Աշխարհ

Ապրիլ 21, 2017 14:18

Վրաստանում էլ են ուզում Սահմանադրությունը փոխել

Վրաստանում էլ են ուզում Սահմանադրությունը փոխել

Վրաստանի իշխող քաղաքական ուժը՝ «Վրացական երազանք»-ը, սահմանադրական փոփոխություններ է առաջարկում: Ըստ նախագծի՝ երկրի նախագահը ընտրվելու է ոչ թե ժողովրդի ուղղակի քվեարկության, այլ ընտրական կոլեգիայի 300 անդամների կողմից՝ փակ գաղտնի քվեարկության արդյունքում, հինգ տարի ժամկետով: Նախագահի լիազորությունները, որոնք հիմա էլ սահմանափակ են, ավելի կսահմանափակվեն: Այս մասին հայտնում է «Ազատությունը»։

Վրաստանի ներկայիս նախագահ Գիորգի Մարգվելաշվիլին քննադատել է սահմանադրական փոփոխություններով նախատեսվող՝ թե՛ նախագահի անուղղակի ընտրության, թե՛ լիազորությունները սահմանափակող դրույթները: «Իսկ ամենասարսափելին այն է, որ երկիրը փաստորեն չի ունենա գերագույն գլխավոր հրամանատար», - ասել է նա:

Մարգվելաշվիլին դրական է գնահատել մեծամասնական ընտրակարգից հրաժարվելու առաջարկը: Սահմանադրական փոփոխություններով նախատեսվում է ընտրություններն անցկացնել միայն համամասնական ընտրակարգով՝ կուսակցական ցուցակներով: Բայց այստեղ ևս, Մարգվելաշվիլիի կարծիքով, անորոշ կետեր կան: Մասնավորապես, նա անհասկանալի է համարել այն դրույթը, ըստ որի՝ հաղթած կուսակցությունը, եթե անգամ հաղթանակի է հասել ընդամենը մեկ տոկոսի առավելությամբ, ստանալու է բոլոր չբաշխված քվեները:

«Վրացական երազանք»-ը առաջարկվող փոփոխությունների նախագիծը Սահմանադրական հանձնաժողովում քվեարկության է դնելու ապրիլի 22-ին:

Ընդդիմադիր ուժերի ներկայացուցիչները որպես անհամաձայնության նշան դուրս են գալիս հանձնաժողովի կազմից: Երեկ հանձնաժողովից դուրս գալու մասին հայտարարեցին «Եվրոպական Վրաստան» և «Ազատ դեմոկրատներ» կուսակցությունները, ավելի վաղ ընդդիմադիր չորս այլ կուսակացություններ դուրս էին եկել հանձնաժողովից: Լեյբորիստական կուսակցությունը հայտնել է, որ որոշումը կընդունի քվեարկության օրը՝ ապրիլի 22-ին․ նաև այդ կուսակցության դուրս գալու դեպքում Սահմանադրական հանձնաժողովում կմնա միայն «Վրացական երազանք»-ը:

Ընդդիմադիրների հիմնական դժգոհությունը երկրի նախագահին ընտրելու ուղղակի քվեարկությունը վերացնելու դրույթն է: Սահմանադրական հանձնաժողովը աշխատանքը գործնականում ավարտել է, ապրիլի 22-ից հետո նախագիծն ուղարկվելու է Վենետիկի հանձնաժողով՝ եզրակացություն ստանալու համար, իսկ ապրիլի 30-ից նախատեսվում է այն շրջանառության մեջ դնել Վրաստանի խորհրդարանում:

Print Friendly and PDF

Այս խորագրի վերջին նյութերը

Ամառային կոշիկներ, որոնք վնասում են ձեր առողջությանը (ֆոտոշարք)

Ամառային կոշիկներ, որոնք վնասում են ձեր առողջությանը (ֆոտոշարք)

Մայիս 23, 2017 20:56 Ծանրացնում են ձեր ոտնաթաթերի աշխատանքը։
Թրամփը Վատիկան է մեկնել՝ Հռոմի պապի հետ հանդիպման

Թրամփը Վատիկան է մեկնել՝ Հռոմի պապի հետ հանդիպման

Մայիս 23, 2017 17:55 Հանդիպումը ծրագրված է մայիսի 24–ին։
ԻՊ–ն ստանձնել է Մանչեսթերի ահաբեկչության պատասխանատվությունը

ԻՊ–ն ստանձնել է Մանչեսթերի ահաբեկչության պատասխանատվությունը

Մայիս 23, 2017 16:25 Թերեզա Մեյը մեկնել է Մանչեսթեր։
23-ամյա երիտասարդ է ձերբակալվել Մանչեսթերի ահաբեկչության գործով

23-ամյա երիտասարդ է ձերբակալվել Մանչեսթերի ահաբեկչության գործով

Մայիս 23, 2017 15:22 Հայտնել է Մեծ Բրիտանիայի ոստիկանությունը:
ՌԴ ԶՈւ Սևծովյան նավատորմը որոնողափրկարարական վարժանքներ է անցկացրել

ՌԴ ԶՈւ Սևծովյան նավատորմը որոնողափրկարարական վարժանքներ է անցկացրել

Մայիս 23, 2017 15:04 Իրականցվել է վթարային սուզանավի հայտնաբերում։
Վենեսուելայում ցուցարարները հրդեհել են Ուգո Չավեսի տունը

Վենեսուելայում ցուցարարները հրդեհել են Ուգո Չավեսի տունը

Մայիս 23, 2017 12:50 Պատճառը 19-ամյա ուսանողի սպանությունն է։
Ճապոնիայում շոգերի պատճառով մոտ հազար մարդ է հոսպիտալացվել

Ճապոնիայում շոգերի պատճառով մոտ հազար մարդ է հոսպիտալացվել

Մայիս 23, 2017 12:45 Տուժածների մոտ կեսը 65 տարեկանից բարձր է։
Ջոլին Բրեդ Փիթի հարևանությամբ տուն է տեղափոխվել

Ջոլին Բրեդ Փիթի հարևանությամբ տուն է տեղափոխվել

Մայիս 23, 2017 12:10 3 կմ հեռավորությամբ է գտնվում։
Թրամփը Պաղեստին է ժամանել՝ Աբբասի հետ հանդիպման

Թրամփը Պաղեստին է ժամանել՝ Աբբասի հետ հանդիպման

Մայիս 23, 2017 11:25 Արդեն երրորդ հանդիպումն է։
Ռոնալդու․ «Ես սուրբ չեմ, բայց սատանա էլ չեմ»

Ռոնալդու․ «Ես սուրբ չեմ, բայց սատանա էլ չեմ»

Մայիս 23, 2017 11:04 Իմ մասին շատ հիմար մտքեր կլսեի: