Քաղաքական

18.03.2017 15:48


««Օհանյան-Րաֆֆի-Օսկանյան» դաշինքը հեռու է բռունցքով հարցեր լուծելու քաղաքականությունից»

««Օհանյան-Րաֆֆի-Օսկանյան» դաշինքը հեռու է բռունցքով հարցեր լուծելու քաղաքականությունից»

Շիկացած նախընտրական մթնոլորտի, արձանագրված միջադեպերի և մրցակցային տրամադրությունների շուրջ, «Yelaket.am»-ը զրուցեց, ԱԺ պատգամավոր, համապետական ընտրություններում, «Օհանյան-Րաֆֆի-Օսկանյան» դաշինքի թիվ 1 ընտրատարածքի (Ավան, Նոր-Նորք, Քանաքեռ-Զեյթուն) տարածքային թեկնածու Հայկ Խաչատրյանի հետ:

Գնահատելով ներկայիս մրցակցային տրամադրությունները և ներքաղաքական բարոյա-հոգեբանական վիճակը՝ քաղաքական գործիչը նկատեց, որ նախընտրական քարոզարշավը ընթանում է լարված մթնոլորտում. «Երբեմն այն հասնում է բռունցքների: Չնայած մեր քաղաքական թիմը փորձում է հեռու մնալ այդ ամենից՝ ընտրողների ուշադրությունը կենտրոնացնելով դաշինքի նախընտրական ծրագրին»:

Պարոն Խաչատրյանը ընդգծեց նաև, որ քաղաքացիների շրջանում այսօր առկա է խոր անվստահություն գործող իշխանությունների նկատմամբ. պարզապես չեն հավատում, իրենց խաբված ու հիասթափված են զգում: Ավելին՝ միշտ լսել են խոստումներ, բայց երբեք դրանց պտուղները չեն զգացել սեփական մաշկի վրա:

«Ի՞նչ ենք մենք ասում՝ խավարն անդադար անիծելու փոխարեն պետք է մեկ մոմ վառել: Հիմա ժողովուրդը եթե դժգոհ է այսօրվա վիճակից և ասում է, որ կյանքի պայմանները գնալով անտանելի են դառնում, ուրեմն պետք է նոր ուժերի ընտրի: Ռադիկալ փոփոխության համար նրան այդ հնարավորությունն այսօր տրվել է: Իսկ մենք առաջարկում ենք «365 օր» անունով նախընտրական ծրագիր, որը երկիրը խավարից դուրս հանելու իրատեսական ծրագիր է» - ասաց պատգամվորը:

Մեկնաբանելով Ջրառատ գյուղում ծավալված իրադարձությունների և վենդետայի հնարավոր վարկածը՝ քաղաքական գործիչը նշեց, որ «ՕՐՕ» դաշինքն արդեն իսկ հանդես է եկել բավականին կոշտ ու դատապարտող հայտարարությամբ և նա ամբողջովին կիսում է բոլոր մտքերը.

«Պարզապես ավելացնեմ, որ իր թիկունքում հաղթանակ տեսնող քաղաքական ուժը երբեք նման քայլի չի դիմի»:

Մանրամասները՝ «Yelaket.am»-ում:

Այս խորագրի վերջին նյութերը