Տնտեսական

Ապրիլ 21, 2017 12:35

Թուրքական լոլիկի իրացվող խմբաքանակը չի ենթարկվել փորձաքննության

Թուրքական լոլիկի իրացվող խմբաքանակը չի ենթարկվել փորձաքննության

Թուրք ֆերմերի կողմից թունավոր լոլիկների` Հայաստան արտահանելու վերաբերյալ հայտարարությունը վերջին ժամանակահատվածում հասարակության մեջ խիստ մտահոգության առիթ է հանդիսացել:

Հաշվի առնելով, որ ՀՀ ԳՆ ՍԱՊԾ կողմից հասարակությանը չեն տրվել սպառիչ պատասխաններ առ այն, թե ինչ քայլեր են իրականացվել ներմուծված ապրանքի անվտանգությունն ապահովելու ուղղությամբ, ինչպես նաև առկա չէ տեղեկատվություն առ այն, թե արդյոք Թուրքիայից Հայաստան ներմուծվող սննդամթերքը ենթարկվում է առողջական ռիսկի գնահատման թե ոչ, և ինչ ռիսկեր են առկա ազգաբնակչության համար, ՀՀ ԳԱԱ Էկոլոգանոոսֆերային հետազոտությունների կենտրոնի Սննդի շղթայի ռիսկերի գնահատման տեղեկատվական – վերլուծական կենտրոնի կողմից իրականացվել է ուսումնասիրություն՝ հնարավոր վտանգների բացահայտման և ռիսկի շրջանակի հատկորոշման նպատակով:

Կենտրոնի կողմից կապ է հաստատվել սննդամթերքի ռիսկերի գնահատման եվրոպական գործընկերների հետ՝ պարզելու, թե ընթացիկ տարում հայտնաբերվել են արդյոք վտանգներ թուրքական բուսական ծագման մթերքներում: Արդյունքում պարզվել է, որ ընթացիկ տարում հայտնաբերվել են մի շարք անհամապատասխանություններ, այդ թվում՝ առողջության համար բարձր ռիսկ պարունակող մթերքներ, ինչի արդյունքում ԵՄ սահմանային հսկիչ մի շարք կետերում կասեցվել են Թուրքիայից արտահանված մի շարք բուսական ծագման մթերքներ, և բոլոր խախտումները ծանուցված են նաև սննդամթերքի և անասնակերի անվտանգության արագ արձագանքման պորտալում (RASFF): Բացի այդ ուսումնասիրվել է գիտական գրականություն՝ պարզելու արդյոք առկա են հետազոտություններ թուրքական բանջարեղենում, այդ թվում լոլիկում թունաքիմիկատների պարունակության և վերջիններիս թունավորության գնահատման վերաբերյալ: Ռիսկի շրջանակի որոշման համար ուսումնասիրվել են ինչպես սննդի և անասնակերի արագ արձագանքման համակարգում առկա տեղեկատվությունը, այնպես էլ գիտական գրականությունը, համադրվել են ստացված տվյալները, և փաստվել, որ Թուրքիայում բույսերի հիվանդությունների պայքարում օգտագործվող թունաքիմիկատները հաճախ պարունակում են բարձր ռիսկ՝ սպառողների առողջության հետ կապված:

Ուսումնասիրության արդյունքում պարզվել է, որ Թուրքիայում իսկապես լայն տարածում է գտել թունաքիմիկատների ինտենսիվ կիրառությունը բանջարեղենի, այդ թվում լոլիկի արտադրության մեջ: Գիտական ուսումնասիրության արդյունքները, որոնք իրականացվել են Թուրքիայում և հրապարակվել 2016թ. Ագրոնոմիայի ժողովածուի LIX հատորում, փաստում են, որ ացետամիպրիդի, էնդոսուլֆան բետայի և քլորպիրոֆոսի կոնցենտրացիաները լոլիկում գերազանցում են առավելագույն թույլատրելի շեմը, մասնավորապես՝ դեկտեմբեր ամսին, իսկ քլորպիրոֆոսը՝ հունվարին: Բացի այդ, արգելված պեստիցիդների պարունակություններ են հայտնաբերվել լոլիկում, մասնավորապես էնդոսուլֆան (ալֆա և բետա) և տետրադիֆոն, հետազոտության արդյունքում պարզվել է, որ հայտնաբերված պարունակությունները սպառողների առողջության վրա կարող են թողնել թունավոր ազդեցություն: Արդյունքում առաջարկվել է մշակել պեստիցիդների մոնիթորինգի համակարգ՝ սպառողների առողջական ռիսկը նվազեցնելու նպատակով:

RASFF համակարգում ևս առկա է տեղեկատվություն թուրքական բուսական ծագման մթերքում քիմիական վտանգների բարձր մակարդակների հետ կապված, ինչի արդյունքում Թուրքիայից արտահանվող բուսական ծագման մթերքը, այդ թվում՝ թարմ-պտուղ բանջարեղենը, մերժվել են: Միայն 2017 թ. ապրիլի 4-ից մինչ օրս ընկած ժամանակահատվածում հայտնաբերվել է քիմիական վտանգների հետ կապված 10 դեպք, ինչի արդյունքում թուրքական ապրանքները կասեցվել են Ֆրանսիայի, Լեհաստանի, Իսպանիայի և Բուլղարիայի սահմաններում: Թունաքիմիկատներից հայտնաբերվել է պրոքլորազի, ացետամիպրիդի և տուբեկոնազոլի բարձր պարունակություններ տարբեր բանջարեղեններում՝ քաղցր պղպեղ, նուռ: Հայտնաբերվել են նաև այլ տիպի քիմիական վտանգներ՝ աֆլատոքսին Բ1, օխրատոքսին Ա և սուլֆիդներ՝ չրեղենում և քիշմիշի չամիչում:

Պետք է շեշտել, որ առանց քիմիական ռիսկերի գնահատման հնարավոր չէ պարզել՝ երաշխավորվել է արդյոք սպառողների անվտանգության ապահովումը:

Լիազոր մարմնի՝ Սննդամթերքի անվտանգության պետական ծառայության կողմից շրջանառվել է նաև վարկած, որ իրենց տվյալներով Թուրքիայից Հայաստան լոլիկ չի ներկրվել:

Այս հայտարարությունն ավելի մտահոգիչ է դարձնում ստեղծված իրավիճակը, քանզի իրացման ցանցում, բացառությամբ վերջին երկու շաբաթի, թուրքական լոլիկ իրացվել է այսօրվա շուկայական գնից էականորեն էժան գնով: Դա է վկայում նաև բավականին մեծ թվով թուրքական լոլիկի արկղերի առկայությունը իրացման ցանցում:

Ստացվում է, որ լիազոր մարմինը չի վերահսկել իրացման ցանցը, ինչից կարելի է ենթադրել, որ իրացվող խմբաքանակը չի ենթարկվել փորձաքննության որևէ ցուցանիշի նկատմամբ:

Հաշվի առնելով, որ սահմանային անվտանգության ապահովումը կարևորվում է կենսաահաբեկչության կանխարգելման և ազգային անվտանգության ապահովման տեսանկյունից, անհրաժեշտ է նշված դեպքը դիտարկել նաև այս համատեքստում:

ՀՀ ԳԱԱ Էկոլոգանոոսֆերային
հետազոտությունների կենտրոն

Print Friendly and PDF

Այս խորագրի վերջին նյութերը

2016թ․ բյուջեի պակասուրդը՝ 288 մլրդ դրամ․ պետական պարտքն էլ աճել է

2016թ․ բյուջեի պակասուրդը՝ 288 մլրդ դրամ․ պետական պարտքն էլ աճել է

Հունիս 26, 2017 11:41 Նախարարը պնդում է, որ դեռ չենք հասել սահմանագծին։
«Սպայկա»-ի և «Արմսանպրոդակտ»-ի համար 163.2 հա հողամաս օտարվեց

«Սպայկա»-ի և «Արմսանպրոդակտ»-ի համար 163.2 հա հողամաս օտարվեց

Հունիս 23, 2017 15:17 Բորբոսով պանրի գործարան են կառուցելու։
Առգրավվել է 13 պոլիէթիլենային ձկնորսական ցանց

Առգրավվել է 13 պոլիէթիլենային ձկնորսական ցանց

Հունիս 22, 2017 16:45 213 «սիգ» տեսակի ձուկ և 105 խեցգետին:
ՀՀ վարչապետի ելույթն Ազգային ժողովում

ՀՀ վարչապետի ելույթն Ազգային ժողովում

Հունիս 21, 2017 12:22 Կառավարության ծրագիրը ներկայացնելիս։
Գործադիրը հավանություն է տվել ՀՀ կառավարության ծրագրին

Գործադիրը հավանություն է տվել ՀՀ կառավարության ծրագրին

Հունիս 19, 2017 11:26 Տեղի է ունեցել ՀՀ կառավարության արտահերթ նիստ։
Բանկերի կողմից գնվել է 79,259,681 դոլար

Բանկերի կողմից գնվել է 79,259,681 դոլար

Հունիս 17, 2017 07:55 481.54 դրամ ԱՄՆ մեկ դոլարի դիմաց միջին փոխարժեքով։
Գործադիրը 3 ընկերության արտոնություն է տրամադրել

Գործադիրը 3 ընկերության արտոնություն է տրամադրել

Հունիս 15, 2017 15:39 Ծրագիրը ուշանում է։
Վերաբաշխումներ են կատարվել ՀՀ պետական բյուջեում

Վերաբաշխումներ են կատարվել ՀՀ պետական բյուջեում

Հունիս 15, 2017 15:34 50,178.2 հազ. դրամը կուղղվի ՀՀ կառավարության պահուստային ֆոնդ:
Կարկտահարությունից առավելապես տուժել է Արմավիրի 8 համայնք

Կարկտահարությունից առավելապես տուժել է Արմավիրի 8 համայնք

Հունիս 13, 2017 16:33 Մինչև 100 տոկոս վնասվածություն է գրանցվել:
Էներգաբլոկը ցանցին կմիանա հուլիսի 10-ին

Էներգաբլոկը ցանցին կմիանա հուլիսի 10-ին

Հունիս 13, 2017 11:07 Մայիսի 10-ից ատոմակայանը դուրս է բերվել էներգաարտադրության ցանցից։
Էջմիածին-Արմավիր ճանապարհին մեկ տասնյակից ավելի գյուղերի բնակիչներ փակել են ճանապարհը

Էջմիածին-Արմավիր ճանապարհին մեկ տասնյակից ավելի գյուղերի բնակիչներ փակել են ճանապարհը

Հունիս 13, 2017 10:27 Անձրևի ու կարկուտի հետևանքով առաջացած վնասների փոխհատուցման համար։
«Երևանի Վ. Բրյուսովի անվան պետական լեզվահասարակագիտական համալսարան» ՊՈԱԿ-ը կվերակազմավորվի

«Երևանի Վ. Բրյուսովի անվան պետական լեզվահասարակագիտական համալսարան» ՊՈԱԿ-ը կվերակազմավորվի

Հունիս 08, 2017 16:17 «Երևանի Վ. Բրյուսովի անվան պետական համալսարան» հիմնադրամի։
18-ամյա լոռեցի աղջիկը սովից ուշագնաց է եղել (տեսանյութ)

18-ամյա լոռեցի աղջիկը սովից ուշագնաց է եղել (տեսանյութ)

Հունիս 08, 2017 11:50 Հենց նկարահանումների ժամանակ։
Ի՞նչ է կանխատեսում Համաշխարհային բանկը Հայաստանի համար

Ի՞նչ է կանխատեսում Համաշխարհային բանկը Հայաստանի համար

Հունիս 05, 2017 15:56 Հրապարակել է «Համաշխարհային տնտեսական հեռանկարներ-2017» զեկույցը։
ՍԱՊԾ-ում քննարկվել է ժամկետանց թունաքիմիկատների պահեստավորման հարցը

ՍԱՊԾ-ում քննարկվել է ժամկետանց թունաքիմիկատների պահեստավորման հարցը

Հունիս 05, 2017 14:56 Արարատի մարզում կպահեստավորվեն:
Բանկերի կողմից գնվել է 66,697,331 դոլար

Բանկերի կողմից գնվել է 66,697,331 դոլար

Հունիս 03, 2017 09:59 481.03 դրամ ԱՄՆ մեկ դոլարի դիմաց միջին փոխարժեքով։