2014-ին այդ խանութի ճակատին գրված էր «Ավտոպահեստամասեր»:
Մի վեց ամիս հետո «վերապրոֆիլավորվեց» ու դարձավ «Խմորեղենի ցեխ»:
2015-ին այդ շինության ճակատին գրեցին՝ «Դեղատուն»:
Մի վեց ամիս հետո այն վերածվեց «Սգո սրահի»:
2016-ին նույն տարածքը դարձավ «Սաունա»:
Մի կես տարի անց՝ «Արևելյան համեմունքներ»:
Հիմա էլ դարձել է «Սուպերմարկետ»:
Մտա, տեսնեմ՝ ինչ կա-չկա:
Հացը 4 օրվա էր, կաթնամթերքը՝ մեկ շաբաթ առաջ էին ստացել, փտած խնձոր-մնձոր, թառամած կանաչի, մեշոկներով մակարոնեղեն, «Բոմբոներկաների» ժամկետն էլ վեց ամիս առաջ լրացել էր...
Լրիվ 70-ակականների «սետկա» կոչվող հայտնի խանութների վիճակ...
Ու ամենախոխման էն էր, որ ջահել տերը հետևիցս վազելով եկավ ու զգուշացրեց.
- Մորքուր ջան, լույս չունենք, կասսան չի աշխատում....

Մամա ջաաաա՜ն...Հասանք 90-ականներ:

Կիմա Եղիազարյանի ֆեյսբուքյան էջից