Վրաստանի Քոբուլեթիում ինքնասպան է եղել «Արմազի» հյուրանոցի սեփականատերը։ Ինչպես հայտնում է «Նովոստի-Գրուզիա» լրատվական գործակալությունը, երկրի ՆԳՆ-ում քննություն է ընթանում ինքնասպանության հասցնելու հոդվածով:

Նշենք, որ 2015 թ․ մայիսի 10-ի լուսաբացին այս հյուրանոցում խոշոր հրդեհ էր բռնկվել, ինչի հետևանքով երեք երեխա էր մահացել՝ 10-12 տարեկան: Նրանք Ռուսթավի քաղաքից ժամանած «Սիխարուլի-2» մանկական երգչախմբի անդամներն էին, ովքեր չէին կարողացել դուրս գալ հյուրանոցի կողպված համարից:

Ըստ փորձաքննության՝ հրդեհի պատճառը հնացած էլեկտրալարերն էին:

7or.am