններ կտա այդ խնդիրներին լուծում տալու և ավելի արդյունավետ գործունեություն ծավալելու համար։

-Օրենսդիր մարմնի աշխատանքը լուսաբանելիս շատ լավ եք պատկերացնում այն թերություններն ու բացթողումները, որոնք թույլ են տրվում բարիկադներից այն կողմ: Կարո՞ղ եք դրանցից խուսափել:

Այս հարցի շուրջ ինքս էլ եմ շատ մտածել՝ կեցությո՞ւնն է թելադրում գիտակցությունը, թե՞ հակառակը։ Ինչո՞ւ է մեր օրենսդիրների մեծամասնությունն օրենքները խախտում, իրենց համարում անպատժելի և ամենակարող, իրենց բնո՞ւյթն է այդպիսին, թե՞ ամենաթողության և վերևից ստացած հովանավորությունն է նրանց այդպիսին դարձրել։ Կարծում եմ՝ որքան էլ մարդն իր բնույթով թերի լինի, եթե բարձրագույն իշխանությունների կողմից համընդհանուր կարգուկանոնի մթնոլորտ ձևավորվի, հասարակության մյուս շերտերն ինքնըստինքյան կենթարկվեն և կհետևեն այդ դրվածքին։ Այդ իսկ պատճառով ես իշխանափոխության կողմնակից եմ։

-Պատրա՞ստ եք պաշտպանել կանանց շահերը խորհրդարանում, ինչպե՞ս եք վերաբերվում կանանց նկատմամբ խտրականությանը և անհավասարության դրսևորումներին:

Կանայք պաշտպանության կարիք չունեն։ Կինը պաշտպանության կարիք ունի միայն այն ժամանակ, երբ ինքը չի գիտակցում իր ուժն ու հզորությունը, երբ թույլ է տալիս, որ իրեն նսեմացնեն կամ արհամարհեն։ Իսկ հաղթանակի դեպքում եթե լինեմ խորհրդարանում, բնականաբար, պատրաստ եմ ներկայացնել կանանց շահերը, բայց, կարծում եմ, ամենամեծ պաշտպանությունը հենց իմ և մյուս բոլոր կին թեկնածուների ներկայությունը կլինի օրենսդիր մարմնում, որպես ապացույց, որ կինը միաժամանակ կարող է և՛ ընտանիքի մայր լինել, և՛ ակտիվ քաղաքական ու հասարակական գործունեություն ծավալել։

– Համամի՞տ եք բոլոր ոլորտներում կին-տղամարդ 50/50 գաղափարի հետ և պատրա՞ստ եք արդյոք այն պաշտպանել։

Մշտապես դեմ եմ եղել արհեստական ամեն ինչին։ Այսինքն, եթե կինը լավ մասնագետ չէ, սխալ եմ համարում նրան աշխատանքում արհեստականորեն ներգրավելը։ Նույնը նաև՝ տղամարդկանց պարագայում։ Կարծում եմ՝ ազնիվ, պարտաճանաչ, սրտացավ և ակտիվ լինելը բոլորովին պայմանավորված չէ մարդու սեռով։ Մտավախություն ունեմ, որ 50/50 գաղափարը կարող է խտրական վերաբերմունքի հանգեցնել . երբ, ասենք, որևէ տղամարդ ավելի լավ մասնագետ է, քան իգական սեռի ներկայացուցիչը, բայց նրան չեն ընդունում աշխատանքի, որովհետև պետք է 50/50 բանաձևը կիրառեն:

-Այդ դեպքում ձեր պատասխանը «Քաղաքականությունը կնոջ գործը չէ» արտահայտությանը, որը բացառում է 50/50 գաղափարը:

– Հարցով պատասխանեմ՝ իսկ ո՞ւմ համար է քաղաքականությունը, եթե ոչ կնոջ։ Այն մտքի սրությունը, կանխազգալու կարողությունը, բազմաշերտ մտածելակերպն ու ճկունությունը գրեթե ոչ մի տղամարդ չունի, բայց և կանանց մեծ մասն էլ չունեն տղամարդկանց սառնասրտությունը, տեղում սթափ դատելու և բարդ իրավիճակներում արագ ու առանց զգացականության կողմնորոշվելու կարողությունը։ Այնպես որ, ամեն ինչ փոխլրացվող է. քաղաքականությունում, ինչպես ամենուր, տեղ ունեն և՛ կանայք, և՛ թե տղամարդիկ։

Աղբյուրը՝ «womennet.am»

Print Friendly and PDF

Այս խորագրի վերջին նյութերը

Թբիլիսիում հանդիպել են Ադրբեջանի ՊՆ ղեկավարը, Թուրքիայի և Վրաստանի ԶՈւ ԳՇ պետերը

Թբիլիսիում հանդիպել են Ադրբեջանի ՊՆ ղեկավարը, Թուրքիայի և Վրաստանի ԶՈւ ԳՇ պետերը

Հոկտեմբեր 17, 2017 12:52 Կողմերը քննարկել են եռակող ռազմական համագործակցությունը:
Ստեփանծմինդա-Լարս ավտոճանապարհը փակ է բեռնատարների համար

Ստեփանծմինդա-Լարս ավտոճանապարհը փակ է բեռնատարների համար

Հոկտեմբեր 17, 2017 11:53 Բաց է մարդատար ավտոմեքենաների համար։
Ուժգին քամու հետևանքները․ նախօրեի երեկոյան և գիշերվա ընթացքում վնասներ են պատճառվել

Ուժգին քամու հետևանքները․ նախօրեի երեկոյան և գիշերվա ընթացքում վնասներ են պատճառվել

Հոկտեմբեր 17, 2017 10:26 «911» ծառայությունում ահազանգեր են ստացվել։
Նոր Նորքում 27-ամյա Սեյրանն իր բնակարանից կրակոցներ է արձակել

Նոր Նորքում 27-ամյա Սեյրանն իր բնակարանից կրակոցներ է արձակել

Հոկտեմբեր 17, 2017 09:44 Հայտնաբերվել են հրացանն ու կրակված պարկուճները։
Էլեկտրաէներգիայի պլանային անջատումներ

Էլեկտրաէներգիայի պլանային անջատումներ

Հոկտեմբեր 17, 2017 09:01 Հետագայում վթարներից խուսափելու համար կհոսանքազրկվեն:
Այսօր Աղքատության դեմ պայքարի համաշխարհային օրն է

Այսօր Աղքատության դեմ պայքարի համաշխարհային օրն է

Հոկտեմբեր 17, 2017 08:20 Աղքատությունը համարվում է մարդու իրավունքների խախտում։
Պայթյուն է որոտացել Հաքքարիում. սպանվել է 2 թուրք զինվոր

Պայթյուն է որոտացել Հաքքարիում. սպանվել է 2 թուրք զինվոր

Հոկտեմբեր 17, 2017 07:57 Պայթուցիկը գործի է դրվել այն ժամանակ, երբ ճանապարհով անցել է Թուրքիայի զինուժի մեքենան:
Պլանային ջրանջատում Լոռու մարզում

Պլանային ջրանջատում Լոռու մարզում

Հոկտեմբեր 17, 2017 07:35 Ժամը 09։00-ից մինչև հաջորդ օրը՝ 20։00-ն։
Նովոսիբիրսկում արյան մեջ կորած մերկ տղամարդն իջել է առաջին հարկ և խնդրել շտապօգնություն կանչել (տեսանյութ․ 18+)

Նովոսիբիրսկում արյան մեջ կորած մերկ տղամարդն իջել է առաջին հարկ և խնդրել շտապօգնություն կանչել (տեսանյութ․ 18+)

Հոկտեմբեր 16, 2017 21:39 Դանակի բազմաթիվ հարվածներ է հասցրել իր 18-ամյա սենյակակցին։
Արցախի ԱԳՆ-ն Սարգսյան-Ալիև հանդիպման մասին հայտարարություն է հրապարակել

Արցախի ԱԳՆ-ն Սարգսյան-Ալիև հանդիպման մասին հայտարարություն է հրապարակել

Հոկտեմբեր 16, 2017 21:24 Բանակցային գործընթացի ակտիվացմանը լուրջ վնաս է հասցվել 2016 թ. ապրիլին։
Փեշմերգան Քիրքուքը «կորցնելու» մեջ մեղադրում է «դավաճան քրդերին»

Փեշմերգան Քիրքուքը «կորցնելու» մեջ մեղադրում է «դավաճան քրդերին»

Հոկտեմբեր 16, 2017 19:07 Անհրաժեշտ դիմադրություն չեն ցուցաբերել և իրենց առաջնորդին մենակ են թողել:
Սերժ Թանկյանն իր «Օրկա» սիմֆոնիայի հայաստանյան պրեմիերայի մասին

Սերժ Թանկյանն իր «Օրկա» սիմֆոնիայի հայաստանյան պրեմիերայի մասին

Հոկտեմբեր 16, 2017 19:00 Հոկտեմբերի 19-ին կներկայացնի Հայաստանի պետական երիտասարդական նվագախումբը։
24 տարի համատեղ կյանքից հետո Հասմիկ Պապյանն ամուսնալուծվել է․ «Նա մնաց ինձ օտար» (լուսանկար)

24 տարի համատեղ կյանքից հետո Հասմիկ Պապյանն ամուսնալուծվել է․ «Նա մնաց ինձ օտար» (լուսանկար)

Հոկտեմբեր 16, 2017 18:27 Որքան էլ, որ նա հայերեն խոսել, գրել, կարդալ սովորեց։
Ժնևում մեկնարկել են Սերժ Սարգսյանի և Իլհամ Ալիևի բանակցությունները

Ժնևում մեկնարկել են Սերժ Սարգսյանի և Իլհամ Ալիևի բանակցությունները

Հոկտեմբեր 16, 2017 16:59 Ժնևի ՄԱԿ-ի գրասենյակում և այլ միջազգային կազմակերպություններում Շվեյցարիայի մշտական ներկայացուցչի կեցավայրում: