ՌԴ արտգործնախարար Սերգեյ Լավրովը հայտարարել է, որ ԱՄՆ–ի կողմից Ռուսաստանին ուղղված մեղադրանքները, թե, իբր, ՌԴ–ն զենք է մատակարարում թալիբներին, սուտ են ու անհիմն։ Այս մասին փոխանցում է ТАСС–ը։

«Ինչ վերաբերում է մեր կողմից, իբր, թալիբներին զենք մատակարարելու մասին հայտարարություններին, որոնք հնչում են Վաշինգտոնի զինվորականների և տարածաշրջանում, այդ թվում՝ Աֆղանստանում ԱՄՆ–ի գլխավորած խմբավորման կողմից, ապա դրանք ոչ պրոֆեսիոնալ հայտարարություններ են, ոչ մի բանի վրա չհիմնված»,–ասել է ՌԴ ԱԳՆ ղեկավարը՝ հավելելով, որ այդ հայտարարությունները հաստատող որևէ փաստ ոչ ոք չի ներկայացնում։

Ավելի վաղ ԱՄՆ պաշտպանության նախարար Ջեյմս Մեթիսը հայտարարել էր, որ Վաշինգտոնն անհանգստացած է Աֆղանստանում Մոսկվայի ներկայությամբ և «Թալիբանի» հետ նրա փոխգործակցությամբ։

7or.am