Աշխարհ

24.03.2017 13:55


Էրդողան. «Եթե շարունակեն ինձ դիկտատոր անվանել, ես էլ նրանց ֆաշիստ կանվանեմ»

Էրդողան. «Եթե շարունակեն ինձ դիկտատոր անվանել, ես էլ նրանց ֆաշիստ կանվանեմ»

Թուրքիայի նախագահ Ռեջեփ Թայիփ Էրդողանը խոսել է եվրոպական լրատվամիջոցներում իրեն հասցեին վերջին շրջանում հաճախակի օգտագործվող «դիկտատոր» բնորոշմանը և իր՝ եվրոպական երկրներին «ֆաշիստ» անվանելուն:

«ermenihaber.am»–ի փոխանցմամբ՝ «CNNTurk» հեռուստաալիքին տված հարցազրույցում Թուրքիայի նախագահը հայտարարել է, որ քանի դեռ իր մասին դիկտատոր են ասում, ինքն էլ նրանց ֆաշիստ է անվանելու:

«Էրդողանին դիկտատոր անվանելու ազատությունը ունեք, իսկ Էրդողանը ֆաշիստ կամ նացիստ անվանելու ազատություն չունի՞: Կներեք, իհարկե, բայց ես նրանց ֆաշիստ եմ անվանելու այնքան ժամանակ, քանի դեռ նրանք ինձ դիկտատոր կանվանեն: Այս պահին իմ երկրում ո՞ր մի թերթն է դրանց ղեկավարության մասին այդպիսի վերնագրեր հրապարակում»,- ասել է Էրդողանը:

Աղբյուրը հիշեցնում է՝ Էրդողանը Նիդեռլանդներին և Գերմանիային նացիզմի մեջ մեղադրեց այն բանից հետո, երբ այդ երկրներում չթույլատրվեց, որ Թուրքիայի նախարարները նախընտարական քարոզչություն իրականացնեն ապրիլի 16-ին կայանալիք սահմանադրական հանրաքվեի համար:

Այս խորագրի վերջին նյութերը