Աշխարհ

21.06.2017 19:02


Հյուսիսային Կովկասում մեկնարկել է ՌԴ ԶՈւ 58-րդ բանակի վաշտերի հրամանատարների հավաք

Հյուսիսային Կովկասում մեկնարկել է ՌԴ ԶՈւ 58-րդ բանակի վաշտերի հրամանատարների հավաք

ՌԴ ԶՈւ Հյուսիսային Կովկասում տեղակայված զորավարժարաններում մեկնարկել են 58-րդ համազորային բանակի վաշտերի հրամանատարների և նրանց տեղակալների հավաքները։ Հավաքներին ներգրավվել է ավելի քան 400 սպա։ razm.info-ն գրում է, որ այս մասին տեղեկացնում է ՌԴ ՊՆ կայքը։

Քառօրյա հավաքների ընթացքում վաշտերի հրամանատարները յուրացնելու են անծանոթ տեղանքում մարտ վարելու, մարտական պատրաստության կազմակերպման հմտություններ։

Հավաքների ընթացքում իրականացվելու են կրակային պատրաստության գործնական պարապմունքներ։ Վարժանքներին ներգրավվել են Մակարովի ատրճանակներ, ԱԿ-74 ավտոմատներ, ԲՏՌ-82Ա զրահափոխադրիիչներ, ԲՄՊ-2 և ԲՄՊ-3 հետևակի մարտական մեքենաներ, Տ-72Բ3 տանկեր, «Ակացիա» և «Մստա-Ս» ինքնագնաց հաուբիցներ։

Քննարկվելու են նաև զինվորական կարգապահության և կարգուկանոնի ամրապնդման, զինվորական ծառայության անվտանգության բարելավման հարցեր։

Հավաքների ավարտին վաշտերի հրամանատարները հանձնելու են ստուգարքներ, որի շրջանակներում գիշերային և ցերեկային ժամերին վարելու են թրթուրավոր և անվավոր տեխնիկա։

Հիշեցնենք, որ ՌԴ ԶՈւ հարավային ռազմական շրջանի ուժերը տեղակայված են Ռուսաստանի կովկասյան տարածքներում և Ղրիմում: ՀՌՇ կազմի մեջ են մտնում նաև Հայաստանում, Հարավային Օսիայում և Աբխազիայում տեղակայված ռուսաստանյան ռազմաբազաները:

Այս խորագրի վերջին նյութերը