«Ժառանգություն» կուսակցության փոխնախագահ, «Օհանյան–Րաֆֆի–Օսկանյան» դաշինքի շտաբի ղեկավար Արմեն Մարտիրոսյանը հյուրընկալվել է «Երկիր մեդիա» հեռուստաընկերության տաղավարում և ամփոփել խորհրդարանական ընտրությունների արդյունքները։ Նա կասկածի տակ է դրել ընտրողների քանակի նման մեծությունը և կարծիք է հայտնել, որ ընտրախախտումները ոչ միայն տեղամասերից դուրս են եղել, այլ նաև տեղամասերում։

Ա.Մարտիրոսյանը ևս մեկ անգամ պնդել է, որ ԵԼՔ դաշինքը վայելում է Սերժ Սարգսյանի փեսա Միքայել Մինասյանի տեղեկատվական աջակցությունը և հովանավորությունը, և իշխանական լծակներով այդ դաշինքին օգնել են անցնել խորհրդարան։

–Օրինակ, ես տեղեկություն եմ ստացել, որ նույնիսկ զինվորականներ են ԵԼՔ դաշինքի օգտին քվեարկել՝ Վարդենիսի զորամասից և Էջմիածնի սակրավորների գումարտակից։ Մեր հանձնաժողովականների կողմից են ահազանգեր ստացվել, որ առավոտյան կամ վերջում խմբերով եկած ձայների մեջ միանգամից ԵԼՔ է եղել։ ՕՐՕ–ն իսկապես շատ արմատական, ամենաանկախ ընդդիմադիր միավորումն էր, և իշխանություններն ամեն ինչ արեցին, որպեսզի մենք հանկարծ որևէ միավոր չհավաքենք,–ավելացրել է նա։

Մանրամասները՝ տեսանյութում։

7or.am