Մարտի 28-ի վերաֆինանսավորման տոկոսադրույքի վերաբերյալ

● Տնտեսական

08.04.2017 ● 14:55

Մարտի 28-ի վերաֆինանսավորման տոկոսադրույքի վերաբերյալ

ՀՀ ԿԲ-ից հայտնում են, որ 2017 թ. մարտի 28-ի տեղի է ունեցել խորհրդի նիստ։ Նշվել է, որ 2017թ-ի փետրվարին գնաճի ցուցանիշը մոտ է եղել ԿԲ կանխատեսումներին. ամսվա ընթացքում արձանագրվել է 0.9% գնանկում՝ նախորդ տարվա նույն ամսվա 1.4%-ի դիմաց, որի պարագայում 12-ամսյա գնաճը շարունակել է վերականգնվել՝ կազմելով -0.2%:

Փաստվել է նաև, որ վերջին մեկ ու կես տարվա ընթացքում պահպանվող գնանկումային միջավայրը մեծապես կրել է 2015-2016թթ. արտաքին հատվածում ձևավորված գնանկումային միջավայրի ազդեցությունը, որն առաջին հերթին փոխանցվել է ՝պարենային ապրանքների, իսկ 2016թ-ից՝ նաև ոչ պարենային ապրանքների գների վրա: Նշված ժամանակահատվածում ցածր գների ձևավորմանը նպաստել են նաև գյուղատնտեսության ճյուղի դրական զարգացումները և գազի ու էլեկտրաէներգիայի սակագների մի քանի փուլով իջեցումները: Ընդ որում, գնաճային նման զարգացումներ են դիտվել ոչ միայն մեր, այլ տարածաշրջանի զարգացող ու անգամ զարգացած մի շարք երկրներում. ԵՄ, Արևելյան ԵՎրոպա և ԱՊՀ 40 երկրներում միջին գնաճը 2016-ին կազմել է 1.8%` նախորդ տարվա 2.8%-ի դիմաց, իսկ դրանցից 12-ում գրանցվել է գնանկում:

Ըստ ԿԲ գնահատման, մարտին գնաճը կգտնվի -0.2%-0% միջակայքում՝ կանխատեսված -0.4%-ի փոխարեն:

Արձանագրվել է, որ 2016թ-ի տնտեսական աճը կազմել է 0.2%՝ կանխատեսված 0.4%-ի դիմաց, որն հիմնականում պայմանավորվել է տարեվերջին գյուղատնտեսության և շինարարության ոլորտներում սպասվածի համեմատ ավելի մեծ կրճատումներով: Այնուամենայնիվ, 2017թ. հունվար-փետրվար ժամանակահատվա-ծում տնտեսական ակտիվության ցուցանիշի աճը էականորեն գերազանցել է սպասելիքները. ՏԱՑ-ը կազմել է 6.2%, ընդ որում առավել մեծ ակտիվություն է դիտվել արդյունաբերության, մեծածախ ու ավտոմեքենաների առևտրի և մատուցված ծառայությունների ոլորտներում: Արդյունքում, 2017 թվականի առաջին եռամսյակի տնտեսական աճը վերագնահատվել է 1.9%-ից 5.2%:

Ելնելով գնաճի և տնտեսական ակտիվության վերոնշյալ զարգացումներից և դրանց հետագա շարունակականությունից՝ ԿԲ-ն մայիսին, կանխատեսման հաջորդ փուլում, պատրաստվում է կանխատեսվող 3 տարվա հորիզոնի համար տնտեսական աճի կանխատեսումները վերանայել դեպի վեր (նախնական գնահատմամբ 2017թ-ին կգտնվի 3.2-4.4% միջակայքում) և նախատեսել գնաճի ավելի արագ վերականգնման հետագիծ: Այնուամենայնիվ, տնտեսական աճի միջնաժամկետ հեռանկարները զգալիորեն կախված կլինեն Կառավարության իրականացրած բարեփոխումներից, ներքին և արտաքին ներդրումների ներգրավման արդյունավետությունից և ենթակառուցվածքների բարելավմանն ուղղված կապիտալ ծախսերի մակարդակից:

Խորհրդում նշվել է նաև, որ բացի առաջարկի գործոններից, 2015-2016թթ-ին ՀՀ ԿԲ և ՀՀ կառավարության կողմից իրականացրած ընդլայնողական քաղաքականությունների դրական ազդեցությունն են արտացոլել պահանջարկի գործոնները: 2017թ-ի հունվար-փետրվար ժամանակահատվածում շարունակվել է համախառն պահանջարկի աստիճանական վերականգնումը, ինչի հիման վրա տարվա առաջին եռամսյակում ակնկալվում է մասնավոր սպառման 0.6 տոկոսային կետով բարձր աճ՝ հունվարին արված կանխատեսման համեմատ, որի մասին վկայում են մանրածախ առևտրի ոլորտում արձանագրված շրջանառության և ներմուծման՝ սպասվածից բարձր աճերը: Նույն ժամանակահատվածի համար մասնավոր ներդրումների աճի տեմպը վերանայվել է դեպի վեր 1.3 տոկոսային կետով` հիմնականում պայմանավորված սպասվածից բարձր տնտեսական ակտիվության աճով և ներդրումային միջավայրի որոշ չափով բարելավմամբ:

Մանրամասները՝ cba.am-ում։

● Այս խորագրի վերջին նյութերը

Ներկայիս իշխանություններն առաջնորդվում են «մեզնից հետո թեկուզ ջրհեղեղ» տարբերակով. «Փաստ»

11.04.2024 ● 13:40

Այսինքն, ինչո՞ւ սոսկ տպավորություն. անցած վեց տարին հենց դա է ցույց տալիս...։

21 պայմանագրից 16-ը մեկ անձից գնման ընթացակարգով է ձեռք բերվել․ 27 մլն դրամ Արդարադատության նախարարության սպասարկման համար․ «Ժողովուրդ»

11.04.2024 ● 11:59

Մեկ անձից գնումների միջոցով չարաշահումները Հայաստանում կարծես արմատավորվում են։

250 մլն դրամ ՀՀ շրջակա միջավայրի նախարարությանը ենթակա ՊՈԱԿ-ին. «Ժողովուրդ»

10.04.2024 ● 09:35

Երևանում, ծառերի սպանդին զուգահեռ, ոչ մի անգամ այս կառույցը չդրսևորեց իր գոյության արդարացումը

Ավելի քան 4,5 մլն դրամ․ Ֆինանսների նախարարության թանկարժեք «հիգիենան». «Ժողովուրդ»

09.04.2024 ● 10:26

Այս ծառայությունը ձեռք է բերվել հրատապ՝ մեկ անձից գնման ընթացակարգով։

Վարկային «տենդի» մեջ են

08.04.2024 ● 11:54

Երկու ամսում ավելի քան 100 մլն դոլարով կառավարության պարտքն ավելացրել են։

177.390.000 եվրո. Հայաստանի պետական պարտքը կրկին ավելանում է

05.04.2024 ● 13:07

Երկու վարկերն էլ կտրամադրվեն Երևանի քաղաքապետարանին:

Հնարավոր է` ՌԴ-ն ու Իրանն առաջիկայում նոր պայմանագիր ստորագրեն. Զատուլին

Ո՞նց կարելի է դավաճանությունը ներկայացնել որպես փրկություն. գնդակահարության արժանի է այդ իշխանությունը. Աջապահյան (տեսանյութ)

Ադրբեջանը քանդել է Շուշիի Կանաչ ժամը (լուսանկար)

● Տնտեսական